1 Korintiyeku 2:13 - Mewar Alqawarang

¹³ Ɗyiku nu̱ke chem a zu̱ran ye nu nang, nyem shi boote ndu̱ ɓalar nu̱ kaɗari nu̱ nduk shogaki yerem ɓa. Chem a shikya boote ndu̱ ɓalar nu̱ Jiimba shogaki yerem, chem a zu̱ zhire ɗyi nu̱ mbu Jiimba ye nduki nu̱ke a mbu̱ Jiimba.

1 Korintiyeku 2:13 ပူးပေါင်းရင်းမြစ်များ

Luka 12:12

Ku̱me ye sarchi nang, Jiimbi shakhshakhndi ka shoga ɗyi nu̱ke tun ka zu̱ki ye nu.”

Tlu̱nar ɓu̱ Pudeku 2:4

Tu̱ nyel kap ɓaanda ndu̱ Jiimbi shakhshakhndi, tu̱ nggaasi ɓalarku ndu̱ me ghaiku zum zum, ba wa nu̱ Jiimbi shakhshakhndang vu̱rki ye wora.

1 Korintiyeku 1:17

Ai, Masiya nu̱ ɗa ru̱kti nga ma baptisma ɓa, a ru̱kti nga ma wopa Labar Mbarkandang waare boote ndu̱ shaandi ɓu̱ nduku, ma ku̱ nduk mbu̱t nar zhaaji ɓu̱ mu̱ti nu̱ Yesu shiki ɗyine qu̱far kaatlang ɓa.

1 Korintiyeku 14:2

Ku̱me nu̱ ɓalar mbu̱ me ghiindiku zum zum a shiran ndu̱ nduk ɓa ɗo, a ɓalarang ye Magham, ku̱me nduk a nje nu̱ke a da mbu̱ ɗyi nu̱ke a zu̱ran ɓa, nu̱ke a zu̱kya ɗyi tukakandi nu̱ ku̱nshe zalale ɓu̱ Jiimba.

1 Korintiyeku 2:1

Nyeezaku, sarchi nanga ɓa ki ma zu̱ ɗyi tukakandi nu̱ Magham zu̱ki yerem, nang shi boote ndu̱ ɓalar taɗakandi ndu̱ zu̱ndi khangndi nang shiki ɓa.

1 Korintiyeku 2:14

Njif nu̱ke Jiimba kya zalale ndu̱ chin ɓa, ɓu̱ dlu̱ ɗyiku na viki she Jiimbi shakhshakhndi ɓa, ku̱me a na wa ɗya me nggu̱bu̱ng, yang ɓu̱ gwa mban tu̱k ɓa, ku̱me Jiimbyang ka saki tu̱ nduk gwa mban.

1 Korintiyeku 2:4

yang kap ndu̱ nang, nang shi boote ndu̱ maghar ɓala nu̱ kaɗari ɓu̱ nu̱ mbu̱ shogar ndu̱ wopar labar mbarkandang ɓa. Nga njigkya zalale ɓu̱ Jiimbi shakhshakhndi tu̱ shi tlu̱nar ɓaran mbe shogar ndu̱ wopar labar mbarkandang,

1 Korintiyeku 9:11

Nu̱ke chem wa kaɓ pooni nu̱ke ɗya ɓu̱ jiimba nu̱ mbu̱ memu̱na nu, ka kha nggamaala mbu̱ chem wa gwa ɗyin me kha nu mu?

Afiseku 5:19

tun shi ɓalar ye yen ndu̱ ɓalarku nu̱ke a mbu̱ Zabura, ndu̱ taazi khamndi ku, ndu̱ taaziku nu̱ mbu̱ Jiimba. Tun ki qa taazi khamndi ku ndu̱ Zabure ye Zhinkir gwaanji ndu̱ memu̱na nu kap.

Kolosiyeku 3:16

Wa ku̱s ku̱ yele ɓalar ɓu̱ Masiya khan mbu̱ memu̱na nu. Tun a shogaran ye yen, tun a wu yen mbe aa nyi pooni kaɗari. Tun a taazi Zabure ndu̱ nu̱ khamndi Magham, tun a taazi ku mbe jiimba ye Magham, tun a kuna nda mbu̱ memu̱na nu.

1 Biturus 1:12

Magham wa wut ye wor nu̱ ɗyine, sarchi nu̱ke a zu̱ ɓalar ɓu̱ Magham ku, a vu̱r ɓalarang ye wor ku̱me wor ɓa, a vu̱rtan ku̱me tunu. Yang leendang Jiimbi shakhshakhndi nu̱ Magham a ru̱kki viɗi, wa sa tu̱ zu̱ mbu̱ ɗyiku nang ye nu kap mbu̱ Labar mbarkandi ɓu̱ Masiya nu̱ wopaki she nu. Ai, ɗyiku nang aa nu̱ ru̱ktiku ɓu̱ Magham wa kasha ku ma ku̱ zu̱n nda ɗyin mban.

2 Bitu̱rus 1:16

Ai, sarchi nyem zu̱ki labar wuti zalale ndu̱ ɓar ɓu̱ Zhinerem gwaanji Yesu Masiya ye nu chem a zu̱kya shinjiku ye nu nu̱ nduki dlaki mbu̱ ghu̱rti ɓaanda ɓa. Chem wa na zhaaji ɓaran ndu̱ yiterem.