1 Biturus 3:21 - Mewar Alqawarang

²¹ Yang ɗyim nang a khar wa baptisme nu̱ka ɗanaki nu. Tun yang tun wa gwa ɗanar nu̱ ku̱nshe ɗyim baptismyang. Yang ɗanar nyem gwaki nang chem gwa ku̱me shiɓti ru̱gnar ɓar ve vaarem ɓa. Chem gwa ɗanarang ku̱me alqawar chele ɓaarem nu̱ Magham ndu̱ memu̱nar mbarkandi, kom ndu̱ jiiri ɓu̱ Yesu Masiya ɓar mbe mu̱ti.

1 Biturus 3:21 ပူးပေါင်းရင်းမြစ်များ

Matta 28:19

Ku̱me nang mbu̱ tun wa ɗi tun a ze nduki nu̱ larji kap ku̱ mburi nga, tun a shi baptisme ye wora mbu̱ dlu̱m Zhinkiri, ndu̱ ɓu̱ Woyang ndu̱ ɓu̱ Jiimbi Shakhshakhndi.

Markus 16:16

Njif nu̱ maitaki, tu̱ shi baptisme, ka gwa ɗanari. Yang njif nu̱ke nu̱ maita ɓa, ka kuma nda.

Yokhana 13:9

Tu̱ Siman Biturus ze nda za, “Zhinerem gwaanji, shiɓ na saara ya nu̱gha ɗyenda ɓa, shiɓ khara ndu̱ ɗyina nu̱gha kap tu̱k.”

Tlu̱nar ɓu̱ Pudeku 16:33

Ba mbu̱ virkirang tu̱ da wor tu̱ shiɓ ruɓarku nu̱ke a ve wor nu̱gha. Fan ndu̱ fan tu̱ shi baptisme yenda su̱yen ndu̱ nduki nu̱ mbu̱ rafti ɓaran.

Tlu̱nar ɓu̱ Pudeku 2:38

Tu̱ Biturus ze wor za, “Nggoɗ ma, tu̱ shi baptisme ye aaki chele ɓaanu mbu̱ dlu̱m Yesu Masiya ma ku̱ ndu̱m solar ɓaanu ye nu, tun ka dlu̱ Jiimbi shakhshakhndi mu̱nki.

Tlu̱nar ɓu̱ Pudeku 22:16

Yang ta bu kya nu̱ma? Ju tu̱ shi baptisme yoro tu̱ shiɓ solar ɓa yor nu̱ gha nu̱ ku̱nshe qar dlu̱m Zhinerem gwaanji.’

Tlu̱nar ɓu̱ Pudeku 8:36

A mbu̱ yir ku ta khu̱l ye maa nu̱ke ɗyim a nje, tu̱ khuski nu̱ke su̱ ve nda ɓa ndang zu̱ za, “No, wonji ɗyimi! Nu̱m ka nggu̱tlki shir baptisme ya?”

Tlu̱nar ɓu̱ Pudeku 8:37

[Tu̱ Filibus zu̱ za, “Mbu̱ ke ta maita nu̱ memu̱na da, ka shi yoro.” Tu̱ khuskyang tlogha za, “Nga maita Yesu Masiya ke Yi ɓu̱ Magham.”]

Romeku 5:14

Yang kap ndu̱ nang, mu̱ti wa shi kwaaɗar ɗyine nduki ji ɗyin sarchi ɓu̱ Adamu ma yir sarchi ɓu̱ Musa. Tu̱ sola shi zalale tu̱k ɗyine nduki nu̱ke solar ɓaanda zhangkya mbu Bibitang gha, wa nu̱ Adamu shikyang ɓa. Yang Adamu a khar wa shipar ɓu̱ njif nggur nu̱ke a ɓar ndu̱ vu̱rti ɓu̱ Magham.

1 Korintiyeku 12:13

Ku̱me shi baptismyang yerem kap mbu̱ Jiimbi da ndu̱ man var da, aa to Yakhude nduku, aa to Khelene, aa to maava, aa to ye ghai, kap ɓaarem chem za mbu̱ Jiimbi dandi nang.

1 Korintiyeku 4:6

Nang ɗo, nyeezaku, nga shi boote ndu̱ Apolos ndu̱ nga ma buu ɗyiku nang ye nu, tun shoga ye mbu̱ ɓalar nu̱ zu̱ki za, “Peeta nu ɗyi nu̱ke a nje bu̱laran ɓu̱ Bibitang ɓa.” Ku̱ nduk vu̱r zhaaji ye nduk da tu̱ duk da ɓa.

2 Korintiyeku 1:12

Leendang nang ke wakhti ɓaarem, memu̱narem wa wuɗ yerem nu̱ ɗyine chem wa shi khar mbarkandi mbu̱ larji nang, nu̱ shi wa khar shakhshakhndi nyem shiki su̱yen ndu̱ tun ɓa, nu̱ pooni zhire na viki she Magham. Nyem shi nang nu̱ ku̱nshe kaɗari ɓu̱ nduk ɓa, kope nu̱ ku̱nshe mu̱nkir ɓu̱ Magham.

2 Korintiyeku 7:1

Nu̱ke wa shi alqawar ɗyiku nang yerem kap, nyeezaku, ku̱ shakh mi ɗyinerem ndu̱ ɗyiku nu̱ke ka saki tu̱ man vaarem ndu̱ memu̱na rem kha zopan. Bu ku̱ khar viti ɓaarem kha shakhshakh nyeedlan nu̱ sawar Magham.

Galatiyeku 3:27

Wa shi baptisme ye nu kap ɓaanu mbe Masiya, ku̱me nang tun wa da ɗye shir ɓu̱ Masiya, tu̱ kha ma ɗye shir ɓaanu.

Afiseku 5:26

Ma ku̱ vu̱r nji nda shakhshakh ye Magham nu̱ ku̱nshe ɓalar ɓaran qu̱rse wa gaɓ ndu̱ chin tu̱ kha shakhshakh nu̱ ku̱nshe shiɓti nda nu̱ gha nu̱ shiki ndu̱ ɗyimi.

Kolosiyeku 2:12

Baptisme nu̱ shiki ye nwang, pakya nu gha su̱yen ndu̱ Masiya. Tu̱ ji nu̱ tun ɓar su̱yen ndu̱ Chin nu̱ ku̱nshe baptismyang tu̱k, nu̱ ku̱nshe maito ɓaanu mbe zalale ɓu̱ Magham nu̱ jiiki ndu̱ chin ɓar mbe mu̱ti.

1 Timoti 1:5

Nga ɓalar nang ma ku̱ kha nu ndu̱ ndolar na viki mbe memu̱nar shakhshakhndi, ndu̱ konyi mbarkandi, ndu̱ maito piikandi.

1 Timoti 6:12

Shi dakhlar maito mbarkandi. To dlu̱ ɗye ɓi nu̱ nyifiri nu̱ke nu̱ka shi woɗa ɓa, ku̱me qa ma nang, sarchi nu̱ke to shiki saidu mbarkandi gume saiduku khangndang.

Yibraniyeku 10:22

Ku̱me nang a song mi nu̱ bing ndu̱ Magham ndu̱ memu̱nar zhirekandi, ndu̱ maito nu̱ke memu̱na rem rap rap ɓa. A song mi ndu̱ memu̱nar nu̱ shiɓki nu̱ gha mbe sola tu̱ kha shakhshakh, kom ndu̱ man var nu̱ shiɓki nu̱ gha ndu̱ ɗyim shakhshakhndi nggarnggar.

Yibraniyeku 11:19

Yibram wa shi kwaari nu̱ ɗyine Magham ka ɗu̱ma ji ndu̱ mu̱ti. Chem ka ɗu̱ma zu̱ ye mbu ɓalar nang, nyem za dlu̱ Yishaku ɓar mbe mu̱ti.

Yibraniyeku 13:18

Shi ma barar yerem. Chem wa maita nu̱ ɗyine nu̱ memu̱narem wut za chem wa shi zop ɓa. Chem a shim ku̱ shi mi ɗyi mbarkandi mbe tlu̱nar ɓaarem kap.

Yibraniyeku 9:14

yang tom ɓu̱ Masiya ɗa? Chin nu̱ke beeko ve nda ɓa, nu̱ vu̱rki ɗyinan ye Magham nu̱ ku̱nshe Jiimbi nu̱ke koɗokhsi ɓa. Ai, shiɓ memu̱narem nu̱gha chem njig konyiku ɓu̱ memu̱narem nu̱ke boota su̱ ɓa nu̱ka daki rem ye mu̱ti, ma ku̱ gharmi ghai ye Maghamndi nu̱ nyifiri.

Yibraniyeku 9:24

Jiwa Masiya nu̱ vikya nu̱ mbu̱ Kib shakhshakhndi nu̱ nduk du̱nki ɓa, ɗya ba zhire shipar ɓu̱ nu̱ viɗang. Masiya vikya nu̱ mbu̱ viɗi, ma ku̱ ɗu̱ nji gume Magham ku̱me chem.

1 Biturus 1:3

Barke wa kha Magham, Zhin Zhinerem gwaanji Yesu Masiya! Chin tu̱kki zhiyaye ɓaarem maɗyi, tu̱ vu̱r mewar nyifi yerem ndu̱ sar memu̱nar nu̱ nyifiri nu̱ ku̱nshe jiiri ɓu̱ Yesu Masiya ɓar mbe mu̱ti.

1 Biturus 3:16

Wanang tu̱k, shi ma aa nu̱m aakochi ndu̱ memu̱nar zhirekandi ku̱me mbu̱ wa zu̱ ɗyi malkandi nu̱ ɗyine nu, nduki nu̱ zu̱kyang ka tu̱k kawa ku̱me ɗye shir mbarkandi ɓaanu mbe Masiya.