1 Biturus 3:13 - Mewar Alqawarang

¹³ Yang mbu̱ tun a sa ɗyinonu ma tlu̱nar ɗyi nu̱ke mbarkandi, ki ka ɗu̱maki shi ɗyi nggur ye nwa?

1 Biturus 3:13 ပူးပေါင်းရင်းမြစ်များ

Romeku 13:3

Jiwa nu̱ kwaaɗarku ɗya ɗye sawa she nduki nu̱ke a shi ɗyi mbarkandi ɓa, buka nduki nu̱ke a shi ɗyi galkandi ka tu̱kki sawa. Tun a shim lawa nu mbe tu̱kti sawar ɓu̱ nu̱ kwaaɗa mu? Mbu̱ wanang shi ma ɗyi mbarkandi, chin yang ka makhta nu,

Romeku 8:28

Chem wa zu̱n nu̱ ɗyine mbu̱ aa nu̱m kap Magham wa ka tlu̱na ɗyi mbarkandi ye nduki nu̱ke a ndola nda, nang ke nduki nu̱ qaki ma ku̱ shi shimndi ɓaran.

1 Korintiyeku 14:1

Laɓ ma kya ndola tun kasha vu̱rtiku ɓu̱ Jiimbi shakhshakhndi, nu̱ shi wa vu̱rti nu̱ zu̱r ru̱kti ɓu̱ Magham ɓa.

Afiseku 5:1

Nu̱ke tun wa kha ma qusonggi ɓu̱ Magham yang a shimndo nu, shi ma ɗyi nu̱ ka shikyang mbu̱ khar viti ɓaanu.

1 Tasalonikeku 5:15

Nggu̱t ma mbari ku̱ aaki dli gaɗa ye mu̱dlen ku̱me wa mu̱na nda ɓa, tun vu̱r vaanu ye shir mbarkir ye yen ndu̱ ɓeena nduki kap.

1 Timoti 5:10

Wa kha zu̱ndan mbe tlu̱nar ɗyi mbarkandi, wa mola qusonggi ɓaran mbari, ndu̱ dlu̱r runggiku. Kom ndu̱ tlu̱nar shaata ye nu̱ mbu Yesu ku, ndu̱ shaata nduki nu̱ke a mbu̱ damtari, ndu̱ vu̱rti ɗyinan ma shi ɗyi mbarkandi ve aa nyi njiva.

Titus 2:14

Yesu vu̱rki ɗyinan ma ku̱ dli ɗyinerem chem kha ma nduki zumndi nu̱ke a kashar shir ɗyi mbarkandi ku.

3 Yokhana 1:11

To rapta nu̱ke nga ndolaran, mbu na maatli khali ɓa, me ɓu̱ nang, shi tlu̱nar mbarkandi. Nu̱ shir ɗyi mbarkandi ɗya ɓu̱ Magham. Yang nu̱ shir ɗyi malkandi nu̱ zu̱n Magham sar da ɓa.