1 Biturus 3:11 - Mewar Alqawarang

¹¹ Ku̱ shakh ɗyinan ndu̱ mu̱na, tu̱ shi mbarkiri, tu̱ laɓ qaandi memu̱na tu̱ wuta gwaran.

1 Biturus 3:11 ပူးပေါင်းရင်းမြစ်များ

Matta 5:45

Mbu̱ tun wa shi wanang tun ka kha ma qusonggi ɓu̱ Zhinonu nu̱ke a mbu̱ viɗi, ku̱me wa ka sa fu̱ɗar tu̱ shi yarang ɗyine nduki mbarkandi ndu̱ nduki malkandi, tu̱ vu̱r romndi ye nu̱ jeembu ndu̱ nu̱ mu̱narku.

Matta 5:9

Barkya ve nu̱ somtarku, ku̱me ka qa wor qusonggi ɓu̱ Magham.

Matta 6:13

Njig na rem chem nggu̱t nu̱ mbu̱ sola ɓa, yang to shakh chele ɓaarem ndu̱ Nu̱ mu̱narang.’

Markus 14:7

Ku̱me nu̱ nungndiku a nje su̱yen ndu̱ tunu aakochi, tun ka shi mu̱nkir ye wor sarchi nun shimki, yang nga su̱yen ndu̱ tun aakochi ɓa.

Luka 1:79

ma vu̱r yarang ye nduki nu̱ke kharan mbu̱ zhumi, ndu̱ jiimbi mu̱ti. Ka khutlo saarerem ku̱ mbu njiv nu̱ke qaandi memu̱nar a si.”

Luka 6:35

Yang tunu, ndola ma nu̱ zhangndi ɓaanu, tun shi mbarkir ye wora tun vu̱r kudum ye wor aa ɓu̱ gaɓ si ɓa. Mbu̱ tun wa shi wanang, ɗye ɓi ɓaanu khang viɗi, tun ka kha ma qusonggi ɓu̱ Magham nu̱ viɗi, ku̱me wa ka shi mu̱nkir ye nu̱ mu̱narku ndu̱ nduki nu̱ song wuti kuna.

Luka 6:9

Tu̱ Yesu zham wor za, “Ngaa zhamndonu, wa shipa shem kya tlu̱nar mbarkandi Fu̱ɗar Maasi mu yang shem kya tlu̱nar malkandi? Ɗana mi kya nyifi mu yang tlagha mi kya mu̱ti?”

Yokhana 17:15

Nang khuɗ ku̱ da na wor ɓar mbu̱ larji ɓa, nga shim ku̱ shakh na chele ɓaanda ndu̱ Nu̱ mu̱narang.

Romeku 12:18

Shi ma ɗyi nu̱ke tun ka ɗu̱maki kap, mbu̱ ka shi, tun kha mu̱n ndu̱ aaki.

Romeku 14:17

Jiwa kwaaɗar ɓu̱ Magham ɗya ɓalar zu̱mndi ndu̱ zar ɓa, ɗya ɓalar dambi, ndu̱ qaandi memu̱na, ndu̱ ɓong memu̱na mbe Jiimbi shakhshakhndi.

Romeku 14:19

Ku̱me nang ku̱ shi mi ɗyi nu̱ke chem ka ɗu̱maki shiran ma a ɓa mi ndu̱ khar mu̱nkandi ndu̱ par du̱mbu̱r ye yen.

Romeku 5:1

Nu̱ke chem wa kha waare sola gume Magham nu̱ ku̱nshe maito, chem wa gwa qaandi memu̱na chele ɓaarem ndu̱ Magham nu̱ ku̱nshe Zhinerem gwaanji Yesu Masiya.

Romeku 7:19

Ɗyi nu̱ke nga shiranang, ɗya ɗyi mbarkandi nu̱ke nga shim shiranang ɓa, nga shikya ɗyi malkandi nu̱ke nga zhangki ku̱ shi nga ɓa ndang.

Romeku 7:21

Ɗyi nang wa kha ya ma me ɓanga, nu̱ke mbu̱ nga shim shi ɗyi mbarkandi, tang gwa nga shikya ɗyi malkandi.

Romeku 8:6

Damtar ndu̱ ɗyiku ɓu̱ manva wa ka ɓa ndu̱ mu̱ti, yang damtar ndu̱ ɗyin mbu̱ Jiimba ka vu̱rkya nyifiri ndu̱ qaandi memu̱na.

Galatiyeku 5:22

Yang ɗye shir mbarkandi ku ɓu̱ Jiimba chin ke, ndola, ndu̱ kasha, ndu̱ qaandi memu̱na, ndu̱ kanaɗyi, ndu̱ mbarkiri, ndu̱ shir ɗyi toropndi, ndu̱ shir zhire,

Galatiyeku 6:10

Ku̱me nang, kap sarchi nyem gwaki zalale ni, chem shi mbarkir ye aaki, nu̱ shi wa ye mu̱dlerem ku nu̱ mbu Yesu ɓa.

Kolosiyeku 3:15

Qaandi memu̱nar nu̱ Masiya ka vu̱rki ma ku̱ mbu ndu̱ tun mbe ɗyi nu̱ke tun a ma shiran kap, jiwa Magham qa nun mbu̱ man var da ku̱me qaandi memu̱nar nang, tun kha ma nu̱ kunar Magham aakochi.

1 Timoti 6:18

Ze wor ku̱ shi me mbarkirku, tu̱ kha gu̱naran tu̱k mbe tlu̱nar mbarkandi, ku̱ ki vu̱rtan ye nduki khar wor nggaran, nu̱ shimndi shakhti ɗyi ɓa nda ndu̱ nduki.

Yibraniyeku 12:14

Shi ma ɗyi nu̱ke tun ka ɗu̱maki ma ku̱ kha nu mu̱n ndu̱ aaki, tun kha shakhshakh, ku̱me nduk a nje nu̱ke ka naki Magham waare khar shakhshakhndi ɓa.

Yibraniyeku 13:16

Yang mona nu shir ɗyi mbarkandi ndu̱ shaatar nduki ɓa, ku̱me nang ke pooni sadke nu̱ke Magham a tu̱k mu̱ndan.

Yaqub 4:17

Ku̱me nang aaki zu̱nki ɗyi nu̱ shipaki ku̱ shi tu̱ yang zhang shiran gha, wa kha ma sola she nda.

1 Biturus 3:12

Jiwa yiti Zhinkir gwaanji a ɗyine nduki nu̱ke a tlu̱na dambi, dlu̱mndan wa ka tu̱k barar ɓaanda. Yang yiti Zhinkir gwaanji wa zhang nu̱ tlu̱nar mu̱nar ku.”

3 Yokhana 1:11

To rapta nu̱ke nga ndolaran, mbu na maatli khali ɓa, me ɓu̱ nang, shi tlu̱nar mbarkandi. Nu̱ shir ɗyi mbarkandi ɗya ɓu̱ Magham. Yang nu̱ shir ɗyi malkandi nu̱ zu̱n Magham sar da ɓa.