1 Korintiyeku 1:14 - Mewar Alqawarang

¹⁴ Nga kuna Magham nu̱ke nang shi baptisme ye aaki chele ɓaanu ɓa, kope Ku̱rispus ndu̱ Gayus.

1 Korintiyeku 1:14 ပူးပေါင်းရင်းမြစ်များ

Tlu̱nar ɓu̱ Pudeku 10:48

Tu̱ Biturus sa za ku̱ shi baptisme ye wor mbu̱ dlu̱m Yesu Masiya. Kom tu̱ khuɗ Biturus ku za ku̱ kha gha su̱yen ndu̱ wor me qaandi virkir koɗom dong.

Tlu̱nar ɓu̱ Pudeku 18:8

Tu̱ Ku̱rispus, dle gume ɓu̱ kib tabarang maita Zhinerem gwaanji, chin ndu̱ nduki nu̱ mbu̱ rafti ɓaran kap. Tu̱ nduki Koranti khang tu̱k ɓalar ɓu̱ Bulus tu̱ maita, tu̱ shi baptisme ye wora.

Romeku 16:23

Gayus, ndu̱ me mu̱nkir ɓaran nu̱ke nga ndu̱ kap tabar ɓu̱ nu̱ mbu Yesu ku chem zu̱mki boote ni, a zoɓa qaandi ye nu. Erastus nu̱ du̱ngndi mu̱zhindi ɓu̱ ghayang, ndu̱ mu̱dlerem Kwartus a qaandi ye nu ku.

1 Korintiyeku 1:15

Ku̱me nang nduk a nje nu̱ke ka zu̱ki za wa shi baptisme yenda mbu̱ dlu̱ma ɓa.

1 Korintiyeku 1:4

Nga kuna Magham aakochi ku̱me mu̱nkir nu̱ vu̱rki ye nu nu̱ ku̱nshe Masiya Yesu.

1 Korintiyeku 14:18

Nga kuna Magham ku̱me nga ka shi ɓalar mbu̱ ghiindiku tu̱ duk ɓu̱ aaki chele ɓaanu.

2 Korintiyeku 2:14

Nga kuna Magham, chin nu̱ka khaki nu̱ gume rem aakochi chem a ra wute mbe Masiya. A boote ndu̱ chem ma ɗyem chem a wopa Labar mbarkandi ɓu̱ Masiya aa fu̱n wa ɗye zhi mu̱nkandi nu̱ zhiran dlu̱ki aa fu̱n.

Afiseku 5:20

Tun ki kuna Magham Zhinki mbu̱ dlu̱m Zhinerem gwaanji Yesu Masiya aakochi mbu̱ anyi tunu.

Kolosiyeku 3:15

Qaandi memu̱nar nu̱ Masiya ka vu̱rki ma ku̱ mbu ndu̱ tun mbe ɗyi nu̱ke tun a ma shiran kap, jiwa Magham qa nun mbu̱ man var da ku̱me qaandi memu̱nar nang, tun kha ma nu̱ kunar Magham aakochi.

Kolosiyeku 3:17

Mbu̱ ɗyi nu̱ke tun a shiran kap, aa mbe ɓala aa tlu̱na, tun shir nda mbu̱ dlu̱m Zhinerem gwaanji Yesu, tun a kuna Magham Zhinki nu̱ ku̱nshe nda.

1 Tasalonikeku 5:18

Tun kuna Magham mbe aa nyi tunu, ku̱me nang ke shimndi ɓu̱ Magham ye nu mbe Masiya Yesu.

1 Timoti 1:12

Nu̱ke Masiya Yesu Zhinerem gwaanji wa vu̱r du̱mbu̱r ya, nga kuna nda ku̱me nu̱ naki nga ma nu̱ zhire tu̱ daati nga ma shi nga tlu̱nar yenda.

Filimon 1:4

Nga ka kuna Magham ku̱me to aakochi sarchi nu̱ke nga bararku ɓanga.