1 Biturus 4:14 - Mewar Alqawarang

¹⁴ Aa pu̱zo nu ku̱me dlu̱m Masiya, ai, tun nu̱ barka, ku̱me Jiimbi nu̱ zhaaji, Jiimbi ɓu̱ Magham kharan su̱yen ndu̱ tunu.

1 Biturus 4:14 ပူးပေါင်းရင်းမြစ်များ

Matta 5:11

“Barkya ve nu, sarchi nu̱ nduki pu̱zki nu, tu̱ vu̱r bonye ye nu tu̱ kota aa nyi pooni ɗyi malkandi nu̱ ɗyine nu ku̱me nga.

Matta 5:16

Wanang tu̱k, bu ku̱ kha nu ndu̱ yarang gume nduki, ku̱me mbu̱ wa na ɗye shir mbarkandi nu̱ke tun a shiran, ka gor dlu̱m Zhinonu nu̱ke a mbu̱ viɗi.

Luka 6:22

Barke ɓaanu mbu̱ nduki wa zhangndonu, tu̱ pu̱zonu tu̱ komba nu, su̱yen ndu̱ zu̱r malkandi nu̱ ve nu, ku̱me nga Yi ɓu̱ nduku.

Yokhana 15:21

Ka shi ɗyikunang ye nu kap ku̱me dlu̱ma, ku̱me nu̱ zu̱n njif nu̱ ɗa ru̱kki nga ɓa.

Yokhana 8:48

Tu̱ Yakhudekwang tlogha yenda za, “Alapa zhire ɓaarem de nyem zu̱ki nyem za to khuzi Samariya yang ta su̱yen ndu̱ khu̱kheeti tu̱kang?”

Yokhana 9:28

Tu̱ yang pu̱zi nda ku za, “To ke nu̱ mburi nda, ɓaarem chem a mbu kya Musa.

Yokhana 9:34

Tu̱ tlogha yenda ku za, “To nu̱ khaki mbu̱ sola, ta shim shi na shogar yerem mu?” Tu̱ yang komba nda ku.

Tlu̱nar ɓu̱ Pudeku 13:45

Yang nu̱ Yakhudekwang naki nduki wa taba khan tu̱ shi zhiri ni ku maɗyi, tu̱ ki keela ɗyi nu̱ Bulus zu̱kyang a pu̱zi nda ku.

Tlu̱nar ɓu̱ Pudeku 18:6

Tu̱ yang keela ku tu̱ ku̱s pu̱zi nda. Ku̱me nang tu̱ mba lukti ɓaran nu̱gha tu̱ ze wor za, “Ku̱ tom ɓaanu khan ɗyine nu! Zop ɗyina ku̱men ɓa, ji meeni ngga ɗu̱ kya she nduki nu̱ke ɗya Yakhudeku ɓa.”

Tlu̱nar ɓu̱ Pudeku 28:22

Yang chem a shim tu̱k mi nu̱ khaaro, ɗyi nyem zu̱nki ɗyenda chin ke mewar shogar nang aakya zu̱ malkandi nu̱ ɗyinan.”

Tlu̱nar ɓu̱ Pudeku 5:41

Tu̱ Pudekwang njig maa tabar dle gume ɓu̱ Yakhudekwang a kashar ku ku̱me nduki wa na wor wa khu̱l ku̱ za nda bonye ku̱me dlu̱m Yesu.

2 Korintiyeku 12:10

Ku̱me nang nga kasha tu̱ɓti ɓang, ndu̱ gangndi dakhlar ndu̱ bonye ndu̱ kakanshi nu̱ke nduki a shiran ya ku̱me Masiya. Ku̱me nang khaki nu̱ song du̱mbu̱r nang ke maa nu̱ke ngga khaki ndu̱ du̱mbu̱ri.

2 Korintiyeku 4:10

Chem a me mu̱ti aakochi ba wa nu̱ shiki ye Yesu, ma ku̱ wut khar viti ɓu̱ Yesu nu̱ mbu̱ man vaarem nu̱ka mu̱tki nang.

2 Korintiyeku 4:16

Nang ke ɗyi nu̱ saki nyem fet memu̱narem ɓar ɓa. Aa nu̱ke man vaarem nang a su̱bu̱rti, jiimberem a khar mewa aa nyi sarchi.

Galatiyeku 1:24

Tu̱ gor dlu̱m Magham ku ku̱me ɗyi nu̱ shiki nu̱ ku̱n sha.

Yibraniyeku 11:26

Nu̱ke wa sa memu̱naran nu̱ ɗyine ɗye ɓi nu̱ke a guma, tu̱ da bonye nyin zaki ku̱me Masiya ma ɗyi mbarkandi nu̱ dukki gu̱nar nu̱ke a mbu̱ ghai Masar.

Yaqub 1:12

Njif nu̱ gu̱nki memu̱naran mbu̱ bonye ɓaran ɗya nu̱ barka, ku̱me ka gwa ɗye ɓi nu̱ nyifi nu̱ke ɓu̱ shi woɗa ɓa nu̱ Magham shiki alqawaran ye kap nduki nu̱ke a ndola nda.

Yaqub 5:11

Jiwa chem wa da nduki nu̱ gu̱ndi memu̱na ma nu̱ barkeku. Tun wa tu̱k pooni kanaɗyi ɓu̱ Ayuba, tun wa zu̱n barke nu̱ Zhinkir gwaanji shiki yenda ve lauɗar san tu̱k. Ku̱me Zhinkir gwaanji ɗya nu̱ khang mu̱nki nu̱ nar zhiyaye tu̱k.

1 Biturus 2:12

Tun kha ndu̱ ɗye shir mbarkandi chele nduki nu̱ke nu̱ zu̱n Magham ku ɓa. Shir wanang ka sa tu̱ ɓa vu̱r zhaaji ye Magham ye sarchi ɓar ɓaran, ku̱me tlu̱nar ɓaanu mbarkandi, aa nu̱ke wa ka da zhaano ku ɓaanu.

1 Biturus 3:14

Mbu̱ yang tun ka za bonye ku̱me shir ɗyi nu̱ke torop, barkya ve nu. Ku̱me nang “Tu̱k nu sawar ɓu̱ ɗyiku nu̱ke a sawaran ku ɓa, yang ku̱ damta nu ndu̱ wor zum ɓa.”

1 Biturus 3:16

Wanang tu̱k, shi ma aa nu̱m aakochi ndu̱ memu̱nar zhirekandi ku̱me mbu̱ wa zu̱ ɗyi malkandi nu̱ ɗyine nu, nduki nu̱ zu̱kyang ka tu̱k kawa ku̱me ɗye shir mbarkandi ɓaanu mbe Masiya.

1 Biturus 4:16

Mbu̱ yang nduk wa za bonye ku̱me Ku̱rista, ku̱ tu̱k kawaran ɓa, ku̱ gor dlu̱m Magham ku̱me wa da nda nu̱ mbu̱ nu̱ mbu Masiya.

2 Bitu̱rus 2:2

Nduki khang ka mbu njiv ɗye kawar ɓaanda. Ku̱me nang ɓeeni nduki ka ndu̱m njiv zhire.