1 Biturus 2:12 - Mewar Alqawarang

¹² Tun kha ndu̱ ɗye shir mbarkandi chele nduki nu̱ke nu̱ zu̱n Magham ku ɓa. Shir wanang ka sa tu̱ ɓa vu̱r zhaaji ye Magham ye sarchi ɓar ɓaran, ku̱me tlu̱nar ɓaanu mbarkandi, aa nu̱ke wa ka da zhaano ku ɓaanu.

1 Biturus 2:12 ပူးပေါင်းရင်းမြစ်များ

Matta 10:25

Aa nu̱ke nu̱ dlu̱r shoga ka ɗu̱ma khar wa Maalu̱m ɓaran, tu̱ maava kha wa nu̱ rafti ɓaran. Yang ma nu̱ke wa qa nu̱ raftang za Baalzabul, ka qa ndukiku ɓaran za nu̱ma?

Matta 5:11

“Barkya ve nu, sarchi nu̱ nduki pu̱zki nu, tu̱ vu̱r bonye ye nu tu̱ kota aa nyi pooni ɗyi malkandi nu̱ ɗyine nu ku̱me nga.

Matta 5:16

Wanang tu̱k, bu ku̱ kha nu ndu̱ yarang gume nduki, ku̱me mbu̱ wa na ɗye shir mbarkandi nu̱ke tun a shiran, ka gor dlu̱m Zhinonu nu̱ke a mbu̱ viɗi.

Matta 9:8

Nu̱ tabar ndukyang naki wanang tu̱ sawar ku̱s wora, tu̱ gor dlu̱m Magham nu̱ vu̱rki zalale na ye nduki.

Luka 1:68

“Barke ye Maghamndi ɓu̱ Israila Zhinerem gwaanji, ku̱me wa kor nduki ɓaran tu̱ dli ɗyin wora.

Luka 19:44

ka ruksha nu̱ yaghai mbu̱ garukku ɓaaro, to ndu̱ qusonggi ɓaaro. Ɓu̱ njig ndogdi da ɗyin mu̱dlen mbu̱ ndogdi du̱ndiku ɓaanu ɓa. Ɗyinang ka shi kap ku̱me no zu̱n sarchi nu̱ Maghamang ɓa ki ma ɗana ɓa.”

Luka 6:22

Barke ɓaanu mbu̱ nduki wa zhangndonu, tu̱ pu̱zonu tu̱ komba nu, su̱yen ndu̱ zu̱r malkandi nu̱ ve nu, ku̱me nga Yi ɓu̱ nduku.

Yokhana 13:31

Gaanje Yakhuda wa vi varan, tu̱ Yesu zu̱ za tu̱k ma, “Nang ke sarchi nu̱ vu̱rki zhaaji ye Yi ɓu̱ nduku, tu̱ vu̱r zhaaji ye Magham nu̱ ku̱nshe nda.”

Tlu̱nar ɓu̱ Pudeku 15:14

Siman wa zu̱ labar ndolar nu̱ Magham nggaki su̱ wutan ye nduki nggur nu̱ke ɗya Yakhudeku ɓa, nu̱ ku̱nshe nduki nggur nu̱ daki tu̱ kha ma ɓaran chele nduki nu̱ke ɗya Yakhudeku ɓa.

Tlu̱nar ɓu̱ Pudeku 24:13

Aa ɗyi nu̱ke a zu̱ran ku gume nang ɓu̱ ɗu̱ma wut zhire ni yor ku ɓa.

Tlu̱nar ɓu̱ Pudeku 25:7

Ɓar ɓu̱ Bulus, tu̱ Yakhudeku na ɓa ki Urshalimang kara Bulus tu̱ da zhaano ɓaranku ɗyine ɗyiku khang maɗyi du̱mbu̱rkandi nu̱ke nu̱ ɗu̱ma wut zhire ni ku ɓa.

Tlu̱nar ɓu̱ Pudeku 28:22

Yang chem a shim tu̱k mi nu̱ khaaro, ɗyi nyem zu̱nki ɗyenda chin ke mewar shogar nang aakya zu̱ malkandi nu̱ ɗyinan.”

Romeku 12:17

Mbu̱ nduk wa mu̱na nu, ku̱ dli nu gaɗe ni ɓa. Shi ma khankal mbe shir ɗyi nu̱ke mbar she aaki.

Romeku 13:13

Bu ku̱ khar viti ɓaarem kha mbari wa nu̱ shipaki nduki nu̱ke a khar mbu̱ yarangi. Waare nggar zu̱mndi ku bam bam ndu̱ kuyari, ndu̱ zawar ku ndu̱ tlu̱nar ɗye zhaane ku nu̱ song kawa, ndu̱ dakhlari ndu̱ ɓar nu̱ shakhti ɗyin ndu̱ zhiri.

Romeku 14:18

Ku̱me nu̱ ghaari ghai ye Masiya ve njiv nang kap, ɗya nu̱ mu̱ndi memu̱na Magham, wa ka gwa dlu̱r she nduki tu̱k.

Romeku 15:9

Ma ku̱ nduki nu̱ke ɗya Yakhudeku ɓa vu̱r zhaaji ye Magham ku̱me ɗaanar ɓaran. Ba wa nu̱ke a nje bu̱laran za, “Ku̱me nang, ngga khamndor chele ndukiku nu̱ke ɗya Yakhudeku ɓa, ngga qa taazi khamndi Dlu̱moro.”

1 Korintiyeku 14:25

Ɗyi tukakandi nu̱ mbu̱ memu̱naran ka ra, tu̱ nggu̱ɗ nu̱ ye ghai tu̱ ghar ghai ye Magham, a zu̱ran za, “Magham a nje su̱yen ndu̱ tun shwat.”

2 Korintiyeku 1:12

Leendang nang ke wakhti ɓaarem, memu̱narem wa wuɗ yerem nu̱ ɗyine chem wa shi khar mbarkandi mbu̱ larji nang, nu̱ shi wa khar shakhshakhndi nyem shiki su̱yen ndu̱ tun ɓa, nu̱ pooni zhire na viki she Magham. Nyem shi nang nu̱ ku̱nshe kaɗari ɓu̱ nduk ɓa, kope nu̱ ku̱nshe mu̱nkir ɓu̱ Magham.

2 Korintiyeku 13:7

Chem a khuɗ Magham ku̱ shi nu ɗyi malkandi ɓa, yang tun shi ɗyi mbarkandi, aa nu̱ke nduki ka na wa chem ku̱na ku̱na.

2 Korintiyeku 8:21

Chem a ranna vaarem ku̱ shi mi ɗyi nu̱ke Magham ka tu̱kki mu̱ndan, tu̱ nduki kasha tu̱k.

Afiseku 2:3

Chem kap wa wora ɗau fara, chem a mbu shimndiku ɓu̱ man vaarem, chem a shikya ɗyi nu̱ man vaarem ndu̱ memu̱narem zu̱ki yerem ɗyenda. Ku̱me ɗye shir ɓaarem ɗya ɓu̱ man va, tu̱ga shokhnar ɓu̱ Magham a ɓa ɗyinerem ba wa nu̱ke a nje ɗyine wora.

Afiseku 4:22

Ai, ɗyi nu̱ shogaki viɗ ɗyine khar viti ɓaanu nu̱ zhu chin ke, ku̱ shakh nu ndu̱ ɗye shir malkandi nu̱ke tun shiki gana fara. Pooni ɗye shir nu̱ khaki su̱bu̱rtan ku̱me ɗye lambarku nu̱ke a shimndan;

Filipiyeku 1:27

Aa shi kikimndan shi ma khar nu̱ shipaki Labar mbarkandi ɓu̱ Masiya. Aa nga ɓa ma na nu, aa na nga ɓa ɓa, gwa nga labaran za tun chingndan shanggu̱ɗang, kwaari ɓaanu da mbu̱ Jiimbi da, tun a wute su̱yen ma gwa pooni maito nu̱ke a mbu̱ Labar Mbarkandang.

Filipiyeku 4:8

Ye lauɗar san, nyeezaku, ki ma kwaari ɗyine ɗyiku nu̱ke ɗya zhire, ɗyiku nu̱ke zhaaji si, ɗyiku nu̱ke torop, ɗyiku nu̱ke shakhshakh. Kom ndu̱ ɗyiku nu̱ke ku̱ nduk shimi, ɗyiku nu̱ke ku̱ nduk na tu̱ makhta, ɗyiku nu̱ dukki mbaari, kom ndu̱ ɗyiku nu̱ke ku̱ nduk kuna.

1 Tasalonikeku 4:12

Shir wanang ka sa tun kha ndu̱ zhaaji gume nduki nu̱ke ɗya nu̱ mbu Yesu ku ɓa, tun ɓu̱ kha ma shipit ye aaki zum ɓa.

1 Timoti 2:2

Tun shi wanang tu̱k ye kujiku ndu̱ nu̱ kwaaɗarku kap, ma ku̱ gwa mi khar mu̱ndi ndu̱ qaandi memu̱nar mbu̱ sawar Magham maɗyikandi ndu̱ khar viti shakhshakhndi ve aa nyi njiva.

1 Timoti 4:12

Njig na tu̱ njif nggur ndu̱mndor ku̱me to woi ɓa, yang to kha ma ɗye shoga chele ɓu̱ nu̱ mbu Yesu ku, mbe ɓala, ndu̱ khar viti ɓaaro, ndu̱ wuti ndola, ndu̱ maito, ndu̱ khar viti shakhshakhndi.

1 Timoti 5:10

Wa kha zu̱ndan mbe tlu̱nar ɗyi mbarkandi, wa mola qusonggi ɓaran mbari, ndu̱ dlu̱r runggiku. Kom ndu̱ tlu̱nar shaata ye nu̱ mbu Yesu ku, ndu̱ shaata nduki nu̱ke a mbu̱ damtari, ndu̱ vu̱rti ɗyinan ma shi ɗyi mbarkandi ve aa nyi njiva.

Yibraniyeku 13:18

Shi ma barar yerem. Chem wa maita nu̱ ɗyine nu̱ memu̱narem wut za chem wa shi zop ɓa. Chem a shim ku̱ shi mi ɗyi mbarkandi mbe tlu̱nar ɓaarem kap.

Yibraniyeku 13:5

Shakh ma ɗyinonu ndu̱ ndolar mu̱zhin, tun gu̱n memu̱nanu ndu̱ ɗyi nu̱ke a kha nu. Wonji Magham wa zu̱ za, “Sar da ngam ɓu̱ njigto nu ɓa, alambu̱ram, ngam ɓu̱ yaɓti nu gha ɓa.”

Yaqub 3:13

Yang ki chele ɓaanu ke nu̱ kaɗari ndu̱ dar mbu̱ tuna? Ku̱ nu̱ zhin wut ku̱nshe khar viti mbarkandi, ndu̱ tlu̱nar mbarkandi nyin ka shiki mbu̱ ɓu̱tokh memu̱nar nu̱ nduk ka gwaki mbe kaɗari.

1 Biturus 2:15

Jiwa ɗya shimndi ɓu̱ Magham ku̱ shi nu tlu̱nar mbarkandi gume nduki nu̱ke ghu̱rtan ku ɓa, ma ku̱ za nu me nduki nu̱ke a ɓalar ɗyine nu mbu̱ song zu̱ndi.

1 Biturus 3:16

Wanang tu̱k, shi ma aa nu̱m aakochi ndu̱ memu̱nar zhirekandi ku̱me mbu̱ wa zu̱ ɗyi malkandi nu̱ ɗyine nu, nduki nu̱ zu̱kyang ka tu̱k kawa ku̱me ɗye shir mbarkandi ɓaanu mbe Masiya.

1 Biturus 4:11

Njif nu̱ke vu̱rti ɓaran ɗya nu̱ waazu, ku̱ shi waazwang wa Magham ndu̱ ɗyinan kya ɓalarang nu̱ ku̱nshe nda. Mbu̱ yang vu̱rti ɓaran ɗya nu̱ tlu̱nar ye nduku, ku̱ ki tlu̱nar nang ndu̱ du̱mbu̱r nu̱ Magham vu̱rki yenda kap. Shi ma wanang ma ku̱ vu̱r nu gorkir ye Magham nu̱ ku̱nshe Yesu Masiya. Zhaaji ndu̱ kwaaɗar ɗya ɓaran koɗokhsi ɓa. Amin.

2 Bitu̱rus 3:11

Yang nu̱ke ka ɓa su̱ya ɗyiku nang nu̱gha kap wanang, shipa ku̱ khar ɓaanu kha kikimndana? Shi ma khar viti shakhshakhndi, tun vu̱r vaanu ye sawar Magham mbe aa nu̱m.