1 Korintiyeku 13:4 - Mewar Alqawarang

⁴ Ndola ɗya kaɗanyi, ndola ɗya mbarki. Ndola nu̱ka shi zhiri ɓa, nu̱ka wut za chin ɗyi nggur ɓa, nu̱ka shi gwaari ɗyin ɓa.

1 Korintiyeku 13:4 ပူးပေါင်းရင်းမြစ်များ

Matta 27:18

Ku̱me Bilatus wa zu̱n za a ɓa ku ndu̱ Yesu ku̱me zhiri.

Tlu̱nar ɓu̱ Pudeku 7:9

“Yang ku̱me zhikaneremku a zhiri ɓu̱ Yusufu nu̱ke ɗya khachin wora, tu̱ masa nda ɓar ku, tu̱ nduki nu̱ masaki nda ɓar ye worang ɗu̱ ndu̱ chin Masar. Yang nu̱ke Magham a nje su̱yen ndu̱ chin,

Romeku 1:29

A nje ku nyeedlan ndu̱ ɗyi galkandi, ndu̱ mu̱nari, ndu̱ melakh, ndu̱ ɗye shir malkandi ku. Nyeedlan ku ndu̱ zhiri malkandi, ndu̱ tlaghar mu̱ti, ndu̱ dakhlari, ndu̱ nyiglar maa, ndu̱ ɗyooti mbu. Ɗya nu̱ ndaana ku,

Romeku 13:13

Bu ku̱ khar viti ɓaarem kha mbari wa nu̱ shipaki nduki nu̱ke a khar mbu̱ yarangi. Waare nggar zu̱mndi ku bam bam ndu̱ kuyari, ndu̱ zawar ku ndu̱ tlu̱nar ɗye zhaane ku nu̱ song kawa, ndu̱ dakhlari ndu̱ ɓar nu̱ shakhti ɗyin ndu̱ zhiri.

1 Korintiyeku 3:3

ku̱me aa leendang ɗye shir ɓaanu ɗya ɗye shir ɓu̱ manva ɓa goma? Ma nu̱ke tun a zhiri ɓu̱ yen, tun a dakhlar chele ɓaanu, ai nang wa wut za ɗye shir ɓaanu ɗya ɗye shir ɓu̱ man va, nun nggoɗ ɓa ku̱me tun a shikya ɗyi nu̱ke nduki a shiran.

1 Korintiyeku 4:18

Yang ɓeeni nduki chele ɓaanu wa taman ku za ngam ɓu̱ ɗa ɓa she nu ɓa, nang ke ɗyi nu̱ saki tu̱ki gwaari ɗyin ku.

1 Korintiyeku 4:6

Nang ɗo, nyeezaku, nga shi boote ndu̱ Apolos ndu̱ nga ma buu ɗyiku nang ye nu, tun shoga ye mbu̱ ɓalar nu̱ zu̱ki za, “Peeta nu ɗyi nu̱ke a nje bu̱laran ɓu̱ Bibitang ɓa.” Ku̱ nduk vu̱r zhaaji ye nduk da tu̱ duk da ɓa.

1 Korintiyeku 5:2

Yang za tuna kham ɗyino nu! Alapa nu̱ shipa ku̱ memu̱na nu su̱bu̱ri, tun komba njif nu̱ shiki pooni ɗyinang ɓar chele ɓaanu ɓa?

1 Korintiyeku 8:1

Ɗyine ɓalar ɓu̱ ɗye zu̱mndi nu̱ shiki sadke su̱ ye mu̱lu̱mku, chem wa zu̱n nu̱ ɗyine chem wa shi zu̱ndi kap ɓaarem. Yang zu̱ndi wa ka sa nduk tu̱ ka shi gwaari ɗyin, ɓu̱ ndola yang ka sakya nduk tu̱ shaata aaki.

2 Korintiyeku 12:20

Nga sawa bai mbu̱ nga ɓa tang gwa tun wa mbu̱m tun kha zum ndu̱ ɗyi nang shimki nu si, tun yang gwa nga zum ndu̱ ɗyi nun shimki nga si tu̱k. Nga sawa gwa nu mbu̱ keele ndu̱ zhiri, ndu̱ memu̱nar malkandi ndu̱ ndolar ɗyin, ndu̱ pu̱zi nduki bam bam ndu̱ ndaane, ndu̱ dar ɗyin, ndu̱ rokhdlar maari.

2 Korintiyeku 6:6

Mbe khar wakakandi, mbe dar mbu̱ tunu, mbe kanaɗyi ndu̱ mbarki, nu̱ ku̱nshe Jiimbi ɓu̱ Magham ndu̱ ndolar zhirekandi.

Galatiyeku 5:26

Ku̱ kha mi ma nu̱ gwaari ɗyin ndu̱ nggangndi dakhla, ndu̱ zhiri ɓu̱ yen ɓa.

Afiseku 4:2

Tun kha ndu̱ katar ɗyin tu̱ memu̱na nu kha ɓu̱tokh ndu̱ kanaɗyi, ndu̱ dlu̱r yen mbe ndolari.

Afiseku 4:32

Tun shi mbarkir ye yen, tun na zhiyaye ɓu̱ yen, tun ndu̱m nu̱ ve yen ba wa nu̱ Magham ndu̱mki nu̱ ve nu nu̱ ku̱nshe Masiya.

Filipiyeku 1:15

Ɓeeni nduki a wopa ɓalar ɓu̱ Masiya ku̱me zhiri ndu̱ me mu̱sonki, yang ɓeenan a shiran ndu̱ memu̱na wor da.

Kolosiyeku 1:11

Ku̱ Magham pa du̱mbu̱r ye nu ndu̱ du̱mbu̱r ɓaran nu̱ zhaaji tun gwa tun ching gha mbari, ma ku̱ gu̱n nu memu̱na nu ndu̱ ɗyi nu̱ke a ɗaatli, tun a kanaɗyi mbe kasha.

Kolosiyeku 2:18

Ku̱me nang ku̱ njig nu tu̱ nu̱ pakhti ɗyin nggur shi nggu̱ti zop ye nu ku̱me yitan wa ka na ɗyin mbu̱ tuka ɓa. Pooni nduki nang wa ka gang vaanda nu̱ ve wuti katar ɗyin nu̱ wollo ndu̱ ghaari ghai ye nu̱ ru̱kti ku ɓu̱ Magham. Yang alapa ɓa a wutkya gwaari ɗyin nu̱ke ɗyin su̱ ɓa, ɗya nu̱ ndolar ɗyin ku ndu̱ nu̱ pooni ɗye shir malkandi ɓu̱ nduk ɗyenda.

Kolosiyeku 3:12

Tun ke nduki ɓu̱ Magham a ndolanu tu̱ daato nu ma ku̱ kha nu ma ɓaran. Ku̱me nang tun ki na zhiyaye ɓu̱ yen, tun a mbarkir ye yen, ndu̱ katar ɗyin ndu̱ ɓu̱tokh memu̱nar ndu̱ gu̱ndi memu̱na.

1 Tasalonikeku 5:14

Chem a khutonu tu̱k, nyeezaku, wu ma nu̱ shimndi khar bam ku nang, tun pa du̱mbu̱r ye nduki nu̱ sawarku, tun shaata nduki nu̱ke khukhutan ku mbe maito, tun da kanaɗyi ndu̱ aaki.

1 Timoti 6:4

njif nang ɗya nu̱ gwaari ɗyin, yang nu̱ zu̱n aa nu̱m ɓa. Nu̱ taman ɗyi mbarkandi ɓa a shimkya keele ndu̱ dakhla ɗyine ɓalarku. Ai ɗyi nang ke nu̱ ɓar ndu̱ zhiri ndu̱ dakhla, ndu̱ pu̱ziku ndu̱ tamandi ɗyi malkandiku nu̱ ɗyine nduki,

2 Timoti 2:25

Kom ku̱ wu nduki nu̱ke a kare ndu̱ shogar ɓaran mbe ɓu̱tokh memu̱na, bai Magham ka vu̱r maa ye wor tu̱ nggoɗ ku tu̱ zu̱n zhire.

2 Timoti 3:10

Leendang ta woɗa ta zu̱n shogar ɓanga, ndu̱ ɗye shir mbarkandi ɓanga, ndu̱ ku̱rti ɓanga, ndu̱ maito, ndu̱ kaɗanyi, ndu̱ ndolari, ndu̱ sar memu̱nar mbe kanaɗyi nang ka shiki.

2 Timoti 4:2

Shi waazu ɓu̱ ɓalar ɓu̱ Magham; to kha daasaran aa zalala nje aa a nje ɓa; to ɗu̱r nduki, to wu wora, to pa du̱mbu̱r ye wora ndu̱ kaɗanyi maɗyikandi ta shogaran ɓara.

Titus 3:3

Jiwa ɗau far chem nggu̱bu̱ngan, nu̱ zhangndi tu̱kti maa ku, chem sagharan. Chem maavi ɓu̱ shimndi ɗyiku zum zum ndu̱ melakh ɗyiku zum zum, chem kharan mbe mu̱na ndu̱ zhiri, nduki a zhangnderem chem a zhang yen.

Yaqub 4:5

Tamandi ɓaanu bu̱lar Ɓalar ɓu̱ Magham shi ɓalarang bam mu nu̱ zu̱ki za, “Magham nyeedlan ndu̱ zhiri maɗyikandi ku̱me a ndola rem ku̱me jiimbi nu̱ saki nu̱ mbe remang” ɓa goma?

1 Biturus 2:1

Ku̱me nang shakh ma ɗyinonu ndu̱ aa nyi maatli khali, ndu̱ wollo, ndu̱ mu̱na ndu̱ zhiri, ndu̱ aa nyi pu̱ziku bam bam.

1 Biturus 3:8

Ye lauɗar san, gonta ma ɗyinonu ye maa da tu̱ kwaari ɓaanu kha da. Tun a na zhiyaye ɓu̱ yen, tun a ndola yen wa khachinkirku, tun a shaata yen gwaari ɗyin su̱ ɓa.

1 Biturus 4:8

Guma ndu̱ aa nu̱m, ndola ma yen ndu̱ memu̱na nu da. Ku̱me ndola wa ka lu̱pa ɗyin zop khangndi.

2 Bitu̱rus 1:7

Nu̱ ɗyine sawar Magham tun shaata mbarkir ye yen. Ɗyine mbarkirang tun shaata ndola.

1 Yokhana 4:11

Raptaku nu̱ke nga ndolaran, nu̱ke Magham wa ndola rem wanang, wa ku̱s ndola mi yen tu̱k.