1 Korintiyeku 1:6 - Mewar Alqawarang

⁶ leendang tun wa na zhire ɓu̱ ɗyiku nyem saidaki ye nu ɗyine Masiyang mbe nu.

1 Korintiyeku 1:6 ပူးပေါင်းရင်းမြစ်များ

Markus 16:20

Tu̱ nu̱ mburindakwang ɗu̱ tu̱ ku̱s zu̱ labar mbarkandang nu̱ aa fu̱n. Magham a tlu̱nar su̱yen ndu̱ wora. A wut zhire ɓu̱ ɓalarang nu̱ ku̱nshe ɗye saidu ndu̱ ɗye lazham ku nu̱ke a shir mbu̱ waazu ɓalarang. Amin. (Ku̱ shi wanang.)

Tlu̱nar ɓu̱ Pudeku 11:17

Yang nu̱ke Magham wa vu̱r ye wor ba wa nu̱ vu̱rki yerem sarchi nyem maitaki Zhinerem gwaanji Yesu Masiyang, nga ki ɗo, nu̱ke ngga nggu̱tlki Maghamang?”

Tlu̱nar ɓu̱ Pudeku 11:21

Nu̱ke zalale ɓu̱ Zhinerem gwaanji a nje su̱yen ndu̱ wora, tu̱ nduki khang maita, tu̱ ɗa gaɓ nu̱ she Zhinerem gwaanji.

Tlu̱nar ɓu̱ Pudeku 18:5

Sarchi nu̱ Sila ndu̱ Timoti a jiiki ku Makidoniya, tu̱ Bulus vu̱r sarchi ɓaran kap ye waazu, a wutan ye Yakhudeku za shwat Yesu ke Masiya.

Tlu̱nar ɓu̱ Pudeku 20:21

Nga wu Yakhudeku ndu̱ Gu̱rik ku ku̱ nggoɗ ku mbe solar ɓaanda, ta gaɓ nu̱ she Magham, tu̱ maita Zhinerem gwaanji Yesu.

Tlu̱nar ɓu̱ Pudeku 20:24

Yang nang da nyifi ɓang ma aa nu̱m ɓa, mbu̱ ngga ɗu̱ma woɗa tlu̱nar nu̱ Zhinerem gwaanji Yesu vu̱rki ya nang, nang ke, saida nga Labar Mbarkandi nu̱ mu̱nkir ɓu̱ Magham.

Tlu̱nar ɓu̱ Pudeku 22:18

Tu̱ yita na Yesu a zu̱ran ya za, ‘Ju, to njig Urshalima ɗau, ku̱me ɓu̱ dlu̱ saidu nu̱ke ta ma shiran ku ɗyina ɓa.’

Tlu̱nar ɓu̱ Pudeku 23:11

Nu̱ virkir shiki tu̱ Zhinerem gwaanji ching gha bing ndu̱ Bulus tu̱ ze nda za, “Gu̱n memu̱naro, ku̱me ba wa no saidaki nga mbu̱ ghai Urshalima, to ka saida nga wanang tu̱k mbu̱ ghai Roma.”

Tlu̱nar ɓu̱ Pudeku 28:23

Nu̱ saki sarchi nu̱ke wor ka gamaki tu̱ ɗa ɓa ku ye maa nu̱ zhurki nu̱ nje, yang ɗu̱ ku wor khang maɗyi tu̱ duk nu̱ gumang. Ji dumaari, ma yir mugdi tu̱ ki ɓalar ye wor a saida kwaaɗar ɓu̱ Magham, a wuta dut wor nu̱ she Yesu nu̱ ku̱nshe njiv Taurete ɓu̱ Musa ndu̱ lagarkati ɓu̱ annabikwang.

Romeku 15:19

Nga shi tlu̱nar ɗye saiduku ndu̱ ɗye lazhamku mbe zalale ɓu̱ Jiimbi shakhshakhndi. Nga ji Urshalima tang baara maari kap ma yir Ilirikum nga wopa Labar Mbarkandi ɓu̱ Masiya.

2 Korintiyeku 12:12

Ɗyiku nu̱ wutki puda ɗa ɗye lazhamku ndu̱ ɗye saiduku ndu̱ shir ɗyiku nu̱ke nduk nu̱ su̱n ndu̱ naran ɓa, chele ɓaanu nu̱ke nga shi tlu̱nar ɓang ndu̱ kanaɗyi. Ɗye lazhamku nang wa saida za nga pude nu̱ zhire.

Galatiyeku 3:5

Magham nu̱ vu̱rki Jiimbi ɓaran ye nu, tu̱ shi ɗye lazhamku chele ɓanwang ɗa, shi ku̱me tun a mbu Bibiti mu, yang ku̱me maitar nun shiki sarchi nun tu̱kki ɓalar ɓu̱ Masiya mu?

2 Tasalonikeku 1:10

Ɗyiku nang kap ka ɗal ye sarchi gaɓti ɓaran, nduki shakhshakhndi ka na zhaaji ɓaran, yang nu̱ mbu Yesu ku kap ka shi lazham ku ye fu̱ɗaran su̱yen ndu̱ tunu, nu̱ke tun wa maita saidu nyem shiki.

1 Timoti 2:6

Chin vu̱rki nyifi ɓaran ma dli ɗyin nduki kap. Nang ke saidu nu̱ Magham vu̱rki ye larji mbu̱ sarchi ni.

2 Timoti 1:8

Ku̱me nang, tu̱k na kawar saida Zhinerem gwaanji ɓa, yang tu̱k na kawar ɓang ku̱me wa khiiri nga gha ku̱me chin ɓa. Gonta ma ɗyinonu ndu̱ nga mbe bonye nu̱ke chem a zaran ku̱me Labar mbarkandi nu̱ zalale ɓu̱ Magham nang.

Ɗyin mbu̱ tukari 1:2

Tu̱ saida ɗyiku nyin naki kap. Nang ke zu̱r mbu̱ ru̱kti nu̱ ɗa viki she Magham ndu̱ zhire nu̱ Yesu Masiya wutki yenda.

Ɗyin mbu̱ tukari 1:9

Nga, Yokhana, khatonu ndu̱ mu̱dlonu mbe bonye ndu̱ kwaaɗari ndu̱ kaɗanyi mbe sar memu̱nar nu̱ke ɗya ɓaarem mbe Yesu. Nga ɗyin chenjesi Patu̱mos ku̱me ɓalar ɓu̱ Magham nu̱ saidar Yesu.

Ɗyin mbu̱ tukari 12:11

Tu̱ yang zu̱m du̱mbu̱r ɓaran nu̱ ku̱nshe tom ɓu̱ Ye Gamndang, ndu̱ ɓalar nu̱ saidaki ku, jiwa nu̱ shim nyifi ɓaanda maɗyi nu̱ke ku̱ ku̱na vu̱rtan ɓa, aa ka tlagha kya wora.

Ɗyin mbu̱ tukari 12:17

Tu̱ Su̱tang shi shokhna ndu̱ nokhzang maɗyi, tu̱ ji ma shi nji dakhlar ndu̱ ɓeeni pooni ɓu̱ nokhzang, wor ke, kap nduki nu̱ke a mbu bibiti ɓu̱ Magham, a maita zhire nu̱ Yesu wutki nang.

Ɗyin mbu̱ tukari 19:10

Tang nggu̱ɗ nu̱ gume nda ma ghar ghai yenda, tu̱ yang zu̱ ya za, “Shi na ɓa! Nga mu̱dlo maava, su̱yen ndu̱ nyeezorku, nu̱ke a saida zhire nu̱ Yesu wutki. To ka gharkya ghai ye Magham!” Ku̱me zhire nu̱ Yesu wutki vu̱rki zalale zu̱r ɓalar nu̱ ɗa viki she Magham.

Ɗyin mbu̱ tukari 6:9

Nu̱ Ye gamndang qu̱nki liɓaran nu̱ qurmundanang, su̱ du̱ku̱lang tang na nyifi ɓu̱ nduki nu̱ tlaghaki wor nu̱gha ku̱me wa wopa ɓalar ɓu̱ Magham ku nu̱ saidu zhire nu̱ chingki nu̱ ɗyinan ku.