1 Biturus 3:18 - Mewar Alqawarang

¹⁸ Jiwa Masiya mu̱t ku̱me solar ku sar kaada ye kharki, nu̱ dambi ku̱me nu̱ song dambi, ma ku̱ ɗu̱ ndu̱ tun she Magham. Wa tlagha nda nu̱ gha mbu̱ man va, yang wa vu̱r nyifi yenda mbu̱ jiimba,

1 Biturus 3:18 ပူးပေါင်းရင်းမြစ်များ

Matta 27:19

Nu̱ Bilatus khaki gha ye maa kumarang tu̱ nokhzan a ru̱k ku̱ ze nda za, “Vi ɓar mbu̱ njiv ɓu̱ nu̱ dambi nang ku̱me nga za bonye ndu̱ zhine ndu̱ chin virkir nang.”

Matta 27:24

Nu̱ Bilatus naki za chin ɗu̱ma shi aa nu̱m ɓa, wonji ndukyang a shim ji ndu̱ dakhlari, tu̱ shokhla ɗyim tu̱ shiɓ kharan nu̱gha gume ndukyang, tu̱ zu̱ za, “Nga si mbu̱ zop mbu̱ti tom ɓu̱ nu̱ dambi nang ɓa. Na a ɗyinonu.”

Yokhana 16:10

Nu̱ shi kwaari mbarkandi ɗyine jeembu ɓa ku̱me nga ma yir she Zhinkir ɓanga, yang gana fan ɓu̱ na nga ku tu̱k ɓa.

Tlu̱nar ɓu̱ Pudeku 22:14

“Tu̱ zu̱ ya za, ‘Maghamndi ɓu̱ zhikanerem wa daato ro ma ku̱ zu̱n na shimndi ɓaran, to na nu̱ Jeembi nang, to tu̱k ɓalar ɓaran.

Tlu̱nar ɓu̱ Pudeku 3:14

Yang tun zhang nduk Shakhshakhndi, nu̱ shir ɗyi Toropndi gha, tun khuɗ za ku̱ ngga kya nu̱ tlaghar mu̱ti ye nu gha.

Romeku 1:4

Yang ye khar ɓaran Jiimbi nu̱ khar shakhshakh nu̱ me Maghamndi ɓaran wa wut Yesu Masiya ndu̱ zalale maɗyikandi za shwat ɗya Yi ɓu̱ Magham nu̱ ku̱nshe jiiri ɓaran mbe mu̱ti.

Romeku 4:25

Vu̱r Yesu ɓar tu̱ mu̱t ku̱me solarku ɓaarem, yang ji ndu̱ chin ɓar mbe mu̱ti tu̱ kha ndu̱ nyifiri ma ku̱ kha mi waare zop gume Magham.

Romeku 5:2

Chem gwa mu̱nkir nu̱ke chem a mban nang nu̱ ku̱nshe maito ɓaarem. Chem a kashari ku̱me chem wa sa memu̱narem nu̱ ɗyine chem ka gwa zhaaji ɓu̱ Magham.

Romeku 8:11

Mbu̱ Jiimbi shakhshakhndi nu̱ jiiki ndu̱ Yesu mbe mu̱ti a nje kharan mbe nu, ba chin nu̱ jiiki ndu̱ Masiya mbe mu̱tang ka vu̱r nyifiri ye man vaanu nu̱ka mu̱tki. Nu̱ ku̱nshe Jiimbi nu̱ke a nje kharan mbe nwang.

Romeku 8:3

Jiwa Magham wa shi ɗyi nu̱ke Bibitang nu̱ ɗu̱ma shiran ɓa ku̱me tu̱ɓti ɓu̱ nduku mbe ɗye shir ɓaran. Magham a ru̱kkya Yi ɓaran mbu̱ shipar ɓu̱ man vaarem nu̱ka shiki solar nang, ma ku̱ kha ma sadke ku̱me solar ɓaarem, tu̱ gu̱ɗa zalale ɓu̱ sola nu̱ gha mbu̱ man va.

2 Korintiyeku 1:24

Chem a shimkya wut zalale ɗyine maito ɓaanu ɓa, chem a shikya tlu̱nar su̱yen, ma ku̱ kasha nu, ku̱me tun chingndan ndu̱ du̱mbu̱r mbu̱ maito ɓaanu.

2 Korintiyeku 13:4

Aa nu̱ke kaatli nda gha mbe katar du̱mbu̱r, tu̱ yang kha ndu̱ nyifiri nu̱ ku̱nshe zalale ɓu̱ Magham. Aa chem nang, du̱mbu̱r ɓaarem kata mbe nda, wanang tu̱k nu̱ ku̱nshe zalale ɓu̱ Magham, chem kha nu̱ nyifiri su̱yen ndu̱ chin ma ɗana nu.

2 Korintiyeku 5:21

Masiya nu̱ shi sola sar da ɓa, yang tu̱ Magham gaɓ ndu̱ chin ma sadke sola ku̱me chemi. Nang ke ɗyi nu̱ saki chem kha ma nu̱ jeembu she Magham mbe Masiya.

Galatiyeku 1:4

Masiya Yesu vu̱rki varan ku̱me solarku ɓaarem, ma ku̱ lawa rem mbu̱ zaman malkandi nang. Yang shi nang mbe shimndi ɓu̱ Magham Zhinerem.

Galatiyeku 3:13

Yang chem wa lawa mbe miiri barke ɓu̱ Bibitang, ku̱me Masiya wa gwa miiri barke ku̱me chem tu̱ dli ɗyinerem. Jiwa a nje bu̱laran za, “Kap njif nu̱ mu̱tki katlan me qu̱fari barke ɓaran miiran.”

Afiseku 3:12

Mbe nda kom ndu̱ mbe maitar nyem shiki yenda chem wa gwa du̱mbu̱r ɓar she Magham ndu̱ shokhku̱rokh me bu̱n sawa su̱ ɓa.

Titus 2:14

Yesu vu̱rki ɗyinan ma ku̱ dli ɗyinerem chem kha ma nduki zumndi nu̱ke a kashar shir ɗyi mbarkandi ku.

Yibraniyeku 10:10

Mbe shimndi ɓu̱ Magham wa gaɓ ndu̱ chem ma nduki ɓaran shakhshakhndi nu̱ ku̱nshe sadke nu̱ Yesu Masiya vu̱rki man varan sar kaada ye kharki.

Yibraniyeku 9:14

yang tom ɓu̱ Masiya ɗa? Chin nu̱ke beeko ve nda ɓa, nu̱ vu̱rki ɗyinan ye Magham nu̱ ku̱nshe Jiimbi nu̱ke koɗokhsi ɓa. Ai, shiɓ memu̱narem nu̱gha chem njig konyiku ɓu̱ memu̱narem nu̱ke boota su̱ ɓa nu̱ka daki rem ye mu̱ti, ma ku̱ gharmi ghai ye Maghamndi nu̱ nyifiri.

Yibraniyeku 9:26

Mbu̱ tu̱ga ka shi wanang, ai, tu̱ga Yesu ka ki za bonye aakochi, ma nu̱ du̱ngki larji. Yang wonji a ɓa ba sar kaada mbu̱ lauɗar su̱ qaandiku nang ma ku̱ da nji solarku ɓara nu̱ vu̱rki ɗyinan ku̱men.

Yibraniyeku 9:28

wanang tu̱k wa vu̱r Masiya sar kaada ma ku̱ da solarku ɓu̱ nduki khang. Masiya ka ɗa ɓa nu̱ rapan, yang ka ɗa ɓakya ma da solarku ɓu̱ nduki ɓa, ka ɗa ɓakya ma ɗana nduki nu̱ke a kasha gaɓti ɓaran.

Yaqub 5:6

Tun wa kuma nduki mbarkandi, tun tlagha wora, aa nu̱ke nu̱ zhangndo nu ku ɓa.

1 Biturus 3:19

tu̱ ɗu̱ she jiimbiku nu̱ke a mbu̱ zhaaru̱m mbu̱ jiimba, tu̱ shi waazu ye wora.

1 Biturus 4:1

Nu̱ke Masiya wa za bonye mbu̱ man va, da ma ɗyin saaran tu̱k. Ai, kap njif nu̱ zaki bonye mbu̱ man va, wa shakh ndu̱ tlu̱nar sola.

1 Biturus 4:6

Nang ke ɗyi nu̱ saki tu̱ wopa Labar Mbarkandang kap nu̱ nduki nu̱ke leendang mu̱tanku, ku̱me ka kuma wora ba wa nduki mbu̱ man va, yang she Magham a nje nu̱ nyifiriku mbe jiimba.

1 Yokhana 1:9

Yang mbu̱ chem wa zu̱ solarku ɓaarem ye Magham, ai, ɗya nu̱ nyedli alqawar, nu̱ shir zhire, ka yaapa solar ɓaarem yerem, tu̱ shibterem nu̱gha mbe song dambi ɓaarem kap.