1 Biturus 5:5 - Mewar Alqawarang

⁵ Wanang tu̱k tun nyakhtlirku, mbu ma zu̱r ɓu̱ nduki nu̱ke a guma ye nu kap ɓaanu. Wut ma katar ɗyin ye yen, jiwa a nje bu̱laran za, “Magham wa zhang nu̱ gwaari ɗyin, yang wa ka shi mu̱nkir ye nu katar ɗyin.”

1 Biturus 5:5 ပူးပေါင်းရင်းမြစ်များ

Luka 22:26

Yang ku̱ nang ɗal chele ɓaanu ɓa. Ye nang, bu ku̱ njif nu̱ dukki gwaari chele ɓaanu kha wa woi koɗomma, tu̱ dle gume ɓaanu kha wa maava.

Romeku 12:10

Tun tu̱k khaati ɓu̱ yen ndu̱ pooni ndolar ɓu̱ nu̱ mbu Yesu ku. Tun vu̱r zhaaji ye njif nggur tu̱ duk nu̱ke tun ka vu̱rki ye vaanu.

Romeku 13:14

Me ɓu̱ nang tun da ɗye shir mbarkandi ɓu̱ Zhinerem gwaanji Yesu Masiya, ku̱ mbu nu su̱ ɗye shir ɓu̱ manva ma ku̱ sa nu ma mbu shimndi ɓaran ɓa.

Afiseku 5:21

Vu̱r ma ɗyinonu ye yen mbe sawar Masiya.

Filipiyeku 2:3

Ku̱ shi nu aa nu̱m ndu̱ ndolar ɗyin ndu̱ gwaari ɗyin ɓa, tun kata ɗyinonu nu̱gha. Bu ku̱ aaki gaɓ ndu̱ mu̱dlen wa dukti nda.

Kolosiyeku 3:12

Tun ke nduki ɓu̱ Magham a ndolanu tu̱ daato nu ma ku̱ kha nu ma ɓaran. Ku̱me nang tun ki na zhiyaye ɓu̱ yen, tun a mbarkir ye yen, ndu̱ katar ɗyin ndu̱ ɓu̱tokh memu̱nar ndu̱ gu̱ndi memu̱na.

1 Timoti 5:1

Wu na geema nu̱ shokhna ɓa, to shi ɓalar yenda wa ɗya zhu nu̱ khaki ro. To shi ɓalar ye nyakhtlirku wa nyeezoro,

Yibraniyeku 13:17

Tun mbu su̱qur dlegumeku ɓaanu, tun shi ɗyi nu̱ zu̱ki ye nu ku tu̱k, ku̱me wor kya nggu̱t khar viti ɓaanu wa nduki nu̱ke a ma shiga su̱ ɗyi nu̱ wor tlu̱naki. Tun mbu wor tu̱ tlu̱nar ɓaanda kha ndu̱ kasha, waare taɗar memu̱na, ku̱me taɗar memu̱narang ɓu̱ ɗa ɓa ndu̱ boote nggur ye nu ɓa.

Yaqub 4:6

Yang Magham a nje a shaata mu̱nkir khangndi yerem, nang ke ɗyi nu̱ saki tu̱ bu̱lar Ɓalar ɓu̱ Magham zu̱ za, “Magham wa zhang nu̱ gwaari ɗyin, yang wa ka shi mu̱nkir ye nu̱ ɓu̱tokh memu̱na.”

1 Biturus 3:8

Ye lauɗar san, gonta ma ɗyinonu ye maa da tu̱ kwaari ɓaanu kha da. Tun a na zhiyaye ɓu̱ yen, tun a ndola yen wa khachinkirku, tun a shaata yen gwaari ɗyin su̱ ɓa.

1 Biturus 4:1

Nu̱ke Masiya wa za bonye mbu̱ man va, da ma ɗyin saaran tu̱k. Ai, kap njif nu̱ zaki bonye mbu̱ man va, wa shakh ndu̱ tlu̱nar sola.

1 Biturus 4:5

Yang Magham daasaran ma ku̱ kuma nu̱ nyifi ku ndu̱ nduki nu̱ mu̱tki. Ka shiga su̱ ɗyi nu̱ wor shiki gume nda.