1 Korintiyeku 3:16 - Mewar Alqawarang

¹⁶ Alapa nun zu̱n za tun rafti ɓu̱ Magham ɓa goma, Jiimbi shakhshakhndi a nje kharan mbe nu?

1 Korintiyeku 3:16 ပူးပေါင်းရင်းမြစ်များ

Yokhana 14:17

Chin ke Jiimbi nu̱ zhire, nu̱ke larji ɓu̱ ɗu̱ma dlu̱ran ɓa ku̱me ɓu̱ ɗu̱ma na nda ɓa yang nu̱ zu̱n nda ɓa. Ɓaanu yang tun wa zu̱n nda, ku̱me a nje kharan ndu̱ tunu, yang ka ɓaa khan mbu̱ memu̱na nu.

Romeku 6:16

Nun zu̱n za mbu̱ tun wa vu̱r vaanu ye njif nggur tun ki shi shimndi ɓaran, tun wa kha ma maavi ɓaran ɓa goma? Tun ka ɗu̱ma khar ma maavi ɓu̱ sola, nu̱ka ɓa ki ndu̱ mu̱ɗi, yang tun ka ɗu̱ma khar ma maavi ɓu̱ Magham, nu̱ka ɓa ki nu̱ dambu.

Romeku 6:3

Alapa nun zu̱n za chem kap ɓaarem nu̱ shiki baptisme yerem mbe Masiya Yesu, shi yerem nu̱ mbe mu̱ti ɓaran ɓa goma?

Romeku 8:11

Mbu̱ Jiimbi shakhshakhndi nu̱ jiiki ndu̱ Yesu mbe mu̱ti a nje kharan mbe nu, ba chin nu̱ jiiki ndu̱ Masiya mbe mu̱tang ka vu̱r nyifiri ye man vaanu nu̱ka mu̱tki. Nu̱ ku̱nshe Jiimbi nu̱ke a nje kharan mbe nwang.

Romeku 8:9

Tun yang, nun ka shi khar viti ɓaanu mbe ɗye shir ɓu̱ nduk ɓa, tun a khar viti ɓaanu mbe Jiimba, mbu̱ Jiimbi ɓu̱ Magham a nje kharan mbu̱ memu̱na nu. Yang kap njif nu̱ke Jiimbi ɓu̱ Masiya a nje mbe nda ɓa, ɗya ɓu̱ Masiya ɓa.

1 Korintiyeku 3:17

Aaki su̱bu̱rki rafti ɓu̱ Magham nu̱gha, Magham ka su̱bu̱rti nda nu̱ gha, ku̱me rafti ɓu̱ Magham shakhshakh, yang tun ke rafti ɓaranang.

1 Korintiyeku 3:9

Jiwa chem a khar raptiki mbu̱ tlu̱nar ɓu̱ Magham, yang tun ke dam ɓu̱ Magham ndu̱ du̱ndi ɓaran tu̱k.

1 Korintiyeku 5:6

Khamndi ɗyino nu nu̱ke tuna shiranang mbar ɓa. Nun zu̱n za yis koɗomma ke nu̱ sa ɓurti toli tu̱ ji ɓa goma?

1 Korintiyeku 6:16

Nun zu̱n za aaki gontaki varan ndu̱ man mu̱nggu̱l wa kha ma man var da ku ɓa goma? Ai, a nje bu̱laran za, “Wor rapndang ka kha ma man var da ku.”

1 Korintiyeku 6:19

Nun zu̱n za man vaanu ɗya rafti ɓu̱ Jiimbi shakhshakhndi nu̱ke a mbe nu nun dlu̱ki she nda ɓa goma? Tun ɓu̱ shi zalale ndu̱ vaanu ɓa.

1 Korintiyeku 6:9

Nun zu̱n za nu̱ mu̱narku ɓu̱ vi nu̱ mbu̱ kwaaɗar ɓu̱ Magham ku ɓa goma? Ku̱ nduk lamba nu ɓa ku̱me nu̱ zawar mbu̱ khu̱rti ku a nje, ndu̱ nu̱ ghaari ghai ye mu̱lu̱mku. Kom ndu̱ nu̱ ɓu̱rti ku nu̱ke a zawarku, ndu̱ khuzuku nu̱ nduki ka qanki ndu̱ wora, ndu̱ khuzuku nu̱ka qanki ndu̱ yen kom ndu̱ nusuku nu̱ka qanki ndu̱ yen.

1 Korintiyeku 9:13

Nun zu̱n za nduki nu̱ka shiki tlu̱nar mbu̱ rafti ɓu̱ Magham ka gwa ɗye zu̱mndi ɓaanda ye maaran de? Nu̱ tlu̱nar ɗyin du̱ku̱lang ka gwa me ɓaran mbu̱ sadke nu̱ du̱ngki nu̱ ɗyin du̱ku̱lang.

1 Korintiyeku 9:24

Tun wa zu̱n mbu̱ nduki a palam ɗari, chele ɓu̱ nu̱ ɗar kwang, aakya wuta ku̱ peeta nji mu̱dlen, yang nduk kaada ka gwaki ɗye ɓiirang ɓa goma? Ki ma pooni ɗar nu̱ke ka saki tun gwa ɗye ɓiirang ɗo.

2 Korintiyeku 6:16

Rafti ɓu̱ Magham ka kha da ndu̱ maa konom mu? Chem ke rafti ɓu̱ Magham nu̱ nyifiri. Ba wa nu̱ Magham zu̱ki, “Ngga kha su̱yen ndu̱ wora, tang baara chele ɓaanda, Ngga kha ma Maghamndi ɓaanda, wor ka kha ma nduki ɓanga.”

1 Timoti 3:15

Mbu̱ yang wa khubti nga nu̱ gha ku, wa shipa ku̱ zu̱n na ɗyi nu̱ shipaki ku̱ nduki shi mbu̱ rafti ɓu̱ Magham. Nu̱ke nang ke tabar ɓu̱ nduki ɓu̱ Magham nu̱ nyifiri, yang chin ke zaure ndu̱ dlu̱dlarsi zhire tu̱k.

2 Timoti 1:14

Khutlo shogar zhirekandi nu̱ vu̱rki du̱ngdan ye ro nu̱ ku̱nshe shaatar ɓu̱ Jiimbi shakhshakhndi nu̱ke kharan mbe rem.

Yibraniyeku 3:6

Yang Masiya ɗya nu̱ zhire mbe khar ɓaran Yi ɓu̱ Magham ɗyine nduki ɓu̱ Magham. Chem ke nduki ɓaran mbu̱ chem wa zu̱m guma ndu̱ shokhku̱rokh memu̱na, chem a sa memu̱narem su̱yen ndu̱ wakhti ɗyine ɗyiku nu̱ke chem a bu ɓar ɓaanda.

Yaqub 4:4

Tun nu̱ song shir zhire! Alapa nun zu̱n nu̱ ɗyine bar raptikir ndu̱ larji ɗya kare ndu̱ Magham ɓa goma? Ku̱me aaki ndolaki larji, a gaɓkya ndu̱ ɗyinan ma nu̱ kare ndu̱ Magham.

1 Biturus 2:5

Tun yang, gaɓ wa ndogdiku nu̱ nyifiri nu̱ka shiki boote ndu̱ wor ma du̱n rafti nu̱ jiimba. Ma ku̱ kha ma tabar ɓu̱ kuruku shakhshakhndi ɓu̱ rafti nang, tun a zoɓa sadke nu̱ jiimba nu̱ ku̱nshe Yesu Masiya, nang ke pooni sadke nu̱ke Magham a shimndan.

1 Yokhana 4:12

Nduk a nje nu̱ naki Magham sar da ɓa, yang mbu̱ chem a ndola yen, Magham a nje kharan mbe rem ɗo, ndolar ɓaran nang wa kha nyeedlan mbe rem.