1 Korintiyeku 2:1 - Mewar Alqawarang

¹ Nyeezaku, sarchi nanga ɓa ki ma zu̱ ɗyi tukakandi nu̱ Magham zu̱ki yerem, nang shi boote ndu̱ ɓalar taɗakandi ndu̱ zu̱ndi khangndi nang shiki ɓa.

1 Korintiyeku 2:1 ပူးပေါင်းရင်းမြစ်များ

Tlu̱nar ɓu̱ Pudeku 20:21

Nga wu Yakhudeku ndu̱ Gu̱rik ku ku̱ nggoɗ ku mbe solar ɓaanda, ta gaɓ nu̱ she Magham, tu̱ maita Zhinerem gwaanji Yesu.

Tlu̱nar ɓu̱ Pudeku 22:18

Tu̱ yita na Yesu a zu̱ran ya za, ‘Ju, to njig Urshalima ɗau, ku̱me ɓu̱ dlu̱ saidu nu̱ke ta ma shiran ku ɗyina ɓa.’

Romeku 16:18

Ku̱me pooni nduki nang a gharkya ghai ye Masiya Zhinerem gwaanji ɓa, a shiran ku ye mbu̱ wora. Wa ka lamba nduki nu̱ ku̱nshe ɓalar mu̱nkandi ku ndu̱ khamndi nduki nu̱ wollo, tu̱ ka lamba nduki nu̱ke ɗyin wor zu̱ran.

Romeku 16:25

Bu ku̱ zhaaji kha Magham nu̱ zalale par nu nu̱ mbe maito ba wa nu̱ Labar mbarkandi nu̱ke nga waazu ni ɗyine Yesu Masiya nang zu̱ki. Yang Labar mbarkandi nang ɗya ɗyi tukakandi zhu tang,

1 Korintiyeku 1:17

Ai, Masiya nu̱ ɗa ru̱kti nga ma baptisma ɓa, a ru̱kti nga ma wopa Labar Mbarkandang waare boote ndu̱ shaandi ɓu̱ nduku, ma ku̱ nduk mbu̱t nar zhaaji ɓu̱ mu̱ti nu̱ Yesu shiki ɗyine qu̱far kaatlang ɓa.

1 Korintiyeku 1:6

leendang tun wa na zhire ɓu̱ ɗyiku nyem saidaki ye nu ɗyine Masiyang mbe nu.

1 Korintiyeku 2:13

Ɗyiku nu̱ke chem a zu̱ran ye nu nang, nyem shi boote ndu̱ ɓalar nu̱ kaɗari nu̱ nduk shogaki yerem ɓa. Chem a shikya boote ndu̱ ɓalar nu̱ Jiimba shogaki yerem, chem a zu̱ zhire ɗyi nu̱ mbu Jiimba ye nduki nu̱ke a mbu̱ Jiimba.

1 Korintiyeku 2:4

yang kap ndu̱ nang, nang shi boote ndu̱ maghar ɓala nu̱ kaɗari ɓu̱ nu̱ mbu̱ shogar ndu̱ wopar labar mbarkandang ɓa. Nga njigkya zalale ɓu̱ Jiimbi shakhshakhndi tu̱ shi tlu̱nar ɓaran mbe shogar ndu̱ wopar labar mbarkandang,

1 Korintiyeku 2:7

Nga zu̱kya kaɗari ɓu̱ Magham tukakandi, ɗyen tukaran zhu ɗau, nang ke kaɗari ɓu̱ Magham nu̱ daasaki ma vu̱r zhaaji yerem me ku̱ du̱ng larji.

2 Korintiyeku 10:10

Nduki a zu̱ran za, “Lagarkatiku ɓu̱ Bulus ɗya ɗyi sharkandi ndu̱ ɓalar du̱mbu̱rkandi ku kya mban, yang mbu̱ a su̱yen ndu̱ chem, ɓalar ɓaranang du̱mbu̱ran ɓa, yang nu̱ ka zu̱ ɗyi piikandi ɓa.”

2 Korintiyeku 11:6

Bai nang magha ɓala wa wor ɓa, yang nga shi zu̱ndi. Chem wa wut nang ye nu ve aa nyi njiva.

2 Tasalonikeku 1:10

Ɗyiku nang kap ka ɗal ye sarchi gaɓti ɓaran, nduki shakhshakhndi ka na zhaaji ɓaran, yang nu̱ mbu Yesu ku kap ka shi lazham ku ye fu̱ɗaran su̱yen ndu̱ tunu, nu̱ke tun wa maita saidu nyem shiki.

1 Timoti 1:11

Nang ke shogar nu̱ khaki torop ndu̱ Labar mbarkandi nu̱ zhaaji nu̱ke Magham nu̱ barka vu̱rki ya ma ku̱ wopa nga.

2 Timoti 1:8

Ku̱me nang, tu̱k na kawar saida Zhinerem gwaanji ɓa, yang tu̱k na kawar ɓang ku̱me wa khiiri nga gha ku̱me chin ɓa. Gonta ma ɗyinonu ndu̱ nga mbe bonye nu̱ke chem a zaran ku̱me Labar mbarkandi nu̱ zalale ɓu̱ Magham nang.

1 Yokhana 4:14

Chem wa nggu̱ɗi, chem saida tu̱k nu̱ ɗyine Zhinkirang wa ru̱k Yi ɓaran tu̱ kha ma Nu̱ Ɗanar larji.

Ɗyin mbu̱ tukari 1:2

Tu̱ saida ɗyiku nyin naki kap. Nang ke zu̱r mbu̱ ru̱kti nu̱ ɗa viki she Magham ndu̱ zhire nu̱ Yesu Masiya wutki yenda.

Ɗyin mbu̱ tukari 1:9

Nga, Yokhana, khatonu ndu̱ mu̱dlonu mbe bonye ndu̱ kwaaɗari ndu̱ kaɗanyi mbe sar memu̱nar nu̱ke ɗya ɓaarem mbe Yesu. Nga ɗyin chenjesi Patu̱mos ku̱me ɓalar ɓu̱ Magham nu̱ saidar Yesu.

Ɗyin mbu̱ tukari 19:10

Tang nggu̱ɗ nu̱ gume nda ma ghar ghai yenda, tu̱ yang zu̱ ya za, “Shi na ɓa! Nga mu̱dlo maava, su̱yen ndu̱ nyeezorku, nu̱ke a saida zhire nu̱ Yesu wutki. To ka gharkya ghai ye Magham!” Ku̱me zhire nu̱ Yesu wutki vu̱rki zalale zu̱r ɓalar nu̱ ɗa viki she Magham.