1 Korintiyeku 16:9 - Mewar Alqawarang

⁹ Ku̱me njiv tlu̱nar mbarkandi wa qu̱n ya fan maɗyi, aa nu̱ke nu̱ zhangndiku a nje khang.

1 Korintiyeku 16:9 ပူးပေါင်းရင်းမြစ်များ

Tlu̱nar ɓu̱ Pudeku 14:27

Nu̱ khu̱lki ku, tu̱ taba nu̱ mbu Yesu ku tu̱ vu̱r labar kap ɗyi nu̱ Magham shiki nu̱ ku̱nshe wora, kom ndu̱ njiv maito nu̱ Magham qu̱nki ye nduki nu̱ke ɗya Yakhudeku ɓa.

1 Korintiyeku 15:32

Ye tamandi ɓaanu dakhlar nang shiki ndu̱ dlu gaariku Afisa nang, mbu̱ nga shi ku̱me ɗyi nu̱ke nduki ka saki memu̱na wor nu̱ ɗyinan, ngga gwakya nu̱m mban ɗo, mbu̱ke mu̱tiku ɓu̱ ji ɓa? “Bu zu̱m mi chem za, nu̱ke wuri chem a ma mu̱ti.”

2 Korintiyeku 1:6

Aa nu̱ke chem a za bonye, ai, chem a zaran ma ku̱ kha ma ɗye du̱ngdi memu̱na ye nu tu̱ pa du̱mbu̱r ye nu mbe khar viti ɓaanu mbu̱ jiimba. Mbu̱ chem wa gwa du̱ngdi memu̱nari, tun wa gwa tu̱k ma ku̱ gwa nu̱ du̱mbu̱r gu̱ndi memu̱na nu̱ ɗyine bonye nu̱ke chem nu̱ ɗyinerem chem a zaran.

2 Korintiyeku 2:12

Sarchi nanga ɓa ki Tu̱rowas ma wopa Labar mbarkandi ɓu̱ Masiya, Zhinkir gwaanji wa qu̱n njiv ya,

Filipiyeku 3:18

Jiwa nduki a nje nang shiki ɓalar ye nu ɗyine wor sar khang. Yang nga maataran ye nu tu̱k leendang ndu̱ ɗyim ghoori, nu̱ ɗyine khar viti ɓaanda wa sa wor tu̱ kha ma nu̱ zhangndi mu̱ti ɓu̱ Masiya ɗyin qu̱far kaatlang.

Kolosiyeku 4:3

Shi ma barar yerem tu̱k, ma ku̱ Magham qu̱n njiv nu̱ke chem ka wopaki ɓalar ɓaran, chem wut ɗyi tukakandi ɓu̱ Magham nang ye nduki, chin ke, labar ɓu̱ Masiya. Ɗyi tukakandi nang saki nga nje khiiran zhaaru̱m.

Yaqub 5:16

Ku̱me nang zu̱ma zop ɓaanu ye yen, tun ki barar ye yen, ma ku̱ shaana nu. Barar ɓu̱ nu̱ dambu wa ka shi tlu̱nar ndu̱ zalale maɗyi.