1 Biturus 5:8 - Mewar Alqawarang

⁸ Ku̱s ma vaanu ye yen, tun kha daasaran. Wonji nu̱ zhangndi ɓaanu Sheɗan a paɗari, a quri wa mu̱zamndi, a laɓ njif nu̱ke chin ka njerki nu̱ gha ma njiiran.

1 Biturus 5:8 ပူးပေါင်းရင်းမြစ်များ

Matta 13:39

Nu̱ zhangndi nu̱ kaɓki gululang ɗya sheɗan. Sarchi ku̱mndang ɗya lauɗarsi larji nu̱ ku̱mndikwang ɗya nu̱ ru̱kti ku ɓu̱ Magham.

Matta 24:42

“Ku̱me nang, tun kha daasaran, ku̱me nun zu̱n fu̱ɗar nu̱ke Zhinonu gwaanji kaɗa ɓa ki ɓa.

Matta 25:41

“Kom ka ze nduki nu̱ ɗyin bu̱n gu̱ɗawang za, ‘Ɗu̱ma ya ɓar fan, tun nu̱ miiki barke ɓaanu, vima nu̱ mbu̱ ɓai nu̱ke nu̱ka shi piita ɓa yang tu̱b su̱ ɓa, nu̱ daasaki ye sheɗan ndu̱ nu̱ ru̱ktiku ɓaran.

Matta 4:1

Kom tu̱ Jiimbi shakhshakhndi mbu nu̱ Yesu tu̱ ndu̱ mbu̱ gaari ma ku̱ Sheɗan a buuri nda.

Matta 4:11

Kom tu̱ Sheɗan njigti nda, tu̱ nu̱ ru̱ktiku ɓu̱ Magham a ɓa tu̱ shi shaatar yenda.

Markus 4:15

ye pooni nu̱ ku̱ɗbaki nu̱ ɗyin njiva a khar wa ndukiku nu̱ tu̱kki ɓalar ɓu̱ Magham, yang ba nu̱ tu̱kki ku, tu̱ Sheɗan a ɓa tu̱ da ɓalarang ɓar mbu̱ memu̱na wora.

Luka 21:34

“Tun ku̱s va nu ye yen, ku̱me ku̱ khang kwaari ndu̱ zu̱mndi ndu̱ zari ndu̱ me kuya ndu̱ damtarku nu̱ mbu̱ larji nang nyigla nu ɓa. Ma ku̱ fu̱ɗar nang ɓa ruuma nu ruuma wa shaanggir ɓa,

Luka 21:36

Tun kha daasaran ɗo, tun a barar aakochi ku̱me gwa nu du̱mbu̱r lawar mbe ɗyiku nu̱ke a ma shir nang, tun ɗu̱ma chingndi gha gume Yi ɓu̱ Nduk tu̱k.”

Luka 22:31

Tu̱ Zhinerem gwaanji zu̱ za, “Siman, Siman, nggu̱t ka, Sheɗan wa khuɗ ku̱ gwaanji nu chin zhaaror nu ɓar wa ye gawa.

Yokhana 8:44

Tun ɓu̱ zhinonu Sheɗan, yang tun a shim shir ɗyi nu̱ke a shiran tu̱k. Ɗya nu̱ tlaghar mu̱ɗi gumapaali yang nu̱ damta ndu̱ zhire ɓa, ku̱me zhire nje mbe nda ɓa. Mbu̱ wa kota wollo aakochi a shikya me ghai ɓaran, ku̱me ɗya nu̱ kotama, zhinkir ɓu̱ wollo.

2 Korintiyeku 2:11

ma ku̱ Sheɗan gwa ma lamba rem ɓa, nu̱ke chem wa zu̱n ɗye shir ɓaranang.

Afiseku 4:27

Yang ku̱ vu̱r nu zalale nggur ye Sheɗan ɓa.

Afiseku 6:11

Da ma aa nyi ɗye dakhlar ɓu̱ Magham nu̱ kha nu ma ku̱ gwa nu tun ching gha shaanggu̱ɗang tun shi kare ndu̱ ghu̱rtiku ɓu̱ Sheɗan.

1 Timoti 2:15

Yang kap ndu̱ nang ka ɗana nusuku nu̱ ku̱nshe khar qusongga, mbu̱ wa zu̱m guma mbu̱ maito ndu̱ ndola ndu̱ khar shakhshakhndi, ndu̱ ku̱si ɗyin.

1 Timoti 2:9

Wanang tu̱k, nga shim ku̱ nusuku shi viri nu̱ shipaki, tu̱ sa ɗye sarku nu̱ shipaki, ku̱ shi khang sar ɗyiku ye dlebtiku ɓa, ndu̱ sar ɗye ginarwe, ndu̱ ndogdiku nu̱ zhaaji, ndu̱ ɗye sarku nu̱ me mu̱zhindi ɓa.

1 Timoti 3:11

Ku̱ nusuki ɓaanda tu̱k kha ndu̱ zhaaji, ku̱ kha ma nu̱ gu̱ndi virki ku ɓa, ku̱ ku̱s vaanda tu̱ shi zhire mbe ɗyi nu̱ke a shiran ku kap.

1 Timoti 3:2

Ku̱ dle guma kha waare zop gume nduki, nokhzan da, ku̱ kha ɗya njif nu̱ke varan buran, ɗyinan ku̱san, nduk mbarkandi, nu̱ dlu̱r runggiku, njif nu̱ke ka ɗu̱maki shogar ye nduki maɗyi.

2 Timoti 4:17

Yang Zhinkir gwaanji a nje su̱yen ndu̱ nga tu̱ pa du̱mbu̱r ya, ku̱me ɓalar ɓu̱ Magham nang ku̱ gwa wopar maɗyi ma ku̱ nduki nu̱ke ɗya Yakhudeku ɓa tu̱kki. Wa lawa nga ɓar mbu̱ me mu̱zamndi.

Titus 1:8

Me ɓu̱ nang ku̱ kha ma nu̱ dlu̱r runggiku, nu̱ shimndi shir ɗyi mbarkandi, njif nu̱ke ɗyinan ku̱san maɗyi, njif nu̱ke chingndan ɗyine zhire, njif nu̱ke shakhshakh, njif nu̱ke wuran.

Titus 2:12

Mu̱nkir nang a shogaran yerem za, ku̱ zhang mi ɗye shir ku nu̱ke ɗya ɓu̱ Magham ɓa, ndu̱ shimndi ɗyiku nu̱ larji gha, chem ku̱s ɗyinerem, chem kha ma nu̱ dambi, ndu̱ pooni ɗye shir ɓu̱ Magham mbu̱ larji nang.

Titus 2:2

To shoga ye ku̱mandiku ku̱ kha ma nu̱ lusar memu̱na, ku̱ kha ma ku̱mandiku nu̱ke nduk ka naki zhaaji ɓaanda, nu̱ ku̱si ɗyin ku, ku̱ ching gha mbar mbe maito, mbe ndola ndu̱ gu̱ndi memu̱na.

Titus 2:4

ma ku̱ shoga ye nusuki pichichindi ku̱ ndola zhime nda ndu̱ qusonggi ɓaanda.

Titus 2:6

Wanang tu̱k to pa du̱mbu̱r ye nyakhtlirku ku̱ kha ma nu̱ ku̱si ɗyin ku.

Yaqub 4:7

Ku̱me nang tun vu̱r ɗyinonu guma da ye Magham. Zhang ma Sheɗan, ka ɗa varan.

1 Biturus 1:13

Ku̱me nang tun daasa memu̱na nu ma tlu̱nari, tun ku̱s vaanu yeyen, tun sa memu̱na nun ve mu̱nkir nu̱ke a ma vu̱rtan ye nu ye fu̱ɗar nu̱ke Yesu Masiya ka ɗa gaɓki.

1 Biturus 4:7

Lauɗarsi aa nu̱m wa shi bing. Ku̱me nang shi ma nggu̱ti mbari, tun ku̱r vaanu. Ku̱me ku̱ ɗu̱ma nu tun shi barari.

Ɗyin mbu̱ tukari 12:10

Tang tu̱k su̱qur ɓalar nggur du̱mbu̱rkandi nu̱ ɗa viki mbu̱ viɗi a zu̱ran za, “Leendangang, ɗanar, ndu̱ zalale ndu̱ kwaaɗar ɓu̱ Maghamndi ɓaarem, ndu̱ zalale ɓu̱ Masiya ɓaran a ɓa. Jiwa nu̱ dar zhaano ɓu̱ nyeezeremang, chin nu̱ka daki zhaano ɓaanda nu̱ gume Maghamndi ɓaarem virkir ndu̱ fu̱ɗarang a chiura nda nu̱ yaghai.

Ɗyin mbu̱ tukari 12:12

Ku̱me nang shi ma kashari, tun mbu̱ viɗku ndu̱ wor nu̱ke a nje kharan mban kap! Yang larji ndu̱ ɗyim chitndi ku tun ɗye zhiyaye! Jiwa Nu̱ Mu̱narang a zhur nu̱ she nu, yang nyeedlan ndu̱ shokhnar ku̱me wa zu̱n nu̱ ɗyine sarchi ɓaran wa shi bing!”

Ɗyin mbu̱ tukari 12:9

Tu̱ ɗa chiura mbukti ndu̱ Su̱ti gwaanjang nu̱ yaghai, chin ke, geema su̱ti nu̱ zhu, nu̱ ka qaki nda za Nu̱ mu̱na, ko Sheɗan, chin lambaki larji kap. Tu̱ ɗa chiura nda nu̱ yaghai mbu̱ larji su̱yen ndu̱ nu̱ ru̱ktiku ɓaran.

Ɗyin mbu̱ tukari 20:10

Yang chin Nu̱ Mu̱nar nu̱ lambaki worang, tu̱ mbukti nda nu̱ mbu̱ giɗim ɓai gu̱rgu̱rndi nu̱ ɓai solfa, ye maa nu̱ mbukki dlu gaari nang nu̱ mban su̱yen ndu̱ annabi kotame nang. Ka za bonyeku fara virkir ndu̱ fu̱ɗari, aakochi koɗokhsi ɓa.

Ɗyin mbu̱ tukari 20:2

Tu̱ ku̱s geema su̱tang, chin su̱ti nu̱ zhu nang, chin ke nu̱ mu̱narang, ndu̱ Sheɗan tu̱k, tu̱ gu̱n nda gha me sonyi du̱pu.