1 Korintiyeku 13:2 - Mewar Alqawarang

² Aa nga ka zu̱ ɓalar ɓu̱ Magham, tang zu̱n ɗyi tukakandi kap, tang shi zu̱ndi ɗyine tun kap, aa maito ɓang maɗyi wa nu̱m gom, nu̱ke ngga ɗu̱ma ɓu̱t dlengku, yang za nga nu̱ ndola ɓa, nga aa nu̱m ɓa.

1 Korintiyeku 13:2 ပူးပေါင်းရင်းမြစ်များ

Matta 13:11

Tu̱ Yesu tlogha ye wor za, “Wa vu̱r ye nu ku̱ zu̱n nu ɗyi tukakandi nu̱ke a mbu̱ kwaaɗar ɓu̱ Magham, yang ɓaanda nu̱ vu̱r na ye wor ɓa.

Matta 17:20

Yang tu̱ Yesu tlogha ye wor za, “Ku̱me maito ɓaanu wa shi koɗomma. Zhire ngaa zu̱ran ye nu, mbu̱ maito khanu nu̱ khu̱lki ye pooni mastad, aa nu̱ke chin dukki aa nyi ye pooni koɗomme, tun ka ɗu̱ma zu̱ran ye dleng nang ku̱ ji ɓar fan ma yir fara, yang ka ji. Tun a nje ka ku̱naki nu ɓa.”

Matta 21:19

Nu̱ naki qu̱far sugar tleebi njivang, tu̱ ɗu̱ she qu̱farang, yang nu̱ gwa aa nu̱m su̱ ɓa kope dlu̱mndan. Tu̱ ze qu̱far sugarang za, “Gana fan kha na woi tu̱k ɓa!” Tu̱ qu̱farang ghwar varan fan ndu̱ fan.

Matta 21:21

Tu̱ Yesu tlogha ye wor za, “Zhire nga zu̱ran ye nu, mbu̱ maito kha nu, yang nu̱ memu̱nanu zhang ye nu ɓa, tun ka ɗu̱ma shi ɗyi dukki ɗyi nang shiki ye qu̱far sugar nang. Aa tun ka zu̱kya ye dleng nang nun za, ‘Ju to nggu̱ɗ nu̱ mbu̱ ɗyim chitndi,’ ka shi.

Tlu̱nar ɓu̱ Pudeku 13:1

Chele tabar ɓu̱ nu̱ mbu Yesu ku nu̱ke a Antakiya, annabiku ndu̱ maalu̱mku a nje. Nang ke Barnaba, ndu̱ Simiyon nu̱ka qaki nda za Chit, ndu̱ Lushiyos khuzi Sariyan, ndu̱ Manayen nu̱ gorki su̱yen ndu̱ kuji Khiridus, ndu̱ Shawulu.

Romeku 11:25

Nyeezaku, nga shim wut nga ɗyi tukakandi nggur ye nu ku̱ zu̱n nu, ma ku̱ kha nu ma nu̱ gwaari ɗyin ɓa. Kaaku̱ɗakh memu̱nar ɓu̱ ɓeeni nduki nu̱ Israila nang ɗya ba me sarchi koɗomma, a bu kya sarchi nu̱ke khang ɓu̱ nduki nu̱ke ɗya Yakhudeku ɓa nu̱ke a ɓar she Magham ku̱ nyedli.

Romeku 15:14

Nyeezaku, nga ndu̱ ɗyina nga saida nu̱ ɗyine tun nu̱ mbarkir maɗyikandi, wonji tun nyeedlan ndu̱ zu̱ndi maɗyikandi tu̱k, tun wa khu̱l ma ku̱ shoga nu ye yen.

Romeku 16:25

Bu ku̱ zhaaji kha Magham nu̱ zalale par nu nu̱ mbe maito ba wa nu̱ Labar mbarkandi nu̱ke nga waazu ni ɗyine Yesu Masiya nang zu̱ki. Yang Labar mbarkandi nang ɗya ɗyi tukakandi zhu tang,

1 Korintiyeku 11:4

Khuski nu̱ shiki barari, aa zu̱kya ɗyi nu̱ Magham zu̱ki yenda ku̱ ze nduki, ɗyinan lu̱paran wa ndu̱m dle gume ɓaranang.

1 Korintiyeku 12:28

Mbu̱ tabar ɓu̱ nu̱ mbu Yesu, gumapaali Magham wa vu̱r pudeku, nu̱ rapan annabiku, nu̱ kunungan tu̱ vu̱r maalu̱mku. Tu̱ vu̱r nu̱ shir ɗye lazham ku, ndu̱ nu̱ shaanar khaatiku, ndu̱ shaatar nduki, ndu̱ nu̱ kwaaɗarku, ndu̱ nu̱ ɓalar ndu̱ me ghiindiku zum zum.

1 Korintiyeku 13:1

Aa ngga ɗu̱ma ɓalar ndu̱ me ghaiku ɓu̱ nduki ndu̱ ɓu̱ nu̱ ru̱ktiku ɓu̱ Magham, yang nga nu̱ ndola ɓa, nga shipakya gonggulong nu̱ke a quri, ndu̱ dlu̱rti nu̱ qur maɗyi.

1 Korintiyeku 13:3

Aa nga vu̱r ɗyin me khara ɓar kap ye nu̱ nungndiku, tang vu̱r vara ku̱ va nu̱ gha, mbu̱ nga nu̱ ndola ɓa, kap ɗyiku nang nu̱ boota nga ndu̱ aa nu̱m ɓa.

1 Korintiyeku 13:8

Ndola nu̱ ka shi woɗa ɓa. (Ma nu̱ke zu̱r ɓalar ɓu̱ Magham ye nduki a si ka tu̱ɓi,) ma nu̱ke me ghiindiku a si ka woɗa, ma nu̱ke zu̱ndi a si ka peeta.

1 Korintiyeku 14:29

Annabiku rap ma yir kunung ku̱ shi ɓalarang, tu̱ ɓeenan nggu̱t mbu̱ ɗyi nu̱ zu̱ki kwang.

1 Korintiyeku 14:39

Ku̱me nang nyeezaku, sa ma memu̱na nu nu̱ ɗyine zu̱r ru̱kti ɓu̱ Magham, yang nggu̱tl nu ɓalar ndu̱ ghiindiku ɓa.

1 Korintiyeku 14:4

Njif nu̱ke a ɓalar mbu̱ me ghiindi a du̱ngkya ɗyinan, yang njif nu̱ke a zu̱ ru̱kti ɓu̱ Magham a du̱ngkya tabar ɓu̱ nu̱ mbu Yesu.

1 Korintiyeku 15:51

Gwa ma dlu̱mdonu, nga ma zu̱ ɗyi tukakandi nggur ye nu! Chem ɓu̱ mu̱t kap ɓa, ka ɓa mbu̱m shipar ɓaarem yerem nu̱gha kap ɓaarem,

1 Korintiyeku 16:22

Kap njif nu̱ke a shim Zhinerem gwaanji ɓa ku̱ Magham mi barke ɓaran. A ɓo, Zhinerem gwaanji.

1 Korintiyeku 4:1

Wa shipa ku̱ kwaari ɓaanu khan ɗyine chem ɗya nu̱ tlu̱narku ɓu̱ Masiya, yang Magham wa vu̱r du̱ngdi ɗyiku tukakandi ɓaran yerem.

1 Korintiyeku 7:19

Dlarsi ndu̱ song dlarsi ɗya aa nu̱m ɓa, khutlo ɓalar ɓu̱ Magham chin ke torop.

1 Korintiyeku 8:4

Ɗyine ɓalar ɗye zu̱mndi nu̱ka vu̱rki ye mu̱lu̱mku nang, chem wa zu̱n nu ɗyine, mbu̱ larji nang kap, mu̱lu̱m ɗya aa nu̱m ɓa, chem wa zu̱n Magham kaada, yang Maghamndi nggur a nje tu̱k ɓa.

2 Korintiyeku 12:11

Aa nu̱ke nga gaɓ ndu̱ ɗyina wa nggu̱bu̱ng, tun saki nga. Yang wa ku̱s tu̱ga tun wa makhta nga. Aa nga mbu̱ ɗyi nggur ɓa, “Pudeku rututundi” ɓaanu nang nu̱ dukti nga ndu̱ aa nu̱m ku ɓa.

Galatiyeku 5:16

Ɗyi nu̱ke nga zu̱ranang chin ke, ku̱ njig ma Jiimbi shakhshakhndi tu̱ mbu ndu̱ tunu. Mbu̱ tun wa shi wanang tun ɓu̱ mbu su̱ me ɓu̱ shimndi ɓu̱ manva ɓa.

Galatiyeku 5:22

Yang ɗye shir mbarkandi ku ɓu̱ Jiimba chin ke, ndola, ndu̱ kasha, ndu̱ qaandi memu̱na, ndu̱ kanaɗyi, ndu̱ mbarkiri, ndu̱ shir ɗyi toropndi, ndu̱ shir zhire,

Galatiyeku 6:3

Mbu̱ nduk a da varan za chin ɗyi ngguri, yang ɗya aa nu̱m ɓa, a lambakya varan.

Afiseku 3:4

Mbu̱ tun wa nggu̱t mban, tun ka da mbu̱ ɗyi nang zu̱nki ɗyine ɗyi tukakandi ɓu̱ Masiya.

Afiseku 6:19

Shi ma barar ya tu̱k ku̱me mbu̱ nga qu̱n mya ma ɓala aakochi gwa nga ɗyi nu̱ke ngga zu̱ki ye nu tang zu̱r nda tu̱k waare sawa. Ma wut nga ɗyi tukakandi nu̱ mbu̱ Labar Mbarkandang ye nduki.

Kolosiyeku 1:26

Ɗyi nu̱ke nga zu̱ran ye nu nang ɗya ɗyi nu̱ke a nje tukaran zhu tang mbu̱ zamanku khang nu̱ peetaki, yang wa wut ɗyi tukakandi nang ye nduki ɓaran leendang.

1 Timoti 3:16

Keele su̱ ɓa, ɗyi tukakandi nu̱ mbu̱ ghaari ghai ɓaarem gor maɗyi: Wa wut varan mbu̱ man va, Jiimbyang wa wut za chin nu̱ zhire. Tu̱ nu̱ ru̱ktiku ɓu̱ Magham na nda, tu̱ wopa nda ye nduki nu̱ larji, tu̱ nduki maita nda mbu̱ larji kap, tu̱ da nda ma yir viɗi mbu̱ zhaaji.

1 Yokhana 4:8

Kap njif nu̱ke nu̱ka wut ndola ɓa, nu̱ zu̱n Magham sar da ɓa, ku̱me Magham ɗya ndola.