1 Korintiyeku 15:2 - Mewar Alqawarang

² Tun gwa ɗanar ku̱men, mbu̱ tun wa khuɓ ɓalar nang zu̱ki ye nu mbari, mbu̱ wanang ɓa maito ɓaanu wa kha bam.

1 Korintiyeku 15:2 ပူးပေါင်းရင်းမြစ်များ

Luka 8:13

Wor nu̱ ku̱ɗbaki nu̱ ɗyine tandalang wa kha ba wa nduki nu̱ tu̱kki ɓalar ɓu̱ Magham tu̱ dlu̱ ku ndu̱ kashari, yang nu̱ gwa ku̱ shi dlu̱dlarsi mbarkandi nu̱ ve memu̱na wor ɓa. Maitwang ba nu̱ me sarchi koɗomma, yang nu̱ gwaki bonyeku tu̱ wos maito ɓaanda gha.

Tlu̱nar ɓu̱ Pudeku 2:47

A gwar dlu̱m Magham tu̱ guma wor shi paling she nduki kap. Tu̱ Zhinkir gwaanji ki shaata nduki nu̱ gwaki ɗanar ye wor aa nyi fu̱ɗa.

Tlu̱nar ɓu̱ Pudeku 8:13

Tu̱ Siman ndu̱ ɗyinan maita. Qu̱rse nu̱ shiki baptisme yenda tu̱ ki mbu Filibus aa fu̱n a na ɗye lazhamku ndu̱ ɗye saiduku nu̱ke a shiranang tu̱ shi lazham maɗyi.

Romeku 1:16

Labar Mbarkandang ɗya ɗye kawa sha ɓa, ku̱me chin ke zalale ɓu̱ Magham nu̱ka vu̱rki ɗanar ye anyi nduk nu̱ maitaki, Yakhudeku ke nu̱ gumapaali, kom ndu̱ nduki nu̱ke ɗya Yakhudeku ɓa.

Romeku 11:22

Chem ka na me mbarkir ɓu̱ Magham ndu̱ chingndi gha shanggu̱ɗang nu̱ka shiki ve nang. Wa kha shanggu̱ɗang ɗyine nduki nu̱ njimki, tu̱ yang wut mbarkir ɓaran yoro, mbu̱ ta zu̱m guma mbe mbarkir ɓaranang. Mbu̱ yang no zu̱m guma su̱ ɓa, ka ku̱rta ɓar tu̱k ve man qu̱farang.

1 Korintiyeku 1:18

Labar mu̱ti ɓu̱ Yesu ɗyin qu̱far kaatlang ɗya ɓalar bamndi she nduki nu̱ saghaki, yang she rem, chem nyem ɗanaki, labar mu̱ti ɓu̱ Yesu ɗyin qu̱far kaatli ɗya zalale ɓu̱ Magham.

1 Korintiyeku 1:21

Jiwa Magham mbe kaɗari ɓaran wa sa tu̱ nduki nu̱ larji ku̱na zu̱ndi nda nu̱ ku̱nshe kaɗari ɓaanda. Me ɓu̱ nang, tu̱ dat ku̱ ɗana nji nduki nu̱ maitaki nda nu̱ ku̱nshe Labar mbarkandi nyem wopaki nu̱ke a naran ku wa ɗya me nggu̱bu̱ngang.

1 Korintiyeku 11:2

Nga makhta nu ku̱me tun wa ka kor ndu̱ nga aakochi, ma tun a mbu ɗyi nang shogaki ye nu maɗyi ba wa nun tu̱kki.

1 Korintiyeku 15:14

Yang mbu̱ Masiya nu̱ ji mbe mu̱ti ɓa, wopar Labar mbarkandi nu̱ke chem a shiran wa kha bam, tun wa maita bam tu̱k.

2 Korintiyeku 2:15

Jiwa chem a khar wa ɗye zhi mu̱nkandi nu̱ Masiya zoɓaki ye Magham, tu̱ zhiranang dlu̱ maari tu̱ ɗu̱ chele nduki nu̱ke a ɗana wor ndu̱ nduki nu̱ke a ɗyin njiv yir ma mu̱ti.

2 Korintiyeku 6:1

Mbe tlu̱nar nu̱ke chem a shiran ndu̱ Magham, chem a khutonu, ku̱ njig nu mu̱nkir ɓaran tu̱ kha bam ɓa.

Galatiyeku 3:4

Yang leendang bonyeku zum zumndi nun zaki nang ku̱ kha bam mu? Tun a na wa ɗyen ka shi?

Afiseku 2:8

Ai, mu̱nkir ɓu̱ Magham saki tun gwa ɗanar nu̱ ku̱nshe maito ɓaanu. Tun shiki ɓa, ɗya mu̱nkir ɓu̱ Magham.

Kolosiyeku 1:23

Mbu̱ tun zu̱m guma mbu̱ maito ɓaanu, tun ching gha shaanggu̱ɗang tun shi dlu̱dlarsi. Ku̱ njig nu tu̱ ɗyi nggur yakhta nu tun njig sar memu̱nar nun gwaki sarchi nun tu̱kki Labar mbarkandi nang ɓa. Chin Labar mbarkandi nu̱ wopaki ye aaki mbu̱ larji nang, nga Bulus khaki ma maavi ɓu̱ labar mbarkandi nang.

2 Tasalonikeku 2:15

Ku̱me nang, nyeezaku, tun ching gha shaanggu̱ɗang, tun khuɓ me ghai nyem shogaki ye nu, aa mbu̱ ɓala aa mbu̱ lagarkat.

2 Timoti 1:9

Magham ɗanaki rem, tu̱ qa rem ma ku̱ kha mi shakhshakh. Nu̱ qa rem ku̱me tlu̱nar nyem shiki ɓa, qa rem ku̱me shimndi ɓaran ndu̱ mu̱nkir ɓaran. Vu̱r mu̱nkir ɓaranang yerem nu̱ ku̱nshe Masiya Yesu me ku̱ du̱ng larji,

Yibraniyeku 10:23

Bu ku̱ ching mi gha shanggu̱ɗang ɗyine sar memu̱nar ɓaarem, nu̱ke chem a saidaran, ku̱me njif nu̱ shiki alqawaran ɗya nu̱ zhire.

Yibraniyeku 2:1

Ku̱me nang, wa ku̱s ku̱ sa mi khankal ɓaarem maɗyi nu̱ ɗyine ɗyiku nyem tu̱kki, ma ku̱ nduk duterem ɓar chem gal gha ve njiva ɓa.

Yibraniyeku 3:14

Jiwa chem nduk yen mbe Masiya mbu̱ chem wa khuɓ maito ɓaarem ndu̱ du̱mbu̱r ji ve nggarsan ma yir she lauɗar san.

Yibraniyeku 3:6

Yang Masiya ɗya nu̱ zhire mbe khar ɓaran Yi ɓu̱ Magham ɗyine nduki ɓu̱ Magham. Chem ke nduki ɓaran mbu̱ chem wa zu̱m guma ndu̱ shokhku̱rokh memu̱na, chem a sa memu̱narem su̱yen ndu̱ wakhti ɗyine ɗyiku nu̱ke chem a bu ɓar ɓaanda.

Yibraniyeku 4:14

Yang ɗo, nu̱ke gorkir kuru gwaanji a nje khaarem, chin ke Yesu Yi ɓu̱ Magham chin nu̱ ɗu̱ki mbu̱ viɗi gume Magham, khuɓ mi maito ɓaarem nu̱ gha ɓang ɓang.

Yaqub 2:14

Nyeezaku, a fu̱n boote ku̱ nduk zu̱ za chin wa maita yang tlu̱nar ɓaran nu̱ wut wanang ɓa? Pooni maito ɓaran nang ka ɗana nda shoɗa?

Yaqub 2:17

Wanang tu̱k, maito nu̱ke tlu̱na su̱ ɓa mu̱tan.

Yaqub 2:26

Ku̱me nang ba wa nu̱ke man var nduk nu̱ke nyifi su̱ ɓa mu̱tan, wanang tu̱k maito nu̱ke tlu̱na su̱ ɓa mu̱tan.