1 Korintiyeku 1:9 - Mewar Alqawarang

⁹ Magham ɗya nu̱ nyedli alqawar, yang chin qaki nu ma ku̱ shi nu khar mu̱nkandi su̱yen ndu̱ Yi ɓaran Yesu Masiya Zhinerem gwaanji.

1 Korintiyeku 1:9 ပူးပေါင်းရင်းမြစ်များ

Matta 24:35

Maa viɗi ndu̱ maa vu̱ghai ka woɗa yang ɓalar ɓang ɓu̱ pasha aa koɗom ɓa.

Yokhana 17:21

Ai Da, nga khuti nang ma ku̱ kha da ku. Ba wa nu̱ke ta mbya, nga mbe ro, nga khutan ku̱ khan mbeerem ku tu̱k. Kom nduki nu̱ larji ka maita ku za ta ru̱kki nga.

Romeku 11:17

Mbu̱ke wa ku̱rta ɓeeni me bu̱n qu̱farku nu̱gha, yang tun nu̱ke ɗya qu̱far Zaitun nu̱ gar wa baatla nu tu̱ gu̱n ye man qu̱farang ma ɓu̱rti su̱yen ndu̱ ɓeeni me bu̱n qu̱farkwang. Tun a zu̱m kya boote ɓu̱ man qu̱farang nu̱ ku̱nshe dlu̱dlar sanang.

Romeku 8:28

Chem wa zu̱n nu̱ ɗyine mbu̱ aa nu̱m kap Magham wa ka tlu̱na ɗyi mbarkandi ye nduki nu̱ke a ndola nda, nang ke nduki nu̱ qaki ma ku̱ shi shimndi ɓaran.

Romeku 8:30

Yang nduki nu̱ Magham bu̱laki nu̱ ve worang, wor ke nduki nu̱ qaki. Nduki nu̱ qakyang, wor ke nduki nu̱ gaɓki ndu̱ wor tu̱ kha waare sola gume nda. Nduki nu̱ khaki waare solar gume ndang, wor ke nduki nu̱ vu̱rki zhaaji ye wora.

Romeku 9:24

Chem ke nduki nang, yang chem nu̱ Magham qaki, mbu̱ Yakhudeku ɗyenda ɓa, nduki nu̱ke ɗya Yakhudeku ɓa a mban tu̱k.

1 Korintiyeku 1:30

Magham saki ku̱ khanu nu̱ mbe Masiya Yesu, chin saki tu̱ Masiya kha chin ke kaɗari ɓaarem. Chem gwa dlu̱r she Magham, chem kha ma nduki ɓaran wakakandi chem lawa me khar maavi ɓu̱ sola nu̱ ku̱nshe nda.

1 Korintiyeku 10:13

Buuri nggur a nje nu̱ gwaki nu, nu̱ke za nu̱ shi ye njif nggur ɓa ɓa. Magham ɗya nu̱ zhire, ɓu̱ njig ku̱ buuro nu ndu̱ ɗyi nu̱ dukki du̱mbu̱r ɓaanu ɓa, ka qu̱n njiv ye nu, nu̱ke tun ka ɗu̱maki gu̱n memu̱na nu mban.

1 Korintiyeku 10:16

Ɗyekhti nu̱ barke nyem ka kunakyang, chin ke nu̱ sa rem chem kha ma ɗyi da mbu̱ tom ɓu̱ Masiya ɓa goma? Chin ɓu̱rti tolir nyem ka ɓakhlakyang chem nji nang ke nu̱ sa rem chem kha ma man var da mbe man var Masiya ɓa goma?

2 Korintiyeku 1:18

Ba wa nu̱ke Magham ɗya nu̱ zhire, ɓalar nyem zu̱ki ye nu ba wanang tu̱k, nyem ka zu̱ “E” ndu̱ “O'o” ɓa.

Galatiyeku 1:15

Yang Magham mbu̱ mu̱nkir ɓaran wa daati nga me ku̱ kha nga nu̱ dam, tu̱ qa nga, tu̱ shim

Galatiyeku 2:20

Wa kaatli nga gha su̱yen ndu̱ Masiya. Yang nga nje ndu̱ nyifi ɓa, Masiya kya khar mbya. Khar ɓang mbu̱ man var nang, nga shikya khar maito mbe Yi ɓu̱ Magham, chin nu̱ ndolaki nga tu̱ mu̱t ku̱me nga.

Afiseku 3:6

Ɗyi tukakandi nang, chin ke nduki nu̱ke ɗya Yakhudeku ɓa wa kha ma nu̱ gwar shakhti ɗye mbu̱ ge su̱yen ndu̱ chem Israileku nu̱ ku̱nshe Labar mbarkandi ɓu̱ Masiya Yesu. Yakhudeku ndu̱ nduki nu̱ke ɗya Yakhude ku ɓa wa kha wa me bar ɓu̱ man var da. Kom tu̱k ka gwa me ɓaanda mbu̱ alqawar nu̱ Magham shiki nu̱ ku̱nshe Masiya Yesu.

Kolosiyeku 1:24

Nga kashar bonye nang zaki ku̱me tun leendang. Ku̱me nu̱ ku̱nshe bonye nang zaki mbu̱ man var nang, nga shikya shaataran ma nyel me bonye nu̱ Masiya njigki waare lauɗa. Me ɓu̱ man varan chin ke tabar ɓu̱ nu̱ mbu Yesu.

1 Tasalonikeku 2:12

Chem wa dut dlu̱mdonu, chem pa du̱mbu̱r ye nu, chem khutonu ku̱ shi nu khar nu̱ shipaki nu̱ke Magham a shimndan, chin nu̱ qaki nun mbu̱ kwaaɗar ɓaran ndu̱ zhaaji ɓaran.

2 Tasalonikeku 2:14

Qa nu nu̱ ku̱nshe Labar mbarkandi nyem vu̱rki yenwang, ma ku̱ gwa nu me ɓaanu mbu̱ zhaaji ɓu̱ Zhinerem gwaanji Yesu Masiya.

2 Tasalonikeku 3:3

Yang Zhinerem gwaanji ɗya nu̱ zhire, ka pa du̱mbu̱r ye nu, tu̱ kangga nu she Nu̱ mu̱nar nang.

2 Timoti 1:9

Magham ɗanaki rem, tu̱ qa rem ma ku̱ kha mi shakhshakh. Nu̱ qa rem ku̱me tlu̱nar nyem shiki ɓa, qa rem ku̱me shimndi ɓaran ndu̱ mu̱nkir ɓaran. Vu̱r mu̱nkir ɓaranang yerem nu̱ ku̱nshe Masiya Yesu me ku̱ du̱ng larji,

2 Timoti 2:13

Mbu̱ nyem ka shi zhire ɓa, chin ɗya nu̱ zhire, ku̱me ɗo ɓu̱ keela ɗyinan ɓa.

Titus 1:2

Maito nu̱ zu̱ndi nu̱ke dlaran ve sar memu̱na ye nyifi nu̱ke nu̱ka shi woɗa ɓa. Magham nu̱ke nu̱ka shi wollo ɓa shiki alqawar nang kaabu nggarsi sarchi.

Yibraniyeku 10:23

Bu ku̱ ching mi gha shanggu̱ɗang ɗyine sar memu̱nar ɓaarem, nu̱ke chem a saidaran, ku̱me njif nu̱ shiki alqawaran ɗya nu̱ zhire.

Yibraniyeku 11:11

Maito saki tu̱ Yibram kha woi, aa nu̱ke wa geema maɗyi sarchi ni, yang ɓu̱ Saratu nokhzan kwarandan. Wa maita nu̱ ɗyine Magham ɗya nu̱ zhire mbe alqawar ɓaran.

Yibraniyeku 2:17

Nang ke ɗyi nu̱ saki tu̱ gaɓ ndu̱ chin tu̱ kha wa nyeezan ve aa nyi njiva. Ma ku̱ kha ma kuru gwaanji ɓu̱ Magham. Nu̱ shir zhire, nu̱ nar zhiyaye tu̱k mbu̱ tlu̱nar nu̱ke a shiran ye Magham. Ma ku̱ kha nji ma sadke nu̱ dlaki quran ma da shipiti taɗar solar ɓu̱ nduki ye ɗyinan.

Yibraniyeku 3:1

Ku̱me nang nyeezaku wakakandi, nun gwaki qar viɗi she Magham tu̱k, shi ma kwaari ɗyine Yesu chin nu̱ke ɗya puda ndu̱ Kuru gwaanji ɓu̱ maito nu̱ke chem a saidaran nang.

Yibraniyeku 3:14

Jiwa chem nduk yen mbe Masiya mbu̱ chem wa khuɓ maito ɓaarem ndu̱ du̱mbu̱r ji ve nggarsan ma yir she lauɗar san.

Yibraniyeku 6:18

Yang ɗo, ɗyiku a nje rap nu̱ke nu̱ka shi paata ɓa, yang ɓu̱ shi tu̱ Magham shi song zhire ɗyinan ɓa. Nu̱ke ɗyinang ɗya ɗye par du̱mbu̱r ye memu̱narem maɗyi, chem nyem ɗaki ku̱me gwami chem khuɓ maitwang, chem ka gwa par du̱mbu̱r maɗyi.

1 Biturus 5:10

Qu̱rse tun wa za bonye nang me sarchi koɗomma, Magham nu̱ mu̱nkir kap, chin nu̱ qaki nu ma gwa nu zhaaji su̱yen ndu̱ chin koɗokhsi ɓa mbe Masiya. Ka gaɓ ndu̱ tun tun kha nyeedlan, ka pa du̱mbu̱r ye nu tun ching gha shanggu̱ɗang.

1 Yokhana 1:3

Chem a zu̱kya ɗyi nyem tu̱kki, chem na ye nu, ku̱me chem a shim ku̱ kha mi su̱yen. Yang khar ɓaaremang su̱yen ndu̱ Magham Zhinki, ndu̱ Yi ɓaran Yesu Masiya.

1 Yokhana 1:7

Yang mbu chem a yir ɓaarem mbu̱ yarang ba wa nu̱ke Magham a mbu̱ yarang, chem a khar ndu̱ yen ɗo. Tom ɓu̱ Yesu Yi ɓaran a shibterem nu̱gha mbe aa nyi sola.

1 Yokhana 4:13

Chem wa zu̱n za chem kharan mbe nda, chin a mbe rem tu̱k, ku̱me Jiimban nu̱ vu̱rki yerem.

Ɗyin mbu̱ tukari 19:11

Tang na maa viɗi qu̱ndan, tang na pu̱rsi ɓongndi. Ka qa nu̱ lu̱bar nda za Nu̱ Shir zhire ndu̱ zhire. Nu̱ zhire ka shiki kumar ndu̱ dakhlar ɓaran.