1 Korintiyeku 2:10 - Mewar Alqawarang

¹⁰ Yang Magham wa wut ɗyiku nang yerem nu̱ ku̱nshe Jiimba. Ku̱me chin Jiimbyang ke nu̱ laɓ mbu̱ aa nu̱m, kap ndu̱ ɗyiku ɓu̱ Magham tukakandi nu̱ke dar mban shar.

1 Korintiyeku 2:10 ပူးပေါင်းရင်းမြစ်များ

Matta 13:11

Tu̱ Yesu tlogha ye wor za, “Wa vu̱r ye nu ku̱ zu̱n nu ɗyi tukakandi nu̱ke a mbu̱ kwaaɗar ɓu̱ Magham, yang ɓaanda nu̱ vu̱r na ye wor ɓa.

Matta 16:17

Tu̱ Yesu tlogha yenda za, “To nu̱ barka Siman, yi ɓu̱ Yunana! Ku̱me nduk wuɗki na yor ɓa, kope Zhinkir ɓang nu̱ke a mbu̱ viɗi.

Luka 10:21

Ye sarchi nang, Yesu wa nyel nu̱ ɓong memu̱na ndu̱ kashari nu̱ ku̱nshe Jiimbi shakhshakhndi. Tu̱ zu̱ za, “Nga kunaro Aba, Zhinkir nu̱ viɗi ndu̱ maa vu̱ghai, ku̱me ta tuka ɗyiku nang gha ye nu̱ kaɗari ku ndu̱ nu̱ zu̱ndi ku̱, yang ta wuɗ ye qusonggi. I, Aba, ku̱me ta na wanang shiki yor mbari.

Luka 2:26

Jiimbi shakhshakhndi wa wuɗ yenda za ɓu̱ mu̱ɗ ɓa kope wa na Masiya nyedli alqawar ɓu̱ Magham.

Yokhana 14:26

Yang Nu̱ shaatarang, chin Jiimbi shakhshakhndi nu̱ke Zhinkirang ka ɓa ru̱kki mbu̱ dlu̱ma, chin ka shogaki aa nu̱m ye nu, tu̱ kor ɗyi nang zu̱ki ye nu kap.”

Yokhana 16:13

Yang sarchi nu̱ Jiimbi nu̱ zhire a ɓa ki, ka mbu ndu̱ tun mbe aa nyi zhire, ku̱me ɓu̱ shi ɓala ku̱me ɗyinan ɓa, yang ka zu̱kya ɗyi nyin tu̱kki ɗyenda, ka zu̱ ɗyi nu̱ke a ma ɗatli ye nu.

1 Korintiyeku 14:30

Mbu̱ yang Magham wa wut tunu ye njif nggur mbu̱ tabarang, ku̱ nu̱ ɓalar nu̱ gumapaalyang ching gha.

1 Korintiyeku 2:11

Woɗye ki ka zu̱nki kwaari nu̱ mbu memu̱na ndukwa, kope jiimbi njifang ɓa goma? Wanang tu̱k, nduk a nje nu̱ke ka zu̱nki kwaari ɓu̱ Magham ɓa, kope Jiimbi shakhshakhndi.

Galatiyeku 1:12

Nga dlu̱ kha Yesu Masiya mbu̱ zhine yelndi.

Afiseku 3:3

Nang ke ɗyin mbu̱ tukar nu̱ Magham wutki ya ɗyine shimndi ɓaran tukakandi, ba wa nang bu̱laki ye nu koɗom ɗyinan.

Afiseku 3:5

Nu̱ zu̱ nang ye nduki nu̱ zhu ɓa, yang leendang Magham wa wut ye pudeku ndu̱ annabiku ɓaran datkandi nu̱ ku̱nshe Jiimbi ɓaran.

1 Timoti 4:1

Nang ɗo, Jiimbyang wa wut ye dalangi za ye lauɗar su̱ qaandi virkirku ɓeeni nduki ka njig maita ɗyi nyem maitaki, tu̱ mbu jiimbiku nu̱ lambari ndu̱ shogar ɓu̱ khu̱kheetiku.

1 Biturus 1:12

Magham wa wut ye wor nu̱ ɗyine, sarchi nu̱ke a zu̱ ɓalar ɓu̱ Magham ku, a vu̱r ɓalarang ye wor ku̱me wor ɓa, a vu̱rtan ku̱me tunu. Yang leendang Jiimbi shakhshakhndi nu̱ Magham a ru̱kki viɗi, wa sa tu̱ zu̱ mbu̱ ɗyiku nang ye nu kap mbu̱ Labar mbarkandi ɓu̱ Masiya nu̱ wopaki she nu. Ai, ɗyiku nang aa nu̱ ru̱ktiku ɓu̱ Magham wa kasha ku ma ku̱ zu̱n nda ɗyin mban.

1 Yokhana 2:20

Yang ɓaanu, Njif shakhshakhndi nang wa pu ɗyinonu nu̱gha. Ku̱me nang kap ɓaanu tun wa zu̱n zhire.

1 Yokhana 2:27

Yang ɓaanu Masiya wa vu̱r Jiimbi shakhshakhndi nu̱ mbe nu, ku̱me nang tun a gang maalu̱m nggur zumndi ma ku̱ shoga ye nu ɓa. Jiimbi nu̱ vu̱rkyang ka shoga aa nu̱m ndu̱ aa nu̱m ye nu, yang shogar ɓaranang ɗya zhire, nu̱ka shi wollo ɓa. Ku̱me nang zu̱m ma guma ndu̱ khar mbe Yesu ba wa nu̱ Jiimbyang shogaki ye nu.

Ɗyin mbu̱ tukari 1:1

Lagarkati nang ɗya ɗyin mbu̱ tukar nu̱ Magham vu̱rki ye Yesu Masiya ku̱ wut ɗyi nu̱ke a ma ɗaatli nu̱ shopti ɓa ye maaviku ɓaran; tu̱ yang Yesu ru̱k nu̱ ru̱kti ɓaran nu̱ she Yokhana ku̱ zu̱ zoɓar nang yenda.

Ɗyin mbu̱ tukari 2:24

Yang ɓeeni nduki chele ɓaanu nu̱ke a Tiyatira nu̱ke nu̱ mbu shogar malkandi ɓaran nang ɓa. Yang nu̱ shoga ɗyiku nu̱ke a qaran za ashiriku kirkandi ɓu̱ Sheɗan ɓa (Nga zu̱ran ye nu, ngam ɓu̱ du̱ng taɗar ngguri nu̱ ɗyinonu ɓa.)