1 Korintiyeku 14:2 - Mewar Alqawarang

² Ku̱me nu̱ ɓalar mbu̱ me ghiindiku zum zum a shiran ndu̱ nduk ɓa ɗo, a ɓalarang ye Magham, ku̱me nduk a nje nu̱ke a da mbu̱ ɗyi nu̱ke a zu̱ran ɓa, nu̱ke a zu̱kya ɗyi tukakandi nu̱ ku̱nshe zalale ɓu̱ Jiimba.

1 Korintiyeku 14:2 ပူးပေါင်းရင်းမြစ်များ

Matta 13:11

Tu̱ Yesu tlogha ye wor za, “Wa vu̱r ye nu ku̱ zu̱n nu ɗyi tukakandi nu̱ke a mbu̱ kwaaɗar ɓu̱ Magham, yang ɓaanda nu̱ vu̱r na ye wor ɓa.

Markus 16:17

Yang ɗye saiduku nang ka mbu nduki nu̱ maitaki nga. Ka fet khu̱kheeti malkandi ku ɓar mbu̱ dlu̱ma. Ka ɗu̱ma ɓalarku ndu̱ mewar me ghaiku zum zum.

Markus 4:11

Tu̱ tlogha ye wor za, wa vu̱r zalale zu̱ndi ɗyi nu̱ke a mbu̱ tuka mbe kwaaɗar ɓu̱ Magham ye nu, yang ɓu̱ nduki nu̱ke a dam ka ze wor mbu̱ ku̱rti ɓala.

Tlu̱nar ɓu̱ Pudeku 10:46

Nu̱ke wa tu̱k wor a ɓalar nu̱ me ghiindi nggur ku zum, a gor dlu̱m Magham ku. Kom tu̱ Biturus zu̱ za,

Tlu̱nar ɓu̱ Pudeku 19:6

Nu̱ Bulus saki khar barke ye wora, tu̱ Jiimbi shakhshakhndi a zhur nu̱ ɗyine wora, tu̱ shi ɓalar nu̱ me ghiindiku, a zu̱ ɗyi nu̱ Magham zu̱ki ye wora.

Tlu̱nar ɓu̱ Pudeku 22:9

Yang nduki nu̱ke a su̱yen ndu̱ nga wa na yarangang ku, yang nu̱ tu̱k su̱qur njif nu̱ke a ɓalar ndu̱ nga ɓa.

Romeku 16:25

Bu ku̱ zhaaji kha Magham nu̱ zalale par nu nu̱ mbe maito ba wa nu̱ Labar mbarkandi nu̱ke nga waazu ni ɗyine Yesu Masiya nang zu̱ki. Yang Labar mbarkandi nang ɗya ɗyi tukakandi zhu tang,

1 Korintiyeku 12:10

Ɓu̱ njif nggur gwakya vu̱rti nu̱ shir ɗye lazhamku, ɓu̱ njif nggur ɗya zu̱r ɓalar nu̱ Magham zu̱ki yenda ku̱ ze nduki. Yang ɓu̱ njif nggur ka zu̱nkya pooni jiimbiku zum zum, njif nggur ɓaran ɗya maghar me ghiindiku zum zum, njif nggur yang ka ɗu̱ma zu̱ mbu̱ ɗyi nu̱ke ta zu̱ran ndu̱ me ghiindikwang.

1 Korintiyeku 12:28

Mbu̱ tabar ɓu̱ nu̱ mbu Yesu, gumapaali Magham wa vu̱r pudeku, nu̱ rapan annabiku, nu̱ kunungan tu̱ vu̱r maalu̱mku. Tu̱ vu̱r nu̱ shir ɗye lazham ku, ndu̱ nu̱ shaanar khaatiku, ndu̱ shaatar nduki, ndu̱ nu̱ kwaaɗarku, ndu̱ nu̱ ɓalar ndu̱ me ghiindiku zum zum.

1 Korintiyeku 13:1

Aa ngga ɗu̱ma ɓalar ndu̱ me ghaiku ɓu̱ nduki ndu̱ ɓu̱ nu̱ ru̱ktiku ɓu̱ Magham, yang nga nu̱ ndola ɓa, nga shipakya gonggulong nu̱ke a quri, ndu̱ dlu̱rti nu̱ qur maɗyi.

1 Korintiyeku 13:2

Aa nga ka zu̱ ɓalar ɓu̱ Magham, tang zu̱n ɗyi tukakandi kap, tang shi zu̱ndi ɗyine tun kap, aa maito ɓang maɗyi wa nu̱m gom, nu̱ke ngga ɗu̱ma ɓu̱t dlengku, yang za nga nu̱ ndola ɓa, nga aa nu̱m ɓa.

1 Korintiyeku 14:16

Mbu̱ wanang ɓa, to ka kuna Magham ndu̱ jiimbor ɗyenda, yang njif nu gwaki dlu̱mndan yoro yang nu̱ da mbu̱ ɗyi nu̱ke ta zu̱ranang ɓa. Ka tlogha za, “Ku̱ shi wanang” ku̱me kunar no shikyang kikimndana, nu̱ke nu̱ zu̱n ɗyi no zu̱ki ɓa?

1 Korintiyeku 14:26

Yang tun ka shi kim ɗo nyeezaku? Mbu̱ tun wa taba kap, yang njif nggur a qa taazi gwaari dlu̱m Magham, njif nggur a shikya shogar ɓara, njif nggur a ɓalar ndu̱ mewar me ghin, njif nggur a zu̱kya ɗyi nu̱ Magham wutki yenda. Yang ɓu̱ njif nggur a zu̱kya mbu̱ ɗyi nu̱ke nu̱ mewar me ghayang a zu̱ran, shi ma aa nu̱m ma ku̱ nduki gwa shaata tu̱ gor ku.

1 Korintiyeku 15:51

Gwa ma dlu̱mdonu, nga ma zu̱ ɗyi tukakandi nggur ye nu! Chem ɓu̱ mu̱t kap ɓa, ka ɓa mbu̱m shipar ɓaarem yerem nu̱gha kap ɓaarem,

1 Korintiyeku 2:10

Yang Magham wa wut ɗyiku nang yerem nu̱ ku̱nshe Jiimba. Ku̱me chin Jiimbyang ke nu̱ laɓ mbu̱ aa nu̱m, kap ndu̱ ɗyiku ɓu̱ Magham tukakandi nu̱ke dar mban shar.

1 Korintiyeku 2:7

Nga zu̱kya kaɗari ɓu̱ Magham tukakandi, ɗyen tukaran zhu ɗau, nang ke kaɗari ɓu̱ Magham nu̱ daasaki ma vu̱r zhaaji yerem me ku̱ du̱ng larji.

Afiseku 6:19

Shi ma barar ya tu̱k ku̱me mbu̱ nga qu̱n mya ma ɓala aakochi gwa nga ɗyi nu̱ke ngga zu̱ki ye nu tang zu̱r nda tu̱k waare sawa. Ma wut nga ɗyi tukakandi nu̱ mbu̱ Labar Mbarkandang ye nduki.

Kolosiyeku 2:2

Yang nga shi nang ma ku̱ gwa du̱mbu̱r ku tu̱ gonta ɗyin wor mbe ndola. Gwar ɗyiku nang ka sa tu̱ gwa gu̱nar gwaanji nu̱ maito nu̱ke memu̱nar rap rap si ɓa nu̱ dar mbu̱ ɗyi tukakandi ɓu̱ Magham nang ke Masiya ndu̱ varan.

1 Timoti 3:16

Keele su̱ ɓa, ɗyi tukakandi nu̱ mbu̱ ghaari ghai ɓaarem gor maɗyi: Wa wut varan mbu̱ man va, Jiimbyang wa wut za chin nu̱ zhire. Tu̱ nu̱ ru̱ktiku ɓu̱ Magham na nda, tu̱ wopa nda ye nduki nu̱ larji, tu̱ nduki maita nda mbu̱ larji kap, tu̱ da nda ma yir viɗi mbu̱ zhaaji.

1 Timoti 3:9

Wa ku̱s ku̱ khuɓ zhire du̱mbu̱rkandi na viki ye dalang mbu̱ maito nang ndu̱ konyi mbarkandi.

Ɗyin mbu̱ tukari 10:7

Yang mbu̱ qaandi virkirku nu̱ke nu̱ ru̱kti ɓu̱ Magham nu̱ mutndang shiki bing pi domndi ɓaran ɗyi tukakandi ɓu̱ Magham ka nyedli ba wa nu̱ wopaki ye maaviku ɓaran annabiku.”