1 Korintiyeku 13:7 - Mewar Alqawarang

⁷ Ndola wa ka bu ɗyin, wa ka shi maito aakochi, wa ka shi sar memu̱na, nu̱ka shi nggum ɓa.

1 Korintiyeku 13:7 ပူးပေါင်းရင်းမြစ်များ

Matta 10:22

Nduki kap ka zhangndonu ku̱me nga, yang njif nu̱ kanaɗaki ma khu̱dli ye lauɗar san ka ɗana.

Markus 9:23

Tu̱ Yesu tlogha yenda za, “To za mbu̱ ngga ɗu̱ma? Ai tun a nje nu̱ke ka ku̱naki njif nu̱ maitaki ɓa.”

Romeku 15:1

Chem nyem khaki du̱mbu̱ran mbe maito ɓaarem wa shipa ku̱ shi mi kanaɗyi ndu̱ nduki nu̱ke khukhutanku, ma ku̱ shaata mi wor mbe tu̱ɓti ɓaanda. Ku̱ kha mi ndu̱ ndolar ɗyin ɓa.

Romeku 8:24

Jiwa ɗana rem nu̱ ku̱nshe sar memu̱nar nang. Yang mbu̱ chem wa na ɗyi nyem saki memu̱na rem nu̱ ɗyinanang, ɗyen nu̱ kha ma sar memu̱na ɓa. Ki ka saki memu̱naran ma ku̱ gwa nji ɗyi nu̱ke a nje kha nda?

1 Korintiyeku 13:4

Ndola ɗya kaɗanyi, ndola ɗya mbarki. Ndola nu̱ka shi zhiri ɓa, nu̱ka wut za chin ɗyi nggur ɓa, nu̱ka shi gwaari ɗyin ɓa.

1 Korintiyeku 9:12

Mbu̱ zalale shir tun wanang a nje kha nduki ngguri, ai, chem wa duk wor zalale nang. Yang kap ndu̱ nang nyem shi tlu̱na ndu̱ zalale nang ɓa, chem wa gu̱n memu̱na mi nu̱ aa nu̱m ma ku̱ nggu̱tli mi tlu̱nar Labar mbarkandi ɓu̱ Masiya Yesu ɓa.

Galatiyeku 6:2

Da ma kuɗar ɓu̱ yen, shir wanangang ka sa tun nyel bibiti ɓu̱ Masiya.

2 Tasalonikeku 1:4

Nang ke ɗyi nu̱ saki chem a me wakhti ndu̱ tun chele tabarku ɓu̱ nu̱ mbu Magham, ku̱me gu̱ndi memu̱na, ndu̱ maito nu̱ke tun a shiran mbe bonyeku khang ndu̱ takashi nu̱ke tun a mban.

2 Timoti 2:24

Ku̱ nu̱ tlu̱nar ɓu̱ Magham kha ma nu̱ keele ɓa, ku̱ kha ma nu̱ mbarkir ye aaki, ku̱ kha ma njif nu̱ke ka ɗu̱maki shoga ɓara, yang nu̱ zhangndi nduk ɓa.

2 Timoti 3:11

Ta zu̱n bonye ndu̱ takashi nu̱ gwaki nga mbu̱ ghai Antakiya, ndu̱ Ikoniya ndu̱ Listu̱ra. Yang kap ndu̱ nang tu̱ Magham lawa nga mban.

2 Timoti 4:5

Yang to, ku̱s vaaro mbe aa nyi tunu, to gu̱n memu̱na ro mbe bonye, to shi tlu̱nar ɓu̱ nu̱ wopar Labar mbarkandi, to nyel tlu̱nar ɓaaro ye khar ɓa ma maavi ɓu̱ Magham.

Yibraniyeku 13:13

Ku̱me nang vi mi ma yir she nda qu̱rsi ghayi, ndu̱ dar pooni wuti katar nu̱ daki.

Yaqub 1:12

Njif nu̱ gu̱nki memu̱naran mbu̱ bonye ɓaran ɗya nu̱ barka, ku̱me ka gwa ɗye ɓi nu̱ nyifi nu̱ke ɓu̱ shi woɗa ɓa nu̱ Magham shiki alqawaran ye kap nduki nu̱ke a ndola nda.

1 Biturus 2:24

Chem shiki sola, yang chin daki solarku ɓaaremang ye ɗyinan sarchi nu̱ katlki nda gha me qu̱fari. Shi wanangang ma ku̱ shakh mi ndu̱ solarku ɓaarem nu̱ ku̱nshe mu̱ti ɓaran, shem khar ɓaarem ndu̱ dambi. Ruɓar nu̱ shiki yenda saki tun shaana.

1 Biturus 4:8

Guma ndu̱ aa nu̱m, ndola ma yen ndu̱ memu̱na nu da. Ku̱me ndola wa ka lu̱pa ɗyin zop khangndi.