1 Biturus 2:24 - Mewar Alqawarang

²⁴ Chem shiki sola, yang chin daki solarku ɓaaremang ye ɗyinan sarchi nu̱ katlki nda gha me qu̱fari. Shi wanangang ma ku̱ shakh mi ndu̱ solarku ɓaarem nu̱ ku̱nshe mu̱ti ɓaran, shem khar ɓaarem ndu̱ dambi. Ruɓar nu̱ shiki yenda saki tun shaana.

1 Biturus 2:24 ပူးပေါင်းရင်းမြစ်များ

Matta 27:26

Kom tu̱ ngga Barabas gha ye wora. Gaanje nu̱ saki ku̱ shi kurpi ye Yesu, tu̱ vu̱r nda ma ku̱ kaatli nda gha.

Matta 5:20

Jiwa nga zu̱ran ye nu, mbu̱ nun duk Maalu̱mku ndu̱ Pariseku ndu̱ jeembu ɓa shwat tun ɓu̱ vi nu̱ mbu̱ kwaaɗar ɓu̱ Magham ɓa.

Matta 8:17

Shi wanang ma ku̱ nyel ɗyi nu̱ zu̱ki nu̱ ku̱nshe annabi Yishaya za, “Wa da khaatiku ɓaarem ɓara, tu̱ shakhterem ndu̱ song dar lawan.”

Markus 15:15

Yang ku̱me Bilatus a shim mu̱n memu̱na ndukyang, tu̱ ngga Barabas gha. Tu̱ yang shi kurpi ye Yesu, kom tu̱ vu̱r nda ma ku̱ katli nda gha.

Luka 4:18

“Jiimbi ɓu̱ Zhinkir gwaanji a nje ɗyina, ku̱me wa daati nga a ɓa nga ndu̱ labar mbarkandi ye nduki nu̱ke tun kha wor ɓa. Wa ru̱kti nga za wopa nga ɓalar kwatli ye nduki gu̱nkandi ku, a qu̱n nga yiti pugumku tu̱ na maari, a lawa nga nduki ɓar me khar nu̱ vu̱rti bonye ye wora.

Yokhana 1:29

Vi dumaaran, tu̱ Yokhana na Yesu a ɓar she nda. Tu̱ Yokhana zu̱ za, “Nggu̱t ma! Wonji Ye gamndi ɓu̱ Magham nu̱ kya da solar ɓu̱ larji ɓara.

Yokhana 19:1

Sarchi nang, tu̱ Bilatus sa za ku̱ shi kurpi ye Yesu.

Tlu̱nar ɓu̱ Pudeku 10:35

A shimkya nu̱ sawar nda kom ndu̱ njif nu̱ka shiki ɗyi nu̱ke torop nang ke njif nu̱ke khar viti ɓaran wa kha mbar she Magham aa a vi mbu̱ aa nyi dlar ghai.

Tlu̱nar ɓu̱ Pudeku 10:39

“Chem wa na ɗyi nu̱ Yesu shiki mbu dlar ghai ɓu̱ Yakhudeku ndu̱ mbu̱ ghai Urshalima kap. Tu̱ tlagha nda nu̱ gha ku nu̱ ku̱nshe katli nda nu̱ me qu̱fari.

Tlu̱nar ɓu̱ Pudeku 13:29

Nu̱ nyeelki kap ɗyi nu̱ bu̱laki nu̱ ɗyine ndang, ta shurti nda nu̱ yaghai me qu̱far katlang, tu̱ sa nda nu̱ mbu̱ ku̱jipi.

Tlu̱nar ɓu̱ Pudeku 5:30

Maghamndi ɓu̱ Zhikanerem wa ji ndu̱ Yesu ɓar mbe mu̱ti, chin nun tlaghaki nda nu̱ gha nu̱ ku̱nshe kaatli nun katlki nda nu̱ me qu̱far kaatlang.

Romeku 6:11

Tun yang tu̱k, da ma vaanu nu̱ ɗyine tun wa mu̱t ye zalale ɓu̱ sola, tun kha ndu̱ nyifiri mbe khar mu̱nkandi ndu̱ Magham nu̱ ku̱nshe Masiya Yesu.

Romeku 6:13

Ku̱ njig nu tun vu̱r me bar ɓaanu ye sola tu̱ kha ma ɗye tlu̱nar malkandi ɓa. Yang vu̱r ma vaanu ye Magham tun kha wa nduki nu̱ lawaki wor ɓar mbu̱ khar mu̱ti ma gwa nyifiri. Vu̱r ma me bar ɓaanu ye Magham tun kha ma ɗye tlu̱nar dambu.

Romeku 6:16

Nun zu̱n za mbu̱ tun wa vu̱r vaanu ye njif nggur tun ki shi shimndi ɓaran, tun wa kha ma maavi ɓaran ɓa goma? Tun ka ɗu̱ma khar ma maavi ɓu̱ sola, nu̱ka ɓa ki ndu̱ mu̱ɗi, yang tun ka ɗu̱ma khar ma maavi ɓu̱ Magham, nu̱ka ɓa ki nu̱ dambu.

Romeku 6:2

Fu̱n ɗo! Nu̱ shipa sar da ɓa! Chem nyem mu̱tki mbe sola, yang ka shi kikimndi chem zu̱m guma ndu̱ khar mbu̱ solarang na?

Romeku 6:22

Yang leendang wa dli ɗyinonu, tun lawa mbe sola, tun wa kha ma maaviku ɓu̱ Magham. Boote ni chin ke tun wa kha wakaran, yang tun ka gwa nyifi nu̱ke ɓu̱ shi woɗa ɓa ku̱men.

Romeku 6:7

Jiwa mbu̱ nduk wa mu̱ɗi, wa lawa mbe zalale ɓu̱ sola.

Romeku 7:6

Yang leendang ɗyinerem wa vi, chem wa lawa mbe Bibitang nu̱ke chem wa mu̱t mbe ɗyi nu̱ gu̱nki rem nu̱gha. Leendang chem a shikya tlu̱nar ɓu̱ Magham ndu̱ mewar khar viti nu̱ ku̱nshe Jiimbi ɓaran. Tlu̱nar nyem shiki ye Bibitikwang wa peeta.

1 Korintiyeku 15:3

Ɗyi nu̱ dukki ndu̱ boota maɗyi mbu̱ ɗyiku nang zu̱ki ye nu, chin ke ɓalar nang dlu̱ki za, Masiya wa mu̱t ku̱me solar ɓaarem, ba wa nu̱ Bu̱lar ɓalar ɓu̱ Magham zu̱ki.

2 Korintiyeku 6:17

“Ku̱me nang shakh ma ɗyinonu nu̱ nduki nu̱ke ɗya nu̱ mbu Zhinerem gwaanji ku ɓa, tun shakh ɗyinonu ndu̱ wora Zhinkir gwaanji zu̱ki. Ku̱ su̱ɓa nu ɗyi nu̱ke zopan ɓa, ngga dlu̱ronu ku̱men.”

Galatiyeku 3:13

Yang chem wa lawa mbe miiri barke ɓu̱ Bibitang, ku̱me Masiya wa gwa miiri barke ku̱me chem tu̱ dli ɗyinerem. Jiwa a nje bu̱laran za, “Kap njif nu̱ mu̱tki katlan me qu̱fari barke ɓaran miiran.”

Afiseku 5:9

(ku̱me yarang ke nu̱ vu̱r boote maɗyikandi mbe tlu̱nar mbarkandi, ndu̱ khar dambi, ndu̱ ɓalar zhire)

Filipiyeku 1:11

Nga barari ku̱ khar viti ɓaanu kha nyeedlan ndu̱ tlu̱nar mbarkandi ku nu̱ ka wutki ɗye shir mbarkandi nu̱ke nduk ka gwa poonan she Yesu Masiya ɗyenda ma vu̱r zhaaji ndu̱ khamndi Magham.

Kolosiyeku 2:14

Tu̱ pasha kudum malkandi bu̱lakandi ɗyinerem nu̱ gha, kom ndu̱ bibiti nu̱ke a si, tu̱ pasha wor nu̱gha guma da, nu̱ ku̱nshe kaatlan gha me qu̱far kaatli.

Kolosiyeku 2:20

Nu̱ke tun wa mu̱t su̱yen ndu̱ Masiya, tun wa shakh ndu̱ khu̱kheetiku malkandi nu̱ larji nang, nu̱m saki tun ki khar ɓaanu wa tun ɓu̱ larji ma ɓar meenang na? Nu̱m saki tun ki mbu bibitiku nu̱ke nduki a vu̱rtan ye nu

Kolosiyeku 3:3

Jiwa tun mu̱tan, yang nyifi ɓaanu a nje tukaran su̱yen ndu̱ Masiya mbe Magham.

Yibraniyeku 10:10

Mbe shimndi ɓu̱ Magham wa gaɓ ndu̱ chem ma nduki ɓaran shakhshakhndi nu̱ ku̱nshe sadke nu̱ Yesu Masiya vu̱rki man varan sar kaada ye kharki.

Yibraniyeku 10:5

Ku̱me nang nu̱ Masiya viki nu̱ mbu̱ larji tu̱ zu̱ za, “No shim sadkeku ndu̱ vu̱rtiku ɓa, to daasakya manva ya.

Yibraniyeku 12:13

Ku̱dma ma njiv mbarkandi ye saaronu ma ku̱ zu̱ɓtiku kwata zu̱ɓti ɓa, me ɓu̱ nang, ku̱ gwakya shaanar ku.

Yibraniyeku 7:26

Chem a gangkya pooni gorkir kuru nang. Chin shakhshakh, waare zop, shibtan, wa wakanda nu̱ konggol tu̱ njig nu̱ solarku, tu̱ da nda nu̱ viɗi ɗyine aa nu̱m kap.

Yibraniyeku 9:28

wanang tu̱k wa vu̱r Masiya sar kaada ma ku̱ da solarku ɓu̱ nduki khang. Masiya ka ɗa ɓa nu̱ rapan, yang ka ɗa ɓakya ma da solarku ɓu̱ nduki ɓa, ka ɗa ɓakya ma ɗana nduki nu̱ke a kasha gaɓti ɓaran.

Yaqub 5:16

Ku̱me nang zu̱ma zop ɓaanu ye yen, tun ki barar ye yen, ma ku̱ shaana nu. Barar ɓu̱ nu̱ dambu wa ka shi tlu̱nar ndu̱ zalale maɗyi.

1 Yokhana 2:29

Mbu̱ tun wa zu̱n nu̱ ɗyine Chin ɗya nu̱ dambi, tun ka zu̱n shwat nu̱ ɗyine njif nu̱ka shiki ɗyi nu̱ke torop ɗya yi ɓu̱ Magham.

1 Yokhana 3:7

Tun qusonggi ɓang nu̱ke nga ndolaran, ku̱ aaki lamba nu ɓa. Nu̱ shir zhire ɗya nu̱ dambi ba wa nu̱ke Masiya ɗya nu̱ dambi.

Ɗyin mbu̱ tukari 22:2

Chele njiv gwaanji nu̱ mbu̱ ghayang tu̱k, ve aa nyi me gu̱mndi ɓu̱ gaawang qu̱far nyifiri a nje nu̱ka khaki qusonggi sar gwaanggu̱m rap mbu̱ sonyi, ka kha sar da aa nyi chera. Yang dlu̱mndi qu̱farang shi ma shaana dlar maa ku nu̱ larji kap.