1 Biturus 2:11 - Mewar Alqawarang

¹¹ Raptaku nu̱ke nga ndolaran, nu̱ke tun a shikya khar runggu mbu̱ larji nang, maa kha nu fan ɓa, nga khutonu, shakh ma ɗyinonu ndu̱ ɗye shir malkandi nu̱ melakh ɓu̱ nduku, ɗye shir nang a wute ndu̱ jiimbonu.

1 Biturus 2:11 ပူးပေါင်းရင်းမြစ်များ

Luka 21:34

“Tun ku̱s va nu ye yen, ku̱me ku̱ khang kwaari ndu̱ zu̱mndi ndu̱ zari ndu̱ me kuya ndu̱ damtarku nu̱ mbu̱ larji nang nyigla nu ɓa. Ma ku̱ fu̱ɗar nang ɓa ruuma nu ruuma wa shaanggir ɓa,

Tlu̱nar ɓu̱ Pudeku 15:20

Buka bu̱lami lagarkati chem ze wor nyem za ku̱ zu̱m ɗye zu̱mndi nu̱ vu̱rki ye mu̱lu̱mku ɓa ndu̱ ku̱ shi zawa ku ɓa, yang ku̱ nji dlu nu̱ ghengki quran tu̱ mu̱t ndu̱ liipa ɓa, kom ndu̱ tom tu̱k.

Tlu̱nar ɓu̱ Pudeku 15:29

Tun shakh ɗyinonu ndu̱ ɗyiku nu̱ vu̱rki ye mu̱lu̱mku, ndu̱ tom, ndu̱ nji dlu nu̱ ghengki quran ghengi, ndu̱ zawari. Mbu̱ tun wa shakh ɗyinonu ndu̱ ɗyikunang, tun wa shi ɗyi mbarkandi. Mas mi laya.

Romeku 12:1

Ku̱me nang, nyeezaku, nga khutonu, mbe khang nar zhiyaye ɓu̱ Magham tun vu̱r ɗyinonu wa sadke nu̱ nyifiri, shakhshakhndi, pooni sadke nu̱ke Magham a shimndan. Nang ke njiv tlu̱nar mbarkandi ye Magham.

Romeku 7:23

yang nga na ɗyi nggur zum mbu̱ me barku ɓanga nu̱ke a dakhla ɗyi nu̱ke memu̱nara daki ya. Ɗyi nang wa sa tang kha ma maavi ɓu̱ sola nu̱ke a nje mbya.

Romeku 8:13

Mbu̱ke tun a shikya ɗye shir ɓu̱ nduku, tun ka mu̱ɗi. Mbu̱ yang tun wa tlagha me ɓu̱ nduk nu̱ka shiki solarang nu̱gha, nu̱ ku̱nshe zalale ɓu̱ Jiimba, tun kha ndu̱ nyifiri.

2 Korintiyeku 5:20

Ku̱me nang chem ke yiti Masiya she nduki, chem a khar wa Magham nu̱ ɗyinan kya ɓalar nu̱ ku̱nshe rem. Yang chem a khutonu mbu̱ dlu̱m Masiya, somta ma chele ɓaanu ndu̱ Magham.

2 Korintiyeku 6:1

Mbe tlu̱nar nu̱ke chem a shiran ndu̱ Magham, chem a khutonu, ku̱ njig nu mu̱nkir ɓaran tu̱ kha bam ɓa.

2 Korintiyeku 7:1

Nu̱ke wa shi alqawar ɗyiku nang yerem kap, nyeezaku, ku̱ shakh mi ɗyinerem ndu̱ ɗyiku nu̱ke ka saki tu̱ man vaarem ndu̱ memu̱na rem kha zopan. Bu ku̱ khar viti ɓaarem kha shakhshakh nyeedlan nu̱ sawar Magham.

Galatiyeku 5:24

Nduki ɓu̱ Masiya Yesu wa katl ɗye shirku ɓu̱ me manva gha su̱yen ndu̱ ɗyi malkandiku zum zum nu̱ke manva a shimndan.

Afiseku 2:19

Ku̱me nang, tun runggu tu̱k ɓa, tun wa kha ma ye ghaiku su̱yen ndu̱ nduki ɓu̱ Magham, tun qusa mbu̱ rafti ɓu̱ Magham.

Afiseku 4:1

Ku̱me nang, nga nu̱ke nga nje khiiran zhaaru̱m ku̱me mburi Zhinerem gwaanji, nga khutonu ku̱ shi nu pooni khar nu̱ shipaki zhaaji ɓu̱ qar nu̱ qaki nu.

2 Timoti 2:22

Ɗo shimndi ɗyiku malkandi ku bam bamndi nu̱ me woi, to sa ɗyinoro ma laɓ dambi ndu̱ maito ndu̱ ndola, ndu̱ qaandi memu̱na, su̱yen ndu̱ nduki nu̱ke a qa Zhinkir gwaanji ndu̱ memu̱nar shakhshakhndi.

Yibraniyeku 11:13

Nduki nang kap mu̱t mbe maito ɓaanda. Yang nu̱ dlu̱ ɗyi nu̱ Magham shiki alqawaranang ɓa dong, tu̱ na ɗyi nu̱ke a ɓakh, wa tu̱k mu̱ndi naran ku, tu̱ saida ku nu̱ ɗyine wora khar runggu, wor qusa larji nang ɓa.

Yibraniyeku 6:9

Raptaku, aa nu̱ke chem a pooni ɓalar nang, chem wa maita nu̱ ɗyine ɓaanu tun wa dlu̱ barke nu̱ dukki mbaari qu̱rse ɗanar ɓaanu.

Yaqub 4:1

Nu̱m ke nu̱ ɓar ndu̱ keele ndu̱ dakhlari chele ɓanwang na? A ɓa ku̱me melakhku zum zumndi nu̱ke a dakhlar mbu̱ vaanu ɓa goma?

1 Biturus 1:1

A vi she Biturus, pude ɓu̱ Yesu Masiya. Ma yir she nduki ɓu̱ Magham nu̱ datki, nu̱ke a khar runggiku mbu̱ larji, lakhtakandi ku mbu̱ ghai Pontus, ndu̱ Galatiya, ndu̱ Kapadokiya, ndu̱ Asiya, ndu̱ Bitiniya.

1 Biturus 1:17

Ma nu̱ke tun wa ka qa Magham “Zhinki” sarchi nu̱ke tun a barari. Ku̱me nang tun shi khar ɓaanu ndu̱ sawa ma ɓar ye sarchi nu̱ke tun ka woɗaki khar runggi nu̱ke tun a shiran mbu̱ larji nang. Ku̱me Magham ɗya nu̱ kuma yang ka kuma tlu̱nar ɓu̱ aa nyi nduku waare shimndi ɗyin.

1 Biturus 4:12

Nyeeza nu̱ke nga ndolaran, shi nu lazham ku̱me bonyeku gu̱rgu̱rndi nu̱ke a gwa nu ma buuro nu ɓa. Ku̱ da nu za ɗya ɗyi mewakandi kya gwa nu ɓa.

1 Biturus 4:2

Ku̱me nang khar ɓaran mbu̱ man va, ɗyi nu̱ke ka shiki zalale ndu̱ chin, ɗya shimndi ɓu̱ Magham, ɓu̱ mbu shimndi ɓu̱ manva ɓa.

2 Bitu̱rus 3:1

Raptaku nu̱ke nga ndolaran, leendang nang ke lagarkati ɓang nu̱ rap nang ru̱kki ye nu. Yang mbu̱ lagarkati ɓang ku rapndi nang nga bu̱la ɗyiku nu̱ke ka saki nu tun mbu Magham ndu̱ memu̱nar da.