1 Korintiyeku 16:1 - Mewar Alqawarang

¹ Leendang, ɗyine ɗyi nun bu̱laki ya ɗyine ɓalar mu̱zhindi nu̱ke tun ka tabaki ma shaata nduki ɓu̱ Magham ku nu̱ke a Yakhudiya. Wa ku̱s ku̱ shi nu ba wa nang zu̱ki ye tabarku ɓu̱ nu̱ mbu Yesu ku nu̱ke a Galatiya ku̱ shi ku.

1 Korintiyeku 16:1 ပူးပေါင်းရင်းမြစ်များ

1 Yokhana 3:17

Mbu̱ njif nu̱ke ɗyin me khar kha nda wa na mu̱dlen a mbu̱ song tu̱ yang zhang shaata nda gha, ndolar ɓu̱ Magham a nje mbe nda shoɗa?

Romeku 12:13

Tun ki shakh ɗyin me kha nu ndu̱ nduki ɓu̱ Magham nu̱ke a mbe song. Tun ki dlu̱ runggiku ndu̱ kashari.

Galatiyeku 2:10

Yang tu̱k wa kor yerem ku za ku̱ mona mi ni nu̱ song ku nu̱ke a nje chele ɓaanda ɓa. Yang nang ke ɗyi nu̱ke nga kasha shiran maɗyi.

Tlu̱nar ɓu̱ Pudeku 24:17

“Na ɗo, qu̱rse sonyi ku koɗom ta nga gaɓ nu̱ Urshalima ndu̱ shaatar ye nu̱ nungndiku chele nduki ɓanga, kom tang shi vu̱rti ye Magham tu̱k.

Filimon 1:7

Mu̱dla, nga kasha ndolar nu̱ke ta wutan maɗyi, ta pa du̱mbu̱r ya. Jiwa ta sa memu̱na nduki ɓu̱ Magham tu̱ kha shokhku̱rokh.

Filimon 1:5

Jiwa nga ka tu̱k labar maito ɓaaro mbu̱ Zhinerem gwaanji Yesu ndu̱ ndolar nu̱ke ta wutan ye nduki ɓu̱ Magham kap.

Yibraniyeku 6:10

Magham ɗya nu̱ song shir zhire ɓa. Ɓu̱ mona tlu̱narku nun shiki nu̱ ndolar nun wutki yenda sarchi nu̱ke tun a shaata nu̱ mbu Yesu ku ɓa, ba wa nu̱ke tun a ɗyin shiran ma ɓar meeni.

Tlu̱nar ɓu̱ Pudeku 11:30

Tu̱ yang shi wanang ku, tu̱ ru̱k ndu̱ shaatarang ye nduk kudaandi nu̱ Urshalima mbu̱ khar Barnaba ndu̱ Shawulu.

Tlu̱nar ɓu̱ Pudeku 16:6

Tu̱ baara dlar ghai Pargiya ndu̱ Galatiya nu̱ke Jiimbi shakhshakhndi wa nggu̱tl wor ku̱ shi ɓalar ɓu̱ Magham mbu̱ dlar ghai Asiya ɓa.

Galatiyeku 1:2

Nyeezerem nu̱ke a su̱yen ndu̱ nga fan, kap a qaandi ye tabar ɓu̱ nu̱ mbu Yesu ku nu̱ke a Galatiya.

Tlu̱nar ɓu̱ Pudeku 18:23

Nu̱ qanki koɗom nje tu̱ ji tu̱ baara mbu̱ dlar ghai Galatiya ndu̱ Pargiya a mbu ghai ghai a pa du̱mbu̱r ye nu̱ mbu Yesu ku.

Tlu̱nar ɓu̱ Pudeku 11:28

Tu̱ da chele ɓaanda dlu̱man za Agabus ji nu̱ viɗi tu̱ ching gha, tu̱ shi ɓalar ndu̱ zalale ɓu̱ Jiimba tu̱ zu̱ za ka shi meeri maɗyikandi mbu̱ larji kap. (Yang meeran wa shi sarchi nu̱ke Ku̱laudiyus a kwaaɗari.)

Tlu̱nar ɓu̱ Pudeku 9:41

Tu̱ Biturus vu̱r kharan yenda tu̱ shaata nda tu̱ ji tu̱ ching gha. Tu̱ sa men tu̱ qa nu̱ mbu Yesu ku ndu̱ nusuku nu̱ zhime wor mu̱tki nang tu̱ sa nda nu̱ mbu̱ khar wor nu̱ nyifi.

Tlu̱nar ɓu̱ Pudeku 9:13

Tu̱ yang Khananiya tlogha za, “Zhinkir gwaanji, nga tu̱k labar ɓu̱ khuski nang she nduki khang ndu̱ pooni mu̱nar nu̱ shiki ye nu̱ mburoku Urshalima.

1 Korintiyeku 4:17

Yang nga ru̱k Timoti woi nu̱ke nga ndola nda nu̱ she nu ku̱men, ɗya nu̱ shir zhire mbe Zhinerem gwaanji. Ka kor ɗyi nu̱ke nga shiran ye nu mbe mbu Masiya Yesu nu̱ke nga shiran, ba wa nang ka shogaki ɓar ye tabar ɓu̱ nu̱ mbu Yesu ku aa fu̱n.

1 Korintiyeku 11:34

Mbu̱ yang njif nggur a tu̱k meeri, ku̱ zu̱m ɗye zu̱mndi ɓaran kaari, ku̱ tabar ɓaanu a ɓa ndu̱ kumar ye nu ɓa. Ɓeeni ɗyikwang, mbu̱ nga ɓa ngga zu̱ ɗyi nu̱ke a nje ye nu.

1 Korintiyeku 16:15

Yang, nyeezaku, tun wa zu̱n nu̱ ɗyine nduki nu̱ mbu̱ rafti ɓu̱ Fanus maitaki Yesu gumapaali mbu̱ maa Akaya guma da, wa vu̱r var wor tu̱k ye tlu̱nar ye nu̱ mbu Yesu ku.