1 Biturus 4:16 - Mewar Alqawarang

¹⁶ Mbu̱ yang nduk wa za bonye ku̱me Ku̱rista, ku̱ tu̱k kawaran ɓa, ku̱ gor dlu̱m Magham ku̱me wa da nda nu̱ mbu̱ nu̱ mbu Masiya.

1 Biturus 4:16 ပူးပေါင်းရင်းမြစ်များ

Tlu̱nar ɓu̱ Pudeku 11:26

Nu̱ ɗa gwaki nda, tu̱ ɗa ɓa ndu̱ chin Antakiya. Tu̱ shi sonyi da ku su̱yen a shogar ye tabar ɓu̱ nu̱ mbu Yesu ku khang. Nggaasi qa nu̱ mbu Yesu ku za “Ku̱rista” mbu̱ ghai Antakiya.

Tlu̱nar ɓu̱ Pudeku 26:28

Tu̱ Agu̱ripa tlogha ye Bulus za, “Na ta ma gaɓ ndu̱ nga ma Ku̱rista mbu̱ sarchi koɗommandi nang mu?”

Tlu̱nar ɓu̱ Pudeku 28:22

Yang chem a shim tu̱k mi nu̱ khaaro, ɗyi nyem zu̱nki ɗyenda chin ke mewar shogar nang aakya zu̱ malkandi nu̱ ɗyinan.”

Tlu̱nar ɓu̱ Pudeku 5:41

Tu̱ Pudekwang njig maa tabar dle gume ɓu̱ Yakhudekwang a kashar ku ku̱me nduki wa na wor wa khu̱l ku̱ za nda bonye ku̱me dlu̱m Yesu.

Filipiyeku 1:20

Nga kashari, nga sa memu̱nara nu̱ ɗyine ku̱ ɗa ɓa nga ndu̱ ɗye kawa mbe tlu̱nar ɓu̱ Zhinerem gwaanji ɓa, yang gwa nga du̱mbu̱r tang shi ɓalar ɓang sawa su̱ ɓa. Ku̱me leendang ba wa nu̱ sotndi ku̱ Masiya gwa zhaaji sha, aa nga nje ndu̱ nyifiri aa nga mu̱ɗi.

Filipiyeku 1:29

Ku̱me mu̱nkir nu̱ shiki ye nwang, nu̱ shi ma ku̱ maita nu Masiya ɗyenda ɓa, shi ma ku̱ za nu bonye ku̱me chin tu̱k.

2 Timoti 1:12

Nga za bonye ku̱men ba wa nu̱ke nga zaran leendang. Yang kap ndu̱ nang nu̱ kha ya ma ɗye kawa ɓa ku̱me nga zu̱n njif nang maitaki, nga zu̱n nu̱ ɗyine ka bu ɗyin du̱ngdi nang vu̱rki yenda kap, kope Fu̱ɗar naandang.

Yaqub 2:7

Workya zu̱ ɓalar ndu̱mndi ve dlu̱m nu̱ zhaaji nu̱ zu̱nki nu sang de?

1 Biturus 2:12

Tun kha ndu̱ ɗye shir mbarkandi chele nduki nu̱ke nu̱ zu̱n Magham ku ɓa. Shir wanang ka sa tu̱ ɓa vu̱r zhaaji ye Magham ye sarchi ɓar ɓaran, ku̱me tlu̱nar ɓaanu mbarkandi, aa nu̱ke wa ka da zhaano ku ɓaanu.

1 Biturus 4:11

Njif nu̱ke vu̱rti ɓaran ɗya nu̱ waazu, ku̱ shi waazwang wa Magham ndu̱ ɗyinan kya ɓalarang nu̱ ku̱nshe nda. Mbu̱ yang vu̱rti ɓaran ɗya nu̱ tlu̱nar ye nduku, ku̱ ki tlu̱nar nang ndu̱ du̱mbu̱r nu̱ Magham vu̱rki yenda kap. Shi ma wanang ma ku̱ vu̱r nu gorkir ye Magham nu̱ ku̱nshe Yesu Masiya. Zhaaji ndu̱ kwaaɗar ɗya ɓaran koɗokhsi ɓa. Amin.

1 Biturus 4:14

Aa pu̱zo nu ku̱me dlu̱m Masiya, ai, tun nu̱ barka, ku̱me Jiimbi nu̱ zhaaji, Jiimbi ɓu̱ Magham kharan su̱yen ndu̱ tunu.

1 Biturus 4:19

Ku̱me nang, nduki nu̱ke a za bonye mbu̱ shimndi ɓu̱ Magham, ku̱ sa nyifi ɓaanda nu̱ mbu̱ khar Magham nu̱ zhire nu̱ du̱ngki wora, kom ku̱ zu̱m guma ku nu̱ shir mbarki.