1 Korintiyeku 2:12 - Mewar Alqawarang

¹² Yang chem dlu̱kyang jiimbi nu̱ larji ɓa, chem dlu̱kyang Jiimbi na viki she Magham ma zu̱n mi vu̱rti ku nu̱ Magham shiki yerem koɗokhsi ɓa.

1 Korintiyeku 2:12 ပူးပေါင်းရင်းမြစ်များ

Romeku 8:1

Ku̱me nang, ɓu̱ kuma mu̱ti ye nduki nu̱ke a mbe Masiya Yesu ɓa.

Romeku 8:32

Magham nu̱ nggu̱tlerem ndu̱ Yi ɓaran ɓa, tu̱ yang vu̱rti nda ku̱me chem kap. Yang Magham nu̱ vu̱rki Yi ɓaranang, ɓu̱ vu̱r aa nu̱m yerem kharan nggaran ɓa goma?

1 Korintiyeku 1:27

Magham wa dat ɗyiku nu̱ nduk tamanki za ɗya me nggu̱bu̱ng ma ku̱ nu̱ ghu̱rti ku nu̱ larji tu̱k kawa. Tu̱ dat ɗyiku nu̱ nduki naki wa du̱mbu̱r ɓaanda kata ma ku̱ nu̱ du̱mbu̱r ku tu̱k kawa.

1 Korintiyeku 2:6

Kap ndu̱ nang, nga ka wopa ɓalar ndu̱ kaɗari ye nduki nu̱ gorki mbe maito ɓaanda. Nang ɗya pooni kaɗari ɓu̱ nduki nu̱ larji nang ɓa, ɗya pooni kaɗari ɓu̱ nduki nu̱ meeni ɓa, yang ɓu̱ nu̱ kwaaɗarku nu̱ke a ma su̱yar ku ɓa.

1 Korintiyeku 3:22

Bulus, ndu̱ Apolos, ndu̱ Kefas, ndu̱ larji nang, ndu̱ nyifiri, ndu̱ mu̱ti, ndu̱ ɗyin leendang, ndu̱ ɗyi nu̱ke a ɓari, ai, kap nang ɗya ɓaanu.

2 Korintiyeku 4:4

Nu̱ maita ku ɓa, ku̱me Sheɗan nu̱ kwaaɗar larji nang wa sa memu̱na wor tu̱ kha zhum. Wa nggu̱tl wor ku̱ na yarang nu̱ke a wuti ye wor nang, yarang nu̱ke a viri she Labar mbarkandi nu̱ zhaaji ɓu̱ Masiya, nu̱ke chin ke shipar ɓu̱ Magham.

Afiseku 2:2

Nang ke sarchi nu̱ke tun mbu ki njiv malkandiku nu̱ larji nang, tun a mbu kuji ɓu̱ nu̱ zalaleku nu̱ mu̱na viɗi, nang ke khu̱kheetiku malkandi nu̱ka sokhki nduki ku̱ zhang mbu zu̱r ɓu̱ Magham gha.

Yaqub 4:5

Tamandi ɓaanu bu̱lar Ɓalar ɓu̱ Magham shi ɓalarang bam mu nu̱ zu̱ki za, “Magham nyeedlan ndu̱ zhiri maɗyikandi ku̱me a ndola rem ku̱me jiimbi nu̱ saki nu̱ mbe remang” ɓa goma?

1 Yokhana 2:20

Yang ɓaanu, Njif shakhshakhndi nang wa pu ɗyinonu nu̱gha. Ku̱me nang kap ɓaanu tun wa zu̱n zhire.

1 Yokhana 2:27

Yang ɓaanu Masiya wa vu̱r Jiimbi shakhshakhndi nu̱ mbe nu, ku̱me nang tun a gang maalu̱m nggur zumndi ma ku̱ shoga ye nu ɓa. Jiimbi nu̱ vu̱rkyang ka shoga aa nu̱m ndu̱ aa nu̱m ye nu, yang shogar ɓaranang ɗya zhire, nu̱ka shi wollo ɓa. Ku̱me nang zu̱m ma guma ndu̱ khar mbe Yesu ba wa nu̱ Jiimbyang shogaki ye nu.

Ɗyin mbu̱ tukari 12:9

Tu̱ ɗa chiura mbukti ndu̱ Su̱ti gwaanjang nu̱ yaghai, chin ke, geema su̱ti nu̱ zhu, nu̱ ka qaki nda za Nu̱ mu̱na, ko Sheɗan, chin lambaki larji kap. Tu̱ ɗa chiura nda nu̱ yaghai mbu̱ larji su̱yen ndu̱ nu̱ ru̱ktiku ɓaran.

Ɗyin mbu̱ tukari 22:6

Tu̱ nu̱ ru̱ktang zu̱ ya za, “Ɓalar nang ɗya zhire, ɗyen wanang shwat. Zhinkir gwaanji Maghamndi ɓu̱ Jiimbiku ɓu̱ annabiku, a ru̱kki ndu̱ nu̱ ru̱kti ɓaran sha ma ku̱ wut ɗyi nu̱ke a ma ɗaatli ɓu̱ shoɓ ɓa ye maaviku ɓaran.”