1 Korintiyeku 2:6 - Mewar Alqawarang

⁶ Kap ndu̱ nang, nga ka wopa ɓalar ndu̱ kaɗari ye nduki nu̱ gorki mbe maito ɓaanda. Nang ɗya pooni kaɗari ɓu̱ nduki nu̱ larji nang ɓa, ɗya pooni kaɗari ɓu̱ nduki nu̱ meeni ɓa, yang ɓu̱ nu̱ kwaaɗarku nu̱ke a ma su̱yar ku ɓa.

1 Korintiyeku 2:6 ပူးပေါင်းရင်းမြစ်များ

Matta 13:22

Pooni nu̱ nggu̱ɗki nu̱ mbu̱ njekhtikwang yang, a khar wa njif nu̱ tu̱kki ɓalar ɓu̱ Magham, yang damtar nu̱ke a mbu̱ larji ndu̱ shimndi gu̱na tu̱ nggu̱tl ɓalarang gwaari nu̱ke nu̱ kha ndu̱ boota ɓa.

Matta 19:21

Tu̱ Yesu ze yenda za, “Mbu̱ ta shim kha na torop, to ɗu̱ to ɗa masa ɗyi nu̱ke a kha ɓar kap, to vu̱r mu̱zhindan ye nu̱ nungndiku, to ka gwa gu̱nar nu̱ mbu̱ viɗi. Kom to ɗa ɓa to mburi nga.”

Matta 5:48

Ku̱me wanang, tun kha nyeedlan wa nu̱ke Zhinonu nu̱ke a mbu̱ viɗi nyeedlan.

Luka 16:8

“Tu̱ nu̱ rafti ɓu̱ nu̱ song zhiryang makhta nda ku̱me ghu̱rti nu̱ shikyang. Nduki nu̱ mbu̱ larji meeni wa duk nduki nu̱ kya mbu̱ yarang ghu̱rti mbu̱ pooni ɓaanda.

1 Korintiyeku 1:28

Ɗyiku nu̱ mbu̱ larji nu̱ nduki ndu̱mki, tu̱ na wa zhaaji ɓaanda kata, tu̱ na boota su̱ ɓa yang ɗya aa nu̱m ɓa, nang ke ɗyiku nu̱ke Magham datki a boote si ma ku̱ gu̱ɗa ɗyi nu̱ naki wa boota sang.

1 Korintiyeku 12:8

Njif nggur wa gwa vu̱rti nu̱ke ɓalar ɓaran aakochi nyeedlan ndu̱ kaɗari, nu̱ ku̱nshe Jiimbi shakhshakhndi, tu̱ njif nggur gwa ɓalar nu̱ke nyeedlan ndu̱ zu̱ndi nu̱ ku̱nshe chin Jiimbi dandi nang.

1 Korintiyeku 14:20

Nyeezaku, ku̱ kwaari ɓaanu kha wa qusongga ɓa, ye maa ɗye mu̱na, tun kha wa ɓeelar woi, yang ku̱ kwaari ɓaanu kha wa nduk gori.

1 Korintiyeku 2:1

Nyeezaku, sarchi nanga ɓa ki ma zu̱ ɗyi tukakandi nu̱ Magham zu̱ki yerem, nang shi boote ndu̱ ɓalar taɗakandi ndu̱ zu̱ndi khangndi nang shiki ɓa.

1 Korintiyeku 2:13

Ɗyiku nu̱ke chem a zu̱ran ye nu nang, nyem shi boote ndu̱ ɓalar nu̱ kaɗari nu̱ nduk shogaki yerem ɓa. Chem a shikya boote ndu̱ ɓalar nu̱ Jiimba shogaki yerem, chem a zu̱ zhire ɗyi nu̱ mbu Jiimba ye nduki nu̱ke a mbu̱ Jiimba.

1 Korintiyeku 2:8

Nduk a nje chele ɓu̱ nu̱ kwaaɗarku nu̱ larji kap nu̱ daki mbu̱ kaɗari nang ɓa, mbu̱ wa gwa mban ku, tu̱ga nu̱ katl Zhinkir gwaanji nu̱ zhaaji nu̱gha ɓa.

1 Korintiyeku 3:1

Nyeezaku, nang shi ɓalar ye nu wa tun nduki nu̱ke Jiimba a zalale ndu̱ tun ɓa, nga shi ye nu wa tun da ndu̱ nduki nu̱ larji, wa ɓeelarku mbe Masiya.

2 Korintiyeku 1:12

Leendang nang ke wakhti ɓaarem, memu̱narem wa wuɗ yerem nu̱ ɗyine chem wa shi khar mbarkandi mbu̱ larji nang, nu̱ shi wa khar shakhshakhndi nyem shiki su̱yen ndu̱ tun ɓa, nu̱ pooni zhire na viki she Magham. Nyem shi nang nu̱ ku̱nshe kaɗari ɓu̱ nduk ɓa, kope nu̱ ku̱nshe mu̱nkir ɓu̱ Magham.

2 Korintiyeku 13:11

Ye lauɗar san, nyeezaku, kope fu̱ɗa ngguri. Shi ma tun kha nyeedlan, tu̱k ma khuti ɓanga, kha ma ma tun da tun shi khar mu̱nkandi ndu̱ yen. Nang ka saki tu̱ Maghamndi nu̱ ndola kha gha su̱yen ndu̱ tunu.

2 Korintiyeku 4:3

Mbu̱ Labar mbarkandi nu̱ke chem a woparan nang wa kha tukaran, kha tukaran ye nduki nu̱ke a ɗyin njiv su̱yari.

2 Korintiyeku 4:4

Nu̱ maita ku ɓa, ku̱me Sheɗan nu̱ kwaaɗar larji nang wa sa memu̱na wor tu̱ kha zhum. Wa nggu̱tl wor ku̱ na yarang nu̱ke a wuti ye wor nang, yarang nu̱ke a viri she Labar mbarkandi nu̱ zhaaji ɓu̱ Masiya, nu̱ke chin ke shipar ɓu̱ Magham.

Afiseku 2:2

Nang ke sarchi nu̱ke tun mbu ki njiv malkandiku nu̱ larji nang, tun a mbu kuji ɓu̱ nu̱ zalaleku nu̱ mu̱na viɗi, nang ke khu̱kheetiku malkandi nu̱ka sokhki nduki ku̱ zhang mbu zu̱r ɓu̱ Magham gha.

Kolosiyeku 1:28

Nang ke ɗyi nu̱ saki chem ki wopa Masiya Yesu ye aaki, chem a dut dlu̱mdi aaki, chem a shoga ɗyiku nang ɓar ndu̱ kaɗari nu̱ke a khaarem kap ma ku̱ vu̱r mi aaki nyeedlan mbe Masiya.

Kolosiyeku 4:12

Apafaras da chele ɓaanu, nu̱ke ɗya maavi ɓu̱ Masiya Yesu, a qaandi ye nu. A barar maɗyikandi aakochi ku̱me tunu a khuɗ Magham ma ku̱ ching nu gha shaanggu̱ɗang, tun kha nyeedlan, tun a tlu̱na shimndi ɓu̱ Magham, mbonu kaada.

Yibraniyeku 5:14

Yang ɗye zu̱mndi kaaku̱ɗakhndi ɗya ɓu̱ nduki nu̱ gorki. Poonan ke nduki nu̱ka shiki boote ndu̱ kwaari ɓaanda aakochi, tu̱ ka shakh chele ɓu̱ ɗyi mbarkandi ndu̱ ɗyi malkandi.

Yibraniyeku 6:1

Ku̱me nang, gang mi gha ɗyin shogar pichichindi nyem dlu̱ki nu̱ gumapaali ɗyine Masiya ɓa, yang zu̱m mi guma chem gori. Ku̱ kha mi chem a shogakya shogar maitar Magham, ndu̱ nu̱ nggooti njigti tlu̱narku nu̱ke ka ɗu̱ki ndu̱ chem mbe mu̱ti ɓa.

Yaqub 3:15

Pooni kaɗari nang ɗya kaɗari nu̱ka ɓa ki viɗ ɓa, ɗya nu̱ larji. Ɗya nu̱ jiimba ɓa, ɗya ɓu̱ Sheɗan.

Yaqub 3:2

Ku̱me kap ɓaarem chem wa ka shi zop ve njivku zum zum. Mbu̱ yang nduk nu̱ ka shi zop mbe ɓalar ɓaran ɓa, njif nang ɗya njif nu̱ke nyeedlan, wa ka ɗu̱ma ku̱s varan guma da.

1 Biturus 5:10

Qu̱rse tun wa za bonye nang me sarchi koɗomma, Magham nu̱ mu̱nkir kap, chin nu̱ qaki nu ma gwa nu zhaaji su̱yen ndu̱ chin koɗokhsi ɓa mbe Masiya. Ka gaɓ ndu̱ tun tun kha nyeedlan, ka pa du̱mbu̱r ye nu tun ching gha shanggu̱ɗang.