1 Korintiyeku 1:18 - Mewar Alqawarang

¹⁸ Labar mu̱ti ɓu̱ Yesu ɗyin qu̱far kaatlang ɗya ɓalar bamndi she nduki nu̱ saghaki, yang she rem, chem nyem ɗanaki, labar mu̱ti ɓu̱ Yesu ɗyin qu̱far kaatli ɗya zalale ɓu̱ Magham.

1 Korintiyeku 1:18 ပူးပေါင်းရင်းမြစ်များ

Tlu̱nar ɓu̱ Pudeku 13:41

‘Nggu̱t ma, tun nu̱ ɓalar ndu̱mndi! Shi ma lazham, tun mu̱ɗi! Ku̱me nga ma tlu̱nar nggur mbu̱ qaandi virkirku ɓaanu, tlu̱nar nu̱ke aa nduk wa ze nu, tun ɓu̱ maita ɓa.’ ”

Tlu̱nar ɓu̱ Pudeku 17:18

Wanang tu̱k, tu̱ Abikuriyeku ndu̱ Su̱tokiyeku nu̱ shiki zu̱ndi shi keele ndu̱ chin. Tu̱ ɓeenan chele ɓaanda zu̱ za, “Woɗye nu̱ khang ɓalar nang a zu̱kya nu̱ma?” Ɓeenan za, “Ba wa a shikya waazu ɓu̱ pooni maghamndiku nggur zum nu̱ke a nje khaarem fan ɓa.” Zu̱ wanang ku ku̱me Bulus a zu̱kya Labar Mbarkandi ɓu̱ Yesu, ndu̱ jiiri mbe mu̱ti.

Tlu̱nar ɓu̱ Pudeku 17:32

Nu̱ tu̱kki ɓalar dar nda nu̱ viɗi mbe mu̱ti tu̱ ɓeenan shi ɓalar ndu̱mndi yenda, yang tu̱ ɓeenan zu̱ za, “Chem a shim tu̱k mi ɗyi nu̱ke to ka zu̱ki ɗyine ɓalar nang tu̱k.”

Tlu̱nar ɓu̱ Pudeku 2:47

A gwar dlu̱m Magham tu̱ guma wor shi paling she nduki kap. Tu̱ Zhinkir gwaanji ki shaata nduki nu̱ gwaki ɗanar ye wor aa nyi fu̱ɗa.

Romeku 1:16

Labar Mbarkandang ɗya ɗye kawa sha ɓa, ku̱me chin ke zalale ɓu̱ Magham nu̱ka vu̱rki ɗanar ye anyi nduk nu̱ maitaki, Yakhudeku ke nu̱ gumapaali, kom ndu̱ nduki nu̱ke ɗya Yakhudeku ɓa.

1 Korintiyeku 1:21

Jiwa Magham mbe kaɗari ɓaran wa sa tu̱ nduki nu̱ larji ku̱na zu̱ndi nda nu̱ ku̱nshe kaɗari ɓaanda. Me ɓu̱ nang, tu̱ dat ku̱ ɗana nji nduki nu̱ maitaki nda nu̱ ku̱nshe Labar mbarkandi nyem wopaki nu̱ke a naran ku wa ɗya me nggu̱bu̱ngang.

1 Korintiyeku 15:2

Tun gwa ɗanar ku̱men, mbu̱ tun wa khuɓ ɓalar nang zu̱ki ye nu mbari, mbu̱ wanang ɓa maito ɓaanu wa kha bam.

1 Korintiyeku 2:14

Njif nu̱ke Jiimba kya zalale ndu̱ chin ɓa, ɓu̱ dlu̱ ɗyiku na viki she Jiimbi shakhshakhndi ɓa, ku̱me a na wa ɗya me nggu̱bu̱ng, yang ɓu̱ gwa mban tu̱k ɓa, ku̱me Jiimbyang ka saki tu̱ nduk gwa mban.

1 Korintiyeku 2:2

Ku̱me nga da ye memu̱nara nu̱ ɗyine mbu̱ khar ɓang ndu̱ tunu kap, ngam ɓu̱ shoga ɗyi nggur ye nu ɓa kope ɓalar ɓu̱ Yesu Masiya, yang nu̱ shi wa katli nda gha nu̱ shikya ɓa.

1 Korintiyeku 3:19

Me ghu̱rti ɓu̱ larji nang ɗya me nggu̱bu̱ng she Magham, ku̱me a nje bu̱laran za, “Wa ka ku̱s nu̱ ghu̱rti ku mbe shaandi ɓaanda.”

1 Korintiyeku 4:10

Chem wa kha ma nggu̱bu̱ngku ku̱me Masiya, yang ɓaanu tun ghu̱rtan mbe Masiya! Chem khukhutan, yang ɓaanu tun shokhku̱rokh! Nduki a na zhaaji ɓaanu, yang ɓaarem a vu̱rkya bonye yerem!

2 Korintiyeku 10:4

Jiwa ɗye dakhlar ku ɓaarem ɗya pooni ɓu̱ larji nang ɓa, zalale ɓu̱ Magham a nje si, chem wa ka shi boote si chem su̱bu̱r ɗye dakhlar ku malkandi ɓu̱ nu̱ zhangndiku ɓaarem nu̱ka kanggaki var wor si.

2 Korintiyeku 4:3

Mbu̱ Labar mbarkandi nu̱ke chem a woparan nang wa kha tukaran, kha tukaran ye nduki nu̱ke a ɗyin njiv su̱yari.

1 Tasalonikeku 1:5

ku̱me Labar mbarkandi nyem a ɓa ki su̱ ye nu. Nu̱ ɗa ɓa ye nu mbe ɓala ɗyenda ɓa, aa ɓa ye nu ndu̱ zalala, ndu̱ Jiimbi shakhshakhndi ndu̱ zhire nyelkandi shwat. Tun wa zu̱n pooni khar nyem shiki chele ɓaanu ma ku̱ gwa nu boote ni.

2 Tasalonikeku 2:10

Ka shi lambar maatlindi ye nduki nu̱ke a ve njiv su̱yari, ku̱me wa zhang ndola zhire gha ma ku̱ gwa ɗanar ku.

Yibraniyeku 12:2

Ghar mi yiterem nu̱ she Yesu nu̱ke chin ke dlu̱dlarsi maito ɓaarem, chin ka saki tu̱ maito ɓaarem kha nyeedlan. Chin nu̱ke ku̱me ɓong memu̱nar nu̱ saki nu̱ gume nda, tu̱ gu̱n memu̱naran ndu̱ kaatli nu̱ katlki nda gha ɗyine qu̱far kaatlang nu̱ da nang ma ɗye kawa ɓa. Yang leendang a nje kharan ɗyin bu̱n zu̱ma ɓu̱ zhakhɗye kwaaɗar ɓu̱ Magham.

Yibraniyeku 4:12

Ɓalar ɓu̱ Magham nyifi si yang a tlu̱na shwat, me nang nyamnyam wa duk aa nyi kaskar nu̱ke men rap. Wa ka vi nu̱ mbe nduku, tu̱ mber chele ɓu̱ jiimbi nduku ndu̱ nyifiri ɓaran, tu̱ vi chele ɓu̱ mebarku ndu̱ ɓolgo. Wa ka kuma kwaari ɓu̱ nduku ndu̱ ɗyi nu̱ ku̱rki mbu̱ memu̱naran.