1 Korintiyeku 14:3 - Mewar Alqawarang

³ Yang njif nu̱ke a zu̱ ru̱kti ɓu̱ Magham a ɓalarang ndu̱ nduki ma ku̱ shaata wora, ku̱ pa du̱mbu̱r ye wora, ku̱ du̱ng memu̱na wora.

1 Korintiyeku 14:3 ပူးပေါင်းရင်းမြစ်များ

Luka 3:18

Ndu̱ poona ɓalarku nangang khang, tu̱ Yokhana shi waazu labar mbarkandang ye ndukyang.

Tlu̱nar ɓu̱ Pudeku 13:15

Qu̱rse wa qa ye chiti mbu̱ Taurete ndu̱ lagarkati ɓu̱ annabikwang, tu̱ dlegumeku ɓu̱ kib tabarang ru̱k ye wor za, “Nyeezerem, mbu̱ ɓala kha nu nu̱ke tun a shim zu̱ran ma pa du̱mbu̱r ye nduki, tun zi.”

Tlu̱nar ɓu̱ Pudeku 14:22

a pa du̱mbu̱r ye nu̱ mbu Yesu ku, a mata wor ku̱ ching gha ku nu̱ ɗyine maito ɓaanda. A zu̱ran ye wor za, “Chem ka vi nu̱ mbu̱ kwaaɗar ɓu̱ Magham yang kope chem wa za bonye maɗyikandi dong.”

Tlu̱nar ɓu̱ Pudeku 15:32

Tu̱ Yakhuda ndu̱ Sila, nu̱ke ɗya annabiku dut dlu̱mndi nyeezi wora ndu̱ ɓalarku khang, tu̱ pa du̱mbu̱r ye wor tu̱k.

Tlu̱nar ɓu̱ Pudeku 4:36

Yusufu, nu̱ke ɗya ye me sham ɓu̱ Lawi, khuzi Saipurus, nu̱ Pudekwang ka qaki nda za Barnaba (mban za, nu̱ vu̱rti shokhku̱rokh me bu̱n),

Tlu̱nar ɓu̱ Pudeku 9:31

Kom tu̱ nu̱ mbu Yesu ku nu̱ Yakhudiya ndu̱ Galili ndu̱ Samariya gwa qaandi memu̱na. Tu̱ me bu̱n wor shi shokhku̱rokh tu̱ gwa du̱mbu̱r ku ku̱nshe shaatar ɓu̱ Jiimbi shakhshakhndi. Tu̱ shaata ku maɗyi, a khar ɓaanda ndu̱ sawar Zhinkirang.

Romeku 12:8

Mbu̱ ɗya nu̱ par du̱mbu̱r ye nduki, ku̱ ki pa du̱mbu̱r ye nduki. Mbu̱ yang ɗya nu̱ shaatar nduki, ku̱ shi khaaran nggaran. Mbu̱ ɗya nu̱ khar ma dle guma, ku̱ vu̱r ɗyinan ma kwaaɗar nu̱ zhire. Mbu̱ yang ɗya nu̱ wuti ɗaana, ku̱ shi memu̱naran da.

Romeku 14:19

Ku̱me nang ku̱ shi mi ɗyi nu̱ke chem ka ɗu̱maki shiran ma a ɓa mi ndu̱ khar mu̱nkandi ndu̱ par du̱mbu̱r ye yen.

Romeku 15:2

Bu ku̱ aaki mu̱n mbu̱ mu̱dlen ma ku̱ zu̱m boote ni tu̱ shaata nda mbe maito ɓaran.

1 Korintiyeku 10:23

A zu̱ran ku za, “Wa njigterem ku̱ shi mi aa nyi tunu” yang aa nyi tun ke boota si ɓa. A zu̱ran ku za, “Wa njigterem ku̱ shi mi aa nyi tunu” yang aa nyi tun ka shaataki nduk ɓa.

1 Korintiyeku 14:12

Wanang tu̱k ye nu. Nu̱ke tun a kasha gwar vu̱rtiku ɓu̱ Jiimba, tun vu̱r du̱mbu̱r ɓaanu ye boote ndu̱ vu̱rtiku nu̱ke ka du̱nki tabar ɓu̱ nu̱ mbu Yesu.

1 Korintiyeku 14:17

Aa nu̱ke ta kuna Magham maɗyi, yang njif naandangang nu̱ boota ndu̱ aa nu̱m ɓa.

1 Korintiyeku 14:26

Yang tun ka shi kim ɗo nyeezaku? Mbu̱ tun wa taba kap, yang njif nggur a qa taazi gwaari dlu̱m Magham, njif nggur a shikya shogar ɓara, njif nggur a ɓalar ndu̱ mewar me ghin, njif nggur a zu̱kya ɗyi nu̱ Magham wutki yenda. Yang ɓu̱ njif nggur a zu̱kya mbu̱ ɗyi nu̱ke nu̱ mewar me ghayang a zu̱ran, shi ma aa nu̱m ma ku̱ nduki gwa shaata tu̱ gor ku.

1 Korintiyeku 14:31

Kap ɓaanu tun ka ɗu̱ma zu̱ ru̱kti ɓu̱ Maghamang nu̱ daa da, tu̱ aaki shoga tunu, tu̱ gwa par du̱mbu̱ri.

1 Korintiyeku 8:1

Ɗyine ɓalar ɓu̱ ɗye zu̱mndi nu̱ shiki sadke su̱ ye mu̱lu̱mku, chem wa zu̱n nu̱ ɗyine chem wa shi zu̱ndi kap ɓaarem. Yang zu̱ndi wa ka sa nduk tu̱ ka shi gwaari ɗyin, ɓu̱ ndola yang ka sakya nduk tu̱ shaata aaki.

2 Korintiyeku 1:4

Magham wa ka du̱ng memu̱narem mbu̱ bonye ɓaarem kap, ma ku̱ du̱ng mi memu̱na nduki tu̱k mbu̱ aa nyi pooni bonye, nu̱ ku̱nshe du̱ngdi memu̱nar nyem gwaki she Maghamang.

2 Korintiyeku 2:7

Leendang, ndu̱m ma nu̱ ve nda, tun du̱ng memu̱naran tu̱k, ma ku̱ su̱bu̱rti memu̱narang duk du̱mbu̱r ɓaran ɓa.

Afiseku 4:29

Ku̱ ɓalar malkandi a vi mbu̱ me nu ɓa, zu̱ ma kya ɗyi nu̱ke ka khaki ndu̱ boota ma ku̱ pa nu du̱mbu̱r ye yen wa nu̱ke a gangndan ku. Shir wanangang ka sa tu̱ ɓalar ɓaanu kha ndu̱ boota ye nduki nu̱ke a tu̱ktan.

Afiseku 6:22

Nga ru̱kti nda nu̱ she nu ku̱men, ma ku̱ zu̱n nu ɗyi nu̱ke chem a mban kom ku̱ pa du̱mbu̱r ye nu tu̱k.

Kolosiyeku 4:8

Nang ke ɗyi nu̱ saki nga ru̱kti nda nu̱ she nu ma ku̱ memu̱nanu shi mu̱ni nu̱ labar ɓaarem nu̱ke tun ka tu̱kki mbu̱ men.

1 Tasalonikeku 2:11

Ba wa nun zu̱nki, chem wa kha ndu̱ aaki chele ɓaanu ba wa nu̱ke zhinki ka khaki ndu̱ qusonggi ɓaran.

1 Tasalonikeku 2:3

Jiwa khuti nyem shiki ye nu nang wollo nje mban ɓa, nyem ku̱r ɗyi malkandi ye nu ɓa yang nyem lamba nu zum ɓa.

1 Tasalonikeku 3:2

Chem wa ru̱k Timoti khaterem, nu̱ke a tlu̱nar ndu̱ chem mbu̱ tlu̱nar ɓu̱ Magham nu̱ wopar Labar mbarkandi ɓu̱ Masiya. Ma ku̱ pa du̱mbu̱r ye nu, tu̱ vu̱r shokhku̱rokh me bu̱n ye nu mbe maito ɓaanu,

1 Tasalonikeku 4:1

Ye lauɗar san nyeezaku, chem wa shoga pooni khar viti nu̱ke Magham a shimndan ye nu, ba wa nu̱ke tun a khar ɓaanu. Leendang chem a qari su̱yen ndu̱ khuti ye nu mbe Zhinerem gwaanji Yesu tun shaata nu̱ si maɗyi.

1 Tasalonikeku 4:18

Ku̱me nang tun pa du̱mbu̱r ye yen ndu̱ ɓalar nang.

2 Tasalonikeku 3:12

Yang chem a ɓalar ye pooni nduki nang, chem a wu wor tu̱k mbe Zhinerem gwaanji Yesu Masiya, nu̱ ɗyine ku̱ ki tlu̱nar ku tu̱ ku̱s ɗyin vaanda, tu̱ zu̱m ndu̱ vaanda.

1 Timoti 1:4

Yang to ze wor no za ku̱ gwa nda dlu̱mdi wor ye shinjiku ndu̱ njeetli su̱ dlu̱m zhikankirku nu̱ke nu̱ka shi lauɗa ɓa nda ɓa. Pooni ɗyi nang kaɗa ɓakya ndu̱ keele, ɓu̱ ɗa ɓa nu̱ zu̱mndi gume ɓu̱ tlu̱nar ɓu̱ Magham nu̱ ku̱nshe maito ɓa.

1 Timoti 4:13

To ki karanta Bu̱lar ɓalar ɓu̱ Magham ye nduki, ta wopa ɓalarang ndu̱ shogaran ɓara kope nga gaɓi.

1 Timoti 6:2

Ku̱ maaviku nu̱ke nu̱ rafti ɓaanda ɗya nu̱ mbu Yesu ku ndu̱m nu̱ rafti ɓaanda ku̱me wora mbu̱ shapir da mbe Yesu ɓa. Me ɓu̱ nang, shipa tu̱ga wor ka shiki tlu̱nar ye nu̱ rafti ɓaandang maɗyi, ku̱me nu̱ rafti ku ɓaanda nu̱ke a zu̱m boote tlu̱nar ɓaanda nang ɗya nu̱ mbu Yesu nu̱ke wor maavikwang a ndolaranang. Wa ku̱s ku̱ shoga na ɓar to pa du̱mbu̱r ye wor ɗyine ɗyiku nang.

2 Timoti 4:2

Shi waazu ɓu̱ ɓalar ɓu̱ Magham; to kha daasaran aa zalala nje aa a nje ɓa; to ɗu̱r nduki, to wu wora, to pa du̱mbu̱r ye wora ndu̱ kaɗanyi maɗyikandi ta shogaran ɓara.

Titus 1:9

Wa ku̱s ku̱ dle guma kha ma njif nu̱ khubki ɓalar ɓu̱ Magham zhirekandi ɓang ɓang ba wa nu̱ shogaki ɓara. Ma ku̱ kha ma nu̱ par du̱mbu̱r ye ɓeeni nduki nu̱ ku̱nshe waazu ndu̱ shogar mbarkandi, tu̱ wut ye maa nu̱ke nduki nu̱ke a kare ndu̱ shogar ɓaranang galki gha ku.

Titus 2:15

To shoga ɗyiku nang ɓara. To pa du̱mbu̱r ye nu̱ tu̱ktor ku, to wu wor ndu̱ zalale nu̱ke a khaaro kap. Ku̱ njig na tu̱ aaki ndu̱mndor ɓa.

Titus 2:6

Wanang tu̱k to pa du̱mbu̱r ye nyakhtlirku ku̱ kha ma nu̱ ku̱si ɗyin ku.

Titus 2:9

To shoga ye maaviku ku̱ mbu zu̱r ɓu̱ zhin wor nu̱ rafa mbe aa nyi tunu, ma ku̱ mu̱n mbu̱ wora. Ku̱ nggam ɓala ye wor ɓa,

Yibraniyeku 10:25

Ku̱ laada mi tabar ɓaarem ma ghaari ghai ye Magham, wa nu̱ ɓeenan ku su̱nki ndu̱ shiran ɓa. Me ɓu̱ nang ki mi pa du̱mbu̱r ye yen, chem shaata shir wanang nu̱ si ku̱me tun a naran nu̱ ɗyine Fu̱ɗar nang wa shi bing ɓari.

Yibraniyeku 13:22

Nyeezaku, Nga khutonu, tun shi kaɗanyi ndu̱ wuro nu nang shiki, ku̱me nang bu̱la ɓalar kirkandi ye nu ɓa ɗo.

Yibraniyeku 3:13

Tun ki pa du̱mbu̱r ye yen aa nyi fu̱ɗa. Shi ma boote ndu̱ aa nyi sarchi nu̱ka qaki za “Meeni”, ma ku̱ aa da chele ɓaanu kha ndu̱ kaaku̱ɗakh memu̱na nu̱ ku̱nshe lambar ɓu̱ sola ɓa.

1 Biturus 5:12

Nga bu̱la lagarkati koɗommandi nang ye nu ndu̱ shaatar ɓu̱ Sila, nu̱ke nga da nda ɗya khachinkir maitokandi yang nga na wa khu̱l ku̱ qa nga nda nu̱ shir zhire. Nga pa du̱mbu̱r ye nu, wut nga yenu nang ke mu̱nkir ɓu̱ Magham zhirekandi. Ku̱me nang ching man mbe mu̱nkir ɓu̱ Magham nang ndu̱ du̱mbu̱r.

Yakhuda 1:20

Yang tun raptaku nu̱ke nga ndolaran, tun ki gwaari mbe maito ɓaanu shakhshakhndi nang. Tun ki barar mbu̱ zalale ɓu̱ Jiimbi shakhshakhndi.