1 Biturus 5:12 - Mewar Alqawarang

¹² Nga bu̱la lagarkati koɗommandi nang ye nu ndu̱ shaatar ɓu̱ Sila, nu̱ke nga da nda ɗya khachinkir maitokandi yang nga na wa khu̱l ku̱ qa nga nda nu̱ shir zhire. Nga pa du̱mbu̱r ye nu, wut nga yenu nang ke mu̱nkir ɓu̱ Magham zhirekandi. Ku̱me nang ching man mbe mu̱nkir ɓu̱ Magham nang ndu̱ du̱mbu̱r.

1 Biturus 5:12 ပူးပေါင်းရင်းမြစ်များ

Yokhana 21:21

Nu̱ Biturus naki nda tu̱ zham Yesu za, “Zhinerem gwaanji, njif nang ɗa?”

Tlu̱nar ɓu̱ Pudeku 11:23

Nu̱ ɗu̱ki, tu̱ na mu̱nkir nu̱ Magham shiki ye wora, tu̱ kasha, tu̱ pa du̱mbu̱r ye wor ku̱ ching nu̱ ɗyine maito ɓaanda mbe Zhinerem gwaanji ndu̱ memu̱nar da.

Tlu̱nar ɓu̱ Pudeku 15:22

Tu̱ Pudekwang ndu̱ dlegumeku ndu̱ tabar ɓu̱ nu̱ mbu Yesu kwang kap na wa shipa ku̱ dat nda nduki chele ɓaanda, tu̱ ru̱k wor ma yir Antakiya su̱yen ndu̱ Bulus ndu̱ Barnaba. Tu̱ dat Yakhuda nu̱ka qaki nda Barsaba, su̱yen ndu̱ Sila, nu̱ke ɗya dlegumeku ɓu̱ tabar nu̱ mbu Yesu ku.

Tlu̱nar ɓu̱ Pudeku 20:24

Yang nang da nyifi ɓang ma aa nu̱m ɓa, mbu̱ ngga ɗu̱ma woɗa tlu̱nar nu̱ Zhinerem gwaanji Yesu vu̱rki ya nang, nang ke, saida nga Labar Mbarkandi nu̱ mu̱nkir ɓu̱ Magham.

Romeku 5:2

Chem gwa mu̱nkir nu̱ke chem a mban nang nu̱ ku̱nshe maito ɓaarem. Chem a kashari ku̱me chem wa sa memu̱narem nu̱ ɗyine chem ka gwa zhaaji ɓu̱ Magham.

1 Korintiyeku 15:1

Yang leendang, nyeezaku, nga shim ku̱ kor nga Labar mbarkandi nang zu̱ki ye nwang ye nu, chin labar nun dlu̱ki, tun ching nu̱ ɗyinanang.

2 Korintiyeku 1:19

Jiwa Yi ɓu̱ Magham Yesu Masiya, nu̱ke nga ndu̱ Sila ndu̱ Timoti shiki waazu ɓaran ye nu, ai ɗya, “E” ndu̱ “O'o” ɓa, mbe nda ɗya “E” aakochi.

2 Korintiyeku 1:24

Chem a shimkya wut zalale ɗyine maito ɓaanu ɓa, chem a shikya tlu̱nar su̱yen, ma ku̱ kasha nu, ku̱me tun chingndan ndu̱ du̱mbu̱r mbu̱ maito ɓaanu.

Afiseku 3:3

Nang ke ɗyin mbu̱ tukar nu̱ Magham wutki ya ɗyine shimndi ɓaran tukakandi, ba wa nang bu̱laki ye nu koɗom ɗyinan.

Afiseku 6:21

Tikikus, mu̱dlerem nu̱ke chem a ndolaran, nu̱ shir zhire mbu̱ tlu̱nar ɓu̱ Zhinkir gwaanji, ka zu̱ aa nu̱m ye nu ma ku̱ zu̱n nu ɗyi nu̱ke nga mban ndu̱ ɗyi nu̱ke nga san.

Kolosiyeku 1:7

Apafaras, mu̱dlerem nu̱ke chem a ndolaran a ɓa ki ndu̱ labar mu̱nkir ɓu̱ Magham nang ye nu gumapaali. Chem ndu̱ chin kap chem a khar nu̱ tlu̱nar ku ɓu̱ Masiya. Apafaras ɗya nu̱ shir zhire, a tlu̱nar nang chele ɓaanu me ɓaarem.

Kolosiyeku 4:7

Tikikus ka zu̱ ɗyi nu̱ke nga mban ye nu kap. Ɗya mu̱dlerem nu̱ke chem a ndolaran maɗyi, ɗya nu̱ shir zhire mbu̱ tlu̱nar ɓaran. Nga ndu̱ chin kap chem a shikya tlu̱nar ɓu̱ Zhinkir gwaanji.

Kolosiyeku 4:9

Wonji Onisimus su̱yen ndu̱ chin, ɗya da chele ɓaanu. Ɗya mu̱dlerem nu̱ke chem a shim nda maɗyi, ɗya nu̱ shir zhire tu̱k. Nduki rapndi nang ka zu̱ ɗyi nu̱ke chem a mban ye nu.

1 Tasalonikeku 1:1

Lagarkati nang a vi she Bulus, ndu̱ Sila, ndu̱ Timoti. Ma yir she tabar ɓu̱ nu̱ mbu Yesu ku nu̱ke a Tasalonika, nu̱ maitaki Magham Zhinki ndu̱ Zhinerem gwaanji Yesu Masiya. Bu ku̱ mu̱nkir ndu̱ qaandi memu̱nar ɓu̱ Magham kha gha su̱yen ndu̱ tunu.

2 Tasalonikeku 1:1

Lagarkati nang a vi she Bulus ndu̱ Sila, ndu̱ Timoti, ma yir she tabar ɓu̱ nu̱ mbu Yesu ku nu̱ke a Tasalonika, wor nu̱ke ɗya ɓu̱ Magham Zhinkir ɓaarem ndu̱ Zhinerem gwaanji Yesu Masiya.

Yibraniyeku 13:22

Nyeezaku, Nga khutonu, tun shi kaɗanyi ndu̱ wuro nu nang shiki, ku̱me nang bu̱la ɓalar kirkandi ye nu ɓa ɗo.

1 Biturus 1:13

Ku̱me nang tun daasa memu̱na nu ma tlu̱nari, tun ku̱s vaanu yeyen, tun sa memu̱na nun ve mu̱nkir nu̱ke a ma vu̱rtan ye nu ye fu̱ɗar nu̱ke Yesu Masiya ka ɗa gaɓki.

1 Biturus 4:10

Ku̱ aaki shi boote ndu̱ vu̱rti nu̱ Magham shiki yenda ma shaata yen, ma ku̱ kha nu ma nu̱ du̱ngndi ɗyiku zum zum nu̱ Magham vu̱rki du̱ngdan ye nu mbe mu̱nkir ɓaran.

2 Bitu̱rus 1:12

Ku̱me nang, ngga ki kor ɗyiku nang ye nu, aa nu̱ke tun wa zu̱ni, tun wa kha du̱mbu̱ran maɗyi mbu̱ ɓalar zhire nun dlu̱ki.

2 Bitu̱rus 2:15

Wa njig njiv zhire ku, a mbu njiv ɓu̱ Balaam yi ɓu̱ Beyo. Njif nu̱ka ndolaki tlu̱nar malkandi ma gwa nji ɗye ɓiiran.

3 Yokhana 1:12

Aaki wa zu̱ saidu mbarkandi ɗyine Dimitiriyus, zhire ndu̱ ɗyinan wa saida nda. Aa chem ma chem wa saida nda, yang ta zu̱n nu̱ ɗyine saidu ɓaaremang ɗya zhire.

Yakhuda 1:3

Raptaku nu̱ke nga ndolaran, aa nu̱ke nga kasha bu̱laran ye nu ɗyine ɗanar ɓaarem nang. Yang qu̱rsan tang na wa ku̱s ku̱ bu̱la nga ye nu tang khutonu ku̱ shi nu wute maɗyi, ku̱me ɓalar maito ɓaarem nu̱ Magham saki nu̱ mbu̱ khar nu̱ mburi nda ku, sar kaada ye kharki.