1 Korintiyeku 13:8 - Mewar Alqawarang

⁸ Ndola nu̱ ka shi woɗa ɓa. (Ma nu̱ke zu̱r ɓalar ɓu̱ Magham ye nduki a si ka tu̱ɓi,) ma nu̱ke me ghiindiku a si ka woɗa, ma nu̱ke zu̱ndi a si ka peeta.

1 Korintiyeku 13:8 ပူးပေါင်းရင်းမြစ်များ

Luka 22:32

Yang nga shi barar yoro ma ku̱ maito ɓa kata ɓa. Mbu̱ ta nggoɗ ta gaɓ nu̱ sha yang, to ɓa vu̱r shokhku̱rokh me bu̱n ye nyeezoro.”

Tlu̱nar ɓu̱ Pudeku 13:1

Chele tabar ɓu̱ nu̱ mbu Yesu ku nu̱ke a Antakiya, annabiku ndu̱ maalu̱mku a nje. Nang ke Barnaba, ndu̱ Simiyon nu̱ka qaki nda za Chit, ndu̱ Lushiyos khuzi Sariyan, ndu̱ Manayen nu̱ gorki su̱yen ndu̱ kuji Khiridus, ndu̱ Shawulu.

Tlu̱nar ɓu̱ Pudeku 19:6

Nu̱ Bulus saki khar barke ye wora, tu̱ Jiimbi shakhshakhndi a zhur nu̱ ɗyine wora, tu̱ shi ɓalar nu̱ me ghiindiku, a zu̱ ɗyi nu̱ Magham zu̱ki ye wora.

Tlu̱nar ɓu̱ Pudeku 2:4

Tu̱ nyel kap ɓaanda ndu̱ Jiimbi shakhshakhndi, tu̱ nggaasi ɓalarku ndu̱ me ghaiku zum zum, ba wa nu̱ Jiimbi shakhshakhndang vu̱rki ye wora.

1 Korintiyeku 12:10

Ɓu̱ njif nggur gwakya vu̱rti nu̱ shir ɗye lazhamku, ɓu̱ njif nggur ɗya zu̱r ɓalar nu̱ Magham zu̱ki yenda ku̱ ze nduki. Yang ɓu̱ njif nggur ka zu̱nkya pooni jiimbiku zum zum, njif nggur ɓaran ɗya maghar me ghiindiku zum zum, njif nggur yang ka ɗu̱ma zu̱ mbu̱ ɗyi nu̱ke ta zu̱ran ndu̱ me ghiindikwang.

1 Korintiyeku 13:10

Yang sarchi nu̱ke shelndang a ɓa ki, nu̱ke shel ɓa ndang ka su̱ya ɓara.

1 Korintiyeku 13:13

Yang leendang ɗyiku kunungndi nang a nje shwat, wor ke: Maito, sar memu̱nari, ndu̱ ndola, yang chele ɗyi kunungndi nang, ndola dukki gwaari.

1 Korintiyeku 14:39

Ku̱me nang nyeezaku, sa ma memu̱na nu nu̱ ɗyine zu̱r ru̱kti ɓu̱ Magham, yang nggu̱tl nu ɓalar ndu̱ ghiindiku ɓa.

1 Korintiyeku 8:2

Kap njif nu̱ tamanki za chin wa zu̱n aa nu̱m, nu̱ zu̱n ɗyi nu̱ shipaki ku̱ zu̱n nji dong ɓa.

Galatiyeku 5:6

Jiwa mbu̱ chem a mbe Masiya Yesu, aa chem wa dla sarem, aa nyem dla ɓa kap da. Ɗyi nu̱ damtaki si, chin ke maitar Masiya nu̱ka saki chem wut ndolar ye aaki.

Yibraniyeku 8:13

Nu̱ ku̱nshe qar alqawarang, “Mewakandang” wa gaɓ ndu̱ nu̱ gumapaalyang tu̱ kha gu̱maran ɗo. Yang tu̱k ɗyin zhu, nu̱ gu̱maki tu̱k, ka su̱ya ɓu̱ shoɓ ɓa.