1 Biturus 4:11 - Mewar Alqawarang

¹¹ Njif nu̱ke vu̱rti ɓaran ɗya nu̱ waazu, ku̱ shi waazwang wa Magham ndu̱ ɗyinan kya ɓalarang nu̱ ku̱nshe nda. Mbu̱ yang vu̱rti ɓaran ɗya nu̱ tlu̱nar ye nduku, ku̱ ki tlu̱nar nang ndu̱ du̱mbu̱r nu̱ Magham vu̱rki yenda kap. Shi ma wanang ma ku̱ vu̱r nu gorkir ye Magham nu̱ ku̱nshe Yesu Masiya. Zhaaji ndu̱ kwaaɗar ɗya ɓaran koɗokhsi ɓa. Amin.

1 Biturus 4:11 ပူးပေါင်းရင်းမြစ်များ

Matta 6:13

Njig na rem chem nggu̱t nu̱ mbu̱ sola ɓa, yang to shakh chele ɓaarem ndu̱ Nu̱ mu̱narang.’

Yokhana 13:31

Gaanje Yakhuda wa vi varan, tu̱ Yesu zu̱ za tu̱k ma, “Nang ke sarchi nu̱ vu̱rki zhaaji ye Yi ɓu̱ nduku, tu̱ vu̱r zhaaji ye Magham nu̱ ku̱nshe nda.”

Tlu̱nar ɓu̱ Pudeku 7:38

Musa nang ke khuski nu̱ tabaki nduki nu̱ Israila nu̱ mbu̱ gaari. Tu̱ kha su̱yen ndu̱ zhikanerem ndu̱ nu̱ ru̱kti ɓu̱ Magham nu̱ shiki ɓalar ndu̱ chin ɗyin Dleng Sinayang chin a dlu̱ki ɓalar nu̱ka vu̱rki nyifiri she Magham ta ɓa si yerem.

Romeku 11:36

Jiwa aa nu̱m a vi she nda, nu̱ ku̱nshe nda, kom ma yir she nda tu̱k. Bu ku̱ zhaaji kha Magham koɗokhsi ɓa. Amin.

Romeku 12:3

Ku̱me mu̱nkir nu̱ shiki ya, nga zu̱ran ye aaki chele ɓaanu: Ku̱ aaki da ɗyinan tu̱ peeta maa nu̱ke a si ɓa. Me ɓu̱ nang ku̱ aaki kuma ɗyinan viɗ ɗyine vu̱rti zhire nu̱ Magham vu̱rki yenda.

Romeku 16:27

Bu ku̱ zhaaji kha Magham, chin nu̱ke chin ɗyenda ke nu̱ kaɗari, nu̱ ku̱nshe Yesu Masiya koɗokhsi ɓa! Amin.

Romeku 3:2

I ɗo, boota su̱ shwat, ve aa nyi njiva! Gumapaali, Magham vu̱r ɓalar ɓaran nu̱ mbu̱ khar Yakhudeku.

1 Korintiyeku 10:31

Kap ɗyi nu̱ke tun a shiran, aa tun a zu̱m tunu, aa tun a zakya tunu, tun shi aa nu̱m ma ku̱ Magham gwa zhaaji mban.

1 Korintiyeku 12:4

Nang ɗo, vu̱rtiku a nje zum zum, yang chin Jiimbyang ɗyenda kya vu̱rtan.

1 Korintiyeku 3:10

Ku̱nshe mu̱nkir nu̱ Magham shiki ya, nga sa saari du̱ndang wa njif nu̱ khaki kwartaran mbe du̱ndi, yang njif nggur a du̱ndi nu̱ ɗyinan. Yang wa ku̱s ku̱ aaki zu̱n pooni du̱ndi nu̱ke chin a shiran nu̱ ɗyinan.

1 Korintiyeku 6:20

Magham masa nu masa, tu̱ ɓi. Ku̱me nang vu̱r ma zhaaji ye Magham ndu̱ man vaanu.

2 Korintiyeku 2:17

Ɓaarem nyem kha wa ɓeeni nduki nu̱ke a wopa Labar Mbarkandang ma gwa tun ɗyinan ɓa. Yang nu̱ke Magham ru̱kki remang, chem a zu̱kya zhire gume nda, ye khar ɓaarem nu̱ tlu̱narku ɓu̱ Masiya.

2 Korintiyeku 9:13

Tlu̱nar nun shiki nang, ka sa nduki tu̱ gor dlu̱m Magham ku̱me tun wa mbu ɗyi nu̱ Labar mbarkandi ɓu̱ Masiya zu̱ki, nu̱ke tun wa maita, kom ndu̱ shaatar nun shiki ye wor ndu̱ ɓeeni nduki kha nu nggaran.

Afiseku 1:19

Nga barar tu̱k rong ma kaani ma ku̱ chem nyem maitaki nda zu̱n nu̱ du̱mbu̱r ɓu̱ zalale ɓaran nu̱ dukki ku̱ nduk buu. Zalale nang ɗya tlu̱nar ɓu̱ zalale ɓaran du̱mbu̱rkandi,

Afiseku 4:29

Ku̱ ɓalar malkandi a vi mbu̱ me nu ɓa, zu̱ ma kya ɗyi nu̱ke ka khaki ndu̱ boota ma ku̱ pa nu du̱mbu̱r ye yen wa nu̱ke a gangndan ku. Shir wanangang ka sa tu̱ ɓalar ɓaanu kha ndu̱ boota ye nduki nu̱ke a tu̱ktan.

Afiseku 5:20

Tun ki kuna Magham Zhinki mbu̱ dlu̱m Zhinerem gwaanji Yesu Masiya aakochi mbu̱ anyi tunu.

Afiseku 6:10

Ye lauɗar san pa ma du̱mbu̱r ye vaanu mbe Zhinkir gwaanji ndu̱ zalale ɓaran du̱mbu̱rkandi.

Filipiyeku 1:11

Nga barari ku̱ khar viti ɓaanu kha nyeedlan ndu̱ tlu̱nar mbarkandi ku nu̱ ka wutki ɗye shir mbarkandi nu̱ke nduk ka gwa poonan she Yesu Masiya ɗyenda ma vu̱r zhaaji ndu̱ khamndi Magham.

Filipiyeku 2:11

Aa nyi ghin ka saida za Yesu Masiya ɗya Zhinerem gwaanji, ma vu̱r zhaaji ye Magham Zhinki.

Kolosiyeku 4:6

Bu ku̱ ɓalar ɓaanu kha ɓu̱tokh, mu̱n ma tu̱ki, yang wa shipa zu̱n nu njiv tloghar su̱ zhamndi nu̱ke nduki ka shiki ye nu.

1 Tasalonikeku 2:4

Ba wa nu̱ Magham naki chem wa khu̱l ku̱ vu̱r tlu̱nar wopar Labar mbarkandi nang yerem yang chem a woparan. Chem a shiran ma mu̱n mi memu̱na nduk ɓa, chem a shim ku̱ memu̱na Magham kha mu̱n ndu̱ chem chin nu̱ zu̱nki ɗyin mbu̱ memu̱narem.

1 Timoti 1:17

Bu ku̱ gorkir ndu̱ zhaaji kha Kuji Magham aakochi, chin nu̱ke nggarsi ve nda ɓa yang lauɗar su̱ ve nda ɓa, nduk nu̱ka na nda ndu̱ yiti ɓa, chin ɗyenda ke Magham! Amin.

1 Timoti 6:16

Chin ɗyenda ke nu̱ka shi mu̱t ɓa, nu̱ khar mbu̱ yarang nu̱ke nduk a nje nu̱ke ka ɗu̱maki yir bing ndu̱ yarangang ɓa. Chin ke njif nu̱ke nduk a nje nu̱ naki nda sar da ɓa, yang a nje nu̱ke ka ɓa naki ɓa. Ku̱ zhaaji ndu̱ kwaaɗar nu̱ke koɗokhsi ɓa kha nda. Amin.

Titus 2:1

Yang wa ku̱s ku̱ shoga na ɗyi nu̱ke toropndi ɓara, nang ke ɗyi nu̱ khaki torop ndu̱ shogar zhirekandi.

Titus 2:15

To shoga ɗyiku nang ɓara. To pa du̱mbu̱r ye nu̱ tu̱ktor ku, to wu wor ndu̱ zalale nu̱ke a khaaro kap. Ku̱ njig na tu̱ aaki ndu̱mndor ɓa.

Yibraniyeku 13:7

Kor ma dlegumeku ɓaanu nu̱ zu̱ki ɓalar ɓu̱ Magham ye nu. Nggu̱t ma pooni khar viti nu̱ shiki ku, ndu̱ lauɗar su̱ khar viti ɓaanda, tun da ɗyin saari maito ɓaanda.

Yibraniyeku 5:12

Leendang shipa tu̱ga tun ka shogaki ɓar ye nduki, yang ma ɓar meeni tun a shim ku̱ njif nggur maata shogarku ndolndolndi nu̱ ɓalar ɓu̱ Magham ye nu. Nun khu̱l ma zu̱m ɗye zu̱mndi kaaku̱ɗakhndi ɓa, tun a zakya ɓiɓi ɗyenda!

Yaqub 1:19

Nyeezaku, ndolarku ɓanga, zu̱n ma nu̱ ɗyine wa shipa ku̱ aaki kha ma nu̱ tu̱kki ɓala ɗau, yang ku̱ kha ma nu̱ lau me ɓa, yang nu̱ wakho shokhna ɓa.

Yaqub 1:26

Mbu̱ nduka tamandan za chin nu̱ ghaari ghai maɗyi, yang nu̱ka ku̱s men ɓa, a lambakya ɗyinan, ghaari ghai ɓaran wa kha bam.

1 Biturus 2:12

Tun kha ndu̱ ɗye shir mbarkandi chele nduki nu̱ke nu̱ zu̱n Magham ku ɓa. Shir wanang ka sa tu̱ ɓa vu̱r zhaaji ye Magham ye sarchi ɓar ɓaran, ku̱me tlu̱nar ɓaanu mbarkandi, aa nu̱ke wa ka da zhaano ku ɓaanu.

1 Biturus 2:5

Tun yang, gaɓ wa ndogdiku nu̱ nyifiri nu̱ka shiki boote ndu̱ wor ma du̱n rafti nu̱ jiimba. Ma ku̱ kha ma tabar ɓu̱ kuruku shakhshakhndi ɓu̱ rafti nang, tun a zoɓa sadke nu̱ jiimba nu̱ ku̱nshe Yesu Masiya, nang ke pooni sadke nu̱ke Magham a shimndan.

1 Biturus 4:10

Ku̱ aaki shi boote ndu̱ vu̱rti nu̱ Magham shiki yenda ma shaata yen, ma ku̱ kha nu ma nu̱ du̱ngndi ɗyiku zum zum nu̱ Magham vu̱rki du̱ngdan ye nu mbe mu̱nkir ɓaran.

1 Biturus 4:16

Mbu̱ yang nduk wa za bonye ku̱me Ku̱rista, ku̱ tu̱k kawaran ɓa, ku̱ gor dlu̱m Magham ku̱me wa da nda nu̱ mbu̱ nu̱ mbu Masiya.

1 Biturus 5:11

Ku̱ kwaaɗar kha nda koɗokhsi ɓa. Amin.

Yakhuda 1:25

Ma yir she Magham ɗyenda nu̱ ɗana rem, ku̱ gorkiri ndu̱ zhaaji ndu̱ kwaaɗar ndu̱ zalale kha nda me nggar su̱ sarchi, ndu̱ leendang, ndu̱ aakochi koɗokhsi ɓa! Nu̱ ku̱nshe Yesu Masiya Zhinerem gwaanji, Amin.