1 Korintiyeku 2:7 - Mewar Alqawarang

⁷ Nga zu̱kya kaɗari ɓu̱ Magham tukakandi, ɗyen tukaran zhu ɗau, nang ke kaɗari ɓu̱ Magham nu̱ daasaki ma vu̱r zhaaji yerem me ku̱ du̱ng larji.

1 Korintiyeku 2:7 ပူးပေါင်းရင်းမြစ်များ

Matta 11:25

Ye sarchi nang tu̱ Yesu zu̱ za, “Ngaa kunaro, Aba, Zhinkir gwaanji ɓu̱ maa viɗi ndu̱ maa vu̱ghai, ku̱me ta tuka ɗyiku nang gha ye nu̱ kaɗari ku ndu̱ nu̱ zu̱ndi ku, to wuɗ ye qusonggi pichichindi.

Matta 13:35

Shi wanang ma ku̱ nyel ɗyi nu̱ annabi Yishaya zu̱ki za, “Ngga shi ɓalar mbu̱ ku̱rti ɓalarku. Ngga zu̱ ɗyiku tukakandi ma nu̱ shiki larji.”

Romeku 11:25

Nyeezaku, nga shim wut nga ɗyi tukakandi nggur ye nu ku̱ zu̱n nu, ma ku̱ kha nu ma nu̱ gwaari ɗyin ɓa. Kaaku̱ɗakh memu̱nar ɓu̱ ɓeeni nduki nu̱ Israila nang ɗya ba me sarchi koɗomma, a bu kya sarchi nu̱ke khang ɓu̱ nduki nu̱ke ɗya Yakhudeku ɓa nu̱ke a ɓar she Magham ku̱ nyedli.

Romeku 8:29

Jiwa Magham wa zu̱n nduki nyin datki nu̱ ɗawi, wor ke nduki nu̱ Magham bu̱laki nu̱ ve wor ku̱ da shipar ɓu̱ Yi ɓaran, ma ku̱ Yi ɓaranang kha ma nu̱ gumapaali chele nyeezanku khangndi.

Romeku 8:30

Yang nduki nu̱ Magham bu̱laki nu̱ ve worang, wor ke nduki nu̱ qaki. Nduki nu̱ qakyang, wor ke nduki nu̱ gaɓki ndu̱ wor tu̱ kha waare sola gume nda. Nduki nu̱ khaki waare solar gume ndang, wor ke nduki nu̱ vu̱rki zhaaji ye wora.

1 Korintiyeku 2:1

Nyeezaku, sarchi nanga ɓa ki ma zu̱ ɗyi tukakandi nu̱ Magham zu̱ki yerem, nang shi boote ndu̱ ɓalar taɗakandi ndu̱ zu̱ndi khangndi nang shiki ɓa.

Afiseku 1:4

Wa daaterem nu̱ ku̱nshe khar ɓaarem da ndu̱ Masiya me ku̱ du̱ng larji, ma ku̱ kha mi shakhshakh, waare sola gume nda ku̱me ndolar ɓaran.

Afiseku 3:10

Ɗya shimndi ɓaran leendang, ku̱ tabar ɓu̱ nu̱ mbu Yesu wut kaɗari ɓu̱ Magham zum zum ye nu̱ kwaaɗarku ndu̱ nu̱ zalaleku nu̱ke a mu̱na viɗi.

2 Timoti 1:9

Magham ɗanaki rem, tu̱ qa rem ma ku̱ kha mi shakhshakh. Nu̱ qa rem ku̱me tlu̱nar nyem shiki ɓa, qa rem ku̱me shimndi ɓaran ndu̱ mu̱nkir ɓaran. Vu̱r mu̱nkir ɓaranang yerem nu̱ ku̱nshe Masiya Yesu me ku̱ du̱ng larji,

Yibraniyeku 1:2

Yang ye lauɗarsi qaandi virkirku nang shi ɓalarang nu̱ ku̱nshe Yi ɓaran. Magham du̱ng aa nu̱m ndu̱ aa nu̱m nu̱ ku̱nshe Yi ɓaranang. Datkya chin tu̱k ma ku̱ aa nu̱m kha ma ɓaran.

Yibraniyeku 11:3

Chem wa zu̱n nu̱ ɗyine Magham du̱ng larji ndu̱ ɓalar mbu̱ men nu̱ ku̱nshe maito, ɗyi nu̱ke chem a naran nang a vi mbe ɗyi nu̱ke ɓu̱ shi na ɓa.

1 Biturus 1:11

Wa shim ku̱ zu̱n nda sarchi nu̱ke ɗyi nang ka shiki, kom ndu̱ ɗa ka shi kikimndana. Ye sarchi nu̱ Jiimbi ɓu̱ Masiya shiki ɓalar mbu̱ memu̱na wora, a wut bonye nu̱ke Masiya ka zaki kom ndu̱ zhaaji nu̱ke a ma vu̱rtan yenda qu̱rsan.

1 Biturus 5:1

Ma yir she ku̱mandiku nu̱ chele ɓaanu, nga khutonu ma nu̱ke nga ku̱maandi nduk wa tunu nga nang naki bonye nu̱ Masiya zaki ndu̱ yita, yang tu̱k nga gwa zhaaji nu̱ke ka ɓa ɗatlki ye dalangi.

1 Biturus 5:10

Qu̱rse tun wa za bonye nang me sarchi koɗomma, Magham nu̱ mu̱nkir kap, chin nu̱ qaki nu ma gwa nu zhaaji su̱yen ndu̱ chin koɗokhsi ɓa mbe Masiya. Ka gaɓ ndu̱ tun tun kha nyeedlan, ka pa du̱mbu̱r ye nu tun ching gha shanggu̱ɗang.

2 Bitu̱rus 1:3

Magham mbu̱ zalale ɓaran wa vu̱r ɗyi nu̱ke chem a gangndan kap ma shi mi pooni khar viti ɓu̱ nduki nu̱ sawar Magham nu̱ ku̱nshe zu̱n ndu̱ nda. Chin qaki rem mbe pooni zhaaji ndu̱ dambi ɓaran.

Ɗyin mbu̱ tukari 13:8

Nduki nu̱ke kharan mbu̱ larji kap ka ghar ghai ye dlu gaari nang, nang ke kap nduki nu̱ke nu̱ bu̱la dlu̱m wor nu̱ mbu̱ Lagarkati Nyifiri ɓu̱ Ye gamndi nu̱ dlaki nu̱ ghang ma ji sarchi du̱ngndi larjyang ɓa.