1 Biturus 5:14 - Mewar Alqawarang

¹⁴ Shi ma qaandi ye yen ndu̱ khaapar wuti ndola. Ku̱ qaandi memu̱na kha gha su̱yen ndu̱ tun kap, tun nu̱ke a mbe Masiya.

1 Biturus 5:14 ပူးပေါင်းရင်းမြစ်များ

Matta 5:47

Mbu̱ tun ka shi kya qaandi ye nyeezonu ɗyenda tun duk ɓeena ndukyang ve nu̱ma? Aa nduki nu̱ke ɗya Yakhude ku ɓa wa ka shi wanang.

Yokhana 14:27

“Nga njig kharmu̱ndi ɓang ye nu. Nga vu̱rkya kharmu̱ndi ɓang ye nu. Nang vu̱r ye nu wa nu̱ke larji ka vu̱rki ɓa. Damta nu ɓa, yang tu̱k nu sawa zum ɓa.”

Yokhana 16:33

“Nga zu̱ ɗyiku nang ye nu ku̱me gwa nu qaandi memu̱na mbya. Tun a za bonye mbu̱ larji, yang gu̱n ma memu̱na nu ku̱me nga shi loobo ɗyine larji.”

Yokhana 20:19

Ye fu̱ɗar nu̱ gumapaali mbu̱ qaandi mut (fu̱ɗa Laaji) nu̱ me mugdi, nu̱ mburi nda kwang a nje tabaran ye maa da me viri khiiran ɗyine wora ku̱me a sawa dle gume ɓu̱ Yakhudekwang. Tu̱ Yesu a ɓa tu̱ ching nu̱ chele ɓaanda tu̱ ze wor za, “Gappu̱ramma ku.”

Yokhana 20:26

Qaandi miyasi qu̱rsan, nu̱ mburi nda kwang a nje tabaran ba mbu̱ raftang, yang Toma nje su̱yen ndu̱ wor sarchi nang. Me viri kwang zaran, tu̱ yang Yesu a ɓa tu̱ ching nu̱ chele ɓaanda tu̱ zu̱ za, “Kha ma ndu̱ qaandi memu̱na.”

Romeku 1:7

Nga bu̱laran ye nu kap ɓaanu nu̱ke tun a Roma, tun nu̱ke Magham a ndolaran, tu̱ qa nu ma ku̱ kha nu ma khalandi ɓaran. Ku̱ mu̱nkir ndu̱ qaandi memu̱nar she Magham Zhinerem ndu̱ Zhinerem gwaanji Yesu Masiya kha gha su̱yen ndu̱ tunu.

Romeku 16:16

Tun shi qaandi ye yen ndu̱ khaapar wuti ndolar shakhshakhndi. Tabar ɓu̱ nu̱ mbu Masiya ku kap a qaandi ye nu.

Romeku 8:1

Ku̱me nang, ɓu̱ kuma mu̱ti ye nduki nu̱ke a mbe Masiya Yesu ɓa.

1 Korintiyeku 1:30

Magham saki ku̱ khanu nu̱ mbe Masiya Yesu, chin saki tu̱ Masiya kha chin ke kaɗari ɓaarem. Chem gwa dlu̱r she Magham, chem kha ma nduki ɓaran wakakandi chem lawa me khar maavi ɓu̱ sola nu̱ ku̱nshe nda.

1 Korintiyeku 16:20

Nyeezerem kap a qaandi ye nu. Tun shi qaandi ye yen ndu̱ khaapar wuti ndolar shakhshakhndi.

2 Korintiyeku 13:12

Shi ma qaandi ye yen ndu̱ khaapar wuti ndolar shakhshakhndi.

2 Korintiyeku 5:17

Jiwa mbu̱ nduk a mbe Masiya, ɗya mewar nduku, geema ɗyiku wa peeta, leendang aa nu̱m wa kha mewaran.

Afiseku 6:23

Nyeezaku, ku̱ qaandi memu̱na ndu̱ ndola ndu̱ maito nu̱ ɗa viki she Magham Zhinki ndu̱ Zhinerem gwaanji Yesu Masiya kha gha su̱yen ndu̱ tunu.

1 Tasalonikeku 5:26

Tun shi qaandi ye nyeezerem kap ndu̱ pooni qaandi nu̱ ɗa viki mbe khaapar wuti ndolar shakhshakhndi.

1 Biturus 1:2

Tun ke nduki nu̱ Magham Zhinki datki nu wa nu̱ daasaki, tu̱ gaɓ ndu̱ tun konggol nu̱ ku̱nshe wakar nu̱ Jiimbi shakhshakhndi shiki ye nu. Ɗya shimndi ɓaran ku̱ mbu nu zu̱r ɓu̱ Yesu Masiya, tun gwa boote ni nu̱ Ku̱nshe baatli tom ɓaran. Bu ku̱ Magham boosa nu ndu̱ mu̱nkir ndu̱ qaandi memu̱nari.

3 Yokhana 1:14

Nga sa memu̱nara nu̱ ɗyine ngga na ro ɓu̱ shoɓ ɓa, ma ku̱ shi mi ɓalar ndu̱ yen me ndu̱ me.