1 Biturus 2:19 - Mewar Alqawarang

¹⁹ Ai, njif nu̱ zaki bonye ɗyi nu̱ke nu̱ shi zop mban ɓa, yang za bonyang ku̱me korkya shimndi ɓu̱ Magham, Magham ka shi barke yenda.

1 Biturus 2:19 ပူးပေါင်းရင်းမြစ်များ

Luka 6:32

“Mbu̱ tun a ndola kya nduki nu̱ke a ndola nu ɗyenda, tun kaa shi barka kikimnda? Aa nu̱ solarku wa ka ndola nduki nu̱ke a ndola wora.

Yokhana 15:21

Ka shi ɗyikunang ye nu kap ku̱me dlu̱ma, ku̱me nu̱ zu̱n njif nu̱ ɗa ru̱kki nga ɓa.

Tlu̱nar ɓu̱ Pudeku 11:23

Nu̱ ɗu̱ki, tu̱ na mu̱nkir nu̱ Magham shiki ye wora, tu̱ kasha, tu̱ pa du̱mbu̱r ye wor ku̱ ching nu̱ ɗyine maito ɓaanda mbe Zhinerem gwaanji ndu̱ memu̱nar da.

Romeku 13:5

Ku̱me nang wa ku̱s ku̱ vu̱r nu ɗyinonu ye nu̱ kwaaɗarku. Tun ka shi wanang ma ɗa shokhnar ɓu̱ Magham ɗyenda ɓa, tun ka shi ma ku̱ kwaari nu̱ memu̱nanu kha waare zop.

1 Korintiyeku 15:10

Yang mu̱nkir ɓu̱ Magham saki tang kha wa nu̱ke nga si leendang, mu̱nkir ɓaran nu̱ kha bam ɓa. Nga shi tlu̱nar nu̱ dukki ɓu̱ pudeku nang kap, aa nu̱ke ɗya nga shiki ɓa, ɗya mu̱nkir ɓu̱ Magham nu̱ke a su̱yen ndu̱ nga.

2 Korintiyeku 1:12

Leendang nang ke wakhti ɓaarem, memu̱narem wa wuɗ yerem nu̱ ɗyine chem wa shi khar mbarkandi mbu̱ larji nang, nu̱ shi wa khar shakhshakhndi nyem shiki su̱yen ndu̱ tun ɓa, nu̱ pooni zhire na viki she Magham. Nyem shi nang nu̱ ku̱nshe kaɗari ɓu̱ nduk ɓa, kope nu̱ ku̱nshe mu̱nkir ɓu̱ Magham.

2 Korintiyeku 8:1

Nyeezaku, nga shim ku̱ zu̱n nu ɗyi nu̱ke mu̱nkir ɓu̱ Magham saki tabar ɓu̱ nu̱ mbu Yesu ku nu̱ Makidoniya tu̱ shi.

2 Timoti 1:12

Nga za bonye ku̱men ba wa nu̱ke nga zaran leendang. Yang kap ndu̱ nang nu̱ kha ya ma ɗye kawa ɓa ku̱me nga zu̱n njif nang maitaki, nga zu̱n nu̱ ɗyine ka bu ɗyin du̱ngdi nang vu̱rki yenda kap, kope Fu̱ɗar naandang.

Yibraniyeku 10:2

Mbu̱ tu̱ga zalala kha Bibitang, tu̱ga nu̱ ching vu̱rti sadkeku nang gha de? Ai tu̱ga nu̱ vu̱rtan ku ka kha shakhshakh ku guma da, memu̱na wor ɓu̱ kha damtaran ku̱me solarku ɓaanda ɓa.

1 Biturus 2:20

Mbu̱ yang wa shi kurpi ye nu ku̱me zop nun shiki, a tun wa gu̱n memu̱na nu tun ɓu̱ gwa ɗyi nggur ku̱men ɓa. Yang mbu̱ tun wa shi tlu̱nar mbarkandi, tun za bonye ku̱men, yang tun gu̱n memu̱na nu tu̱k, ɗyi nun shikyang ka kha dlu̱ran she Magham.

1 Biturus 4:15

Yang nggu̱t ma mbari, ma ku̱ nduk za bonye ku̱me ɗya nu̱ tlaghar mu̱ɗ ɓa, yang nu̱ muuru ɓa, yang nu̱ shir ɗyi malkandi ɓa, yang nu̱ yirti maa ɓa.