1 Korintiyeku 1:2 - Mewar Alqawarang

² Ma yir she tabar ɓu̱ nu̱ mbu Magham ku nu̱ke a mbu̱ ghai Koranti. Tun nu̱ qaki nu ma ku̱ kha nu wakaran mbe Yesu Masiya Zhinerem gwaanji ndu̱ Zhinkir ɓaanu gwaanji tu̱k.

1 Korintiyeku 1:2 ပူးပေါင်းရင်းမြစ်များ

Tlu̱nar ɓu̱ Pudeku 10:36

Tun wa zu̱n labar nu̱ Magham ru̱kki ye nduki nu̱ Israila, nu̱ zu̱ki Labar Mbarkandi nu̱ qaandi memu̱nar nu̱ ku̱nshe Yesu Masiya chin ke Zhinkir ɓu̱ aaki.

Tlu̱nar ɓu̱ Pudeku 15:9

Nu̱ shakh chele ɓaarem ndu̱ wor ɓa, ku̱me wa sa memu̱na wor tu̱ kha shakhshakh nu̱ ku̱nshe maitar Yesu nu̱ shiki ku.

Tlu̱nar ɓu̱ Pudeku 18:1

Qu̱rse nang tu̱ Bulus njig ghai Atina tu̱ gaɓ nu̱ Koranti.

Tlu̱nar ɓu̱ Pudeku 22:16

Yang ta bu kya nu̱ma? Ju tu̱ shi baptisme yoro tu̱ shiɓ solar ɓa yor nu̱ gha nu̱ ku̱nshe qar dlu̱m Zhinerem gwaanji.’

Tlu̱nar ɓu̱ Pudeku 26:18

To ka qu̱n yiti wor tu̱ vi ɓar mbu̱ zhum maari ta gaɓku nu̱ mbe yarangi, ka njig kwaaɗar ɓu̱ Sheɗan tu̱ ɗa ɓa ku she Magham. Shir wanang ka sa tu̱ yaapa solar ku ɓaanda ye wora, tu̱ gwa me shakhti ɗye mbu̱ ge su̱yen ndu̱ nduki nu̱ wakaki vaanda ku̱me wa maita ku.’

Tlu̱nar ɓu̱ Pudeku 9:13

Tu̱ yang Khananiya tlogha za, “Zhinkir gwaanji, nga tu̱k labar ɓu̱ khuski nang she nduki khang ndu̱ pooni mu̱nar nu̱ shiki ye nu̱ mburoku Urshalima.

Tlu̱nar ɓu̱ Pudeku 9:14

Wonji gorkir ɓu̱ kurukwang wa vu̱r zalale yenda ku̱ ku̱s aa nyi nduk nu̱ka shiki barar mbu̱ dlu̱moro.”

Tlu̱nar ɓu̱ Pudeku 9:21

Kap nduki nu̱ tu̱kki nda tu̱ shi lazham ku a zu̱ran za, “Woɗye nang ke njif nu̱ tlaghaki tu̱ lakhta nduki nu̱ke a barar mbu̱ dlu̱m Yesu Urshalima ɓa goma? A ɓa fan ma ku̱skya wora ku̱ ɗu̱ ndu̱ wor ye kuruku rututundang de?”

Romeku 1:7

Nga bu̱laran ye nu kap ɓaanu nu̱ke tun a Roma, tun nu̱ke Magham a ndolaran, tu̱ qa nu ma ku̱ kha nu ma khalandi ɓaran. Ku̱ mu̱nkir ndu̱ qaandi memu̱nar she Magham Zhinerem ndu̱ Zhinerem gwaanji Yesu Masiya kha gha su̱yen ndu̱ tunu.

Romeku 10:12

Jiwa nu̱ shakh chele ɓu̱ Yakhudeku ndu̱ nduki nu̱ke ɗya Yakhudeku ɓa nu̱ gha ɓa. Zhinkir gwaanji nang, ke Zhinkir gwaanji ɓu̱ aaki, chin ke nu̱ vu̱r barke khangndi ye kap nduki nu̱ ka ghoki yenda.

Romeku 3:22

Chin dambi nu̱ka ɓa ki she Magham nang, nduki nu̱ maitaki kap ka gwa nu̱ ku̱nshe maito mbe Yesu Masiya. Nduk a nje nu̱ khaki zum ɓa,

Romeku 8:28

Chem wa zu̱n nu̱ ɗyine mbu̱ aa nu̱m kap Magham wa ka tlu̱na ɗyi mbarkandi ye nduki nu̱ke a ndola nda, nang ke nduki nu̱ qaki ma ku̱ shi shimndi ɓaran.

1 Korintiyeku 1:30

Magham saki ku̱ khanu nu̱ mbe Masiya Yesu, chin saki tu̱ Masiya kha chin ke kaɗari ɓaarem. Chem gwa dlu̱r she Magham, chem kha ma nduki ɓaran wakakandi chem lawa me khar maavi ɓu̱ sola nu̱ ku̱nshe nda.

1 Korintiyeku 10:32

Ku̱ sa nu Yakhudeku, aa nduki nu̱ke ɗya Yakhudeku ɓa ndu̱ tabar ɓu̱ nu̱ mbu Yesu ku tu̱ shi sola ɓa.

1 Korintiyeku 12:27

Yang zu̱n ma, tun nang kap tun ke man var Masiya, yang aa nyi da chele ɓaanu ɗya me bar ɓaran.

1 Korintiyeku 8:6

yang kap ndu̱ nang, ɓaarem she rem, Magham kaada. Chin ke Zhinkir nu̱ke aa nu̱m a ɓa she nda, chem kha ndu̱ nyifiri ku̱me chin, Zhinerem gwaanji kaada tu̱k, chin Yesu Masiya, chin nu̱ke aa nu̱m a vi nu̱ ku̱nshe nda, chem a shikya khar ɓaran.

2 Korintiyeku 1:1

Lagarkati nang, a vi she Bulus pude ɓu̱ Masiya Yesu mbu̱ barke ɓu̱ Magham, ndu̱ mu̱dlerem Timoti. Ma yir she tabar ɓu̱ nu̱ mbu Magham nu̱ke a Koranti, kom ndu̱ daatiku ɓu̱ Magham nu̱ke a mbu̱ maa Akaya kap.

2 Korintiyeku 4:5

Chem a shikya waazu ɓu̱ ɗyinerem ɓa, chem a shikya waazu ɓu̱ Yesu Masiya, nu̱ ɗyine chin ke Zhinkir gwaanji, chem a khar wa maaviku ɓaanu ku̱me Yesu.

Galatiyeku 1:2

Nyeezerem nu̱ke a su̱yen ndu̱ nga fan, kap a qaandi ye tabar ɓu̱ nu̱ mbu Yesu ku nu̱ke a Galatiya.

Afiseku 5:26

Ma ku̱ vu̱r nji nda shakhshakh ye Magham nu̱ ku̱nshe ɓalar ɓaran qu̱rse wa gaɓ ndu̱ chin tu̱ kha shakhshakh nu̱ ku̱nshe shiɓti nda nu̱ gha nu̱ shiki ndu̱ ɗyimi.

1 Tasalonikeku 1:1

Lagarkati nang a vi she Bulus, ndu̱ Sila, ndu̱ Timoti. Ma yir she tabar ɓu̱ nu̱ mbu Yesu ku nu̱ke a Tasalonika, nu̱ maitaki Magham Zhinki ndu̱ Zhinerem gwaanji Yesu Masiya. Bu ku̱ mu̱nkir ndu̱ qaandi memu̱nar ɓu̱ Magham kha gha su̱yen ndu̱ tunu.

1 Tasalonikeku 4:7

Nu̱ Magham qa rem ma ku̱ kha mi ma nu̱ zopku ɓa, qa rem ma ku̱ kha mi shakhshakh.

2 Tasalonikeku 1:1

Lagarkati nang a vi she Bulus ndu̱ Sila, ndu̱ Timoti, ma yir she tabar ɓu̱ nu̱ mbu Yesu ku nu̱ke a Tasalonika, wor nu̱ke ɗya ɓu̱ Magham Zhinkir ɓaarem ndu̱ Zhinerem gwaanji Yesu Masiya.

1 Timoti 2:8

Nga shim aakochi ku̱ khuzuku aa fu̱n ghar khar wor shakhshakhndi nu̱ viɗi a bararku waare shokhnar ndu̱ keele.

1 Timoti 3:15

Mbu̱ yang wa khubti nga nu̱ gha ku, wa shipa ku̱ zu̱n na ɗyi nu̱ shipaki ku̱ nduki shi mbu̱ rafti ɓu̱ Magham. Nu̱ke nang ke tabar ɓu̱ nduki ɓu̱ Magham nu̱ nyifiri, yang chin ke zaure ndu̱ dlu̱dlarsi zhire tu̱k.

2 Timoti 1:9

Magham ɗanaki rem, tu̱ qa rem ma ku̱ kha mi shakhshakh. Nu̱ qa rem ku̱me tlu̱nar nyem shiki ɓa, qa rem ku̱me shimndi ɓaran ndu̱ mu̱nkir ɓaran. Vu̱r mu̱nkir ɓaranang yerem nu̱ ku̱nshe Masiya Yesu me ku̱ du̱ng larji,

2 Timoti 2:19

Yang su̱ du̱ndi du̱mbu̱rkandi nu̱ Magham du̱nkyang, ba a nje shokhku̱rokh ndu̱ yitu̱m nu̱ saki nu̱ ɗyinan. Nu̱ zu̱ki za, “Magham wa zu̱n nduki nu̱ke ɓaran” yang “Kap njif nu̱ke a zu̱ran za chin ɓu̱ Zhinkir gwaanji ku̱ shakh ɗyinan tu̱ kha ɓakh ndu̱ tlu̱nar malkandi.”

2 Timoti 2:22

Ɗo shimndi ɗyiku malkandi ku bam bamndi nu̱ me woi, to sa ɗyinoro ma laɓ dambi ndu̱ maito ndu̱ ndola, ndu̱ qaandi memu̱na, su̱yen ndu̱ nduki nu̱ke a qa Zhinkir gwaanji ndu̱ memu̱nar shakhshakhndi.

Yibraniyeku 10:10

Mbe shimndi ɓu̱ Magham wa gaɓ ndu̱ chem ma nduki ɓaran shakhshakhndi nu̱ ku̱nshe sadke nu̱ Yesu Masiya vu̱rki man varan sar kaada ye kharki.

Yibraniyeku 13:12

Wanang tu̱k Yesu wa za bonye qu̱rse ghayi ma ku̱ gaɓ nu̱ nduki shakhshakh nu̱ ku̱nshe tom ɓaran.

Yibraniyeku 2:11

Jiwa chin nu̱ saki nduki tu̱ kha shakhshakh, ndu̱ wor nu̱ khaki shakhshakhang, zhin wor da. Nang ke ɗyi nu̱ saki Yesu nu̱ka tu̱k kawar zu̱ran za ɗya nyeezanku ɓa.

Yakhuda 1:1

Yakhuda maavi ɓu̱ Yesu Masiya, khachin Yaqub, bu̱la lagarkati nang ma yir she nduki, tun nu̱ Magham qaki, nu̱ke Magham Zhinki a ndolaran, nu̱ke Yesu Masiya a khutloran.

Ɗyin mbu̱ tukari 19:16

Ve lukti ɓaran, ndu̱ ɗyin bolan wa bu̱la dlu̱m nang nu̱ si za: “KUJI ƁU̱ KUJIKU, NDU̱ ZHINKIR ƁU̱ ZHINKIRKU.”