1 Biturus 1:23 - Mewar Alqawarang

²³ Jiwa tun wa gwa mewar khari. Yang mewar nyifi ɓaanu nang tun gwa she pooni nu̱ke wa ka mu̱t ɓa, tun gwa she pooni nu̱ke nu̱ka shi mu̱t ɓa. Kha nu nu̱ ku̱nshe ɓalar ɓu̱ Magham nu̱ke nyifiri a si yang nu̱ka shi mu̱ti ɓa.

1 Biturus 1:23 ပူးပေါင်းရင်းမြစ်များ

Matta 24:35

Maa viɗi ndu̱ maa vu̱ghai ka woɗa yang ɓalar ɓang ɓu̱ pasha aa koɗom ɓa.

Luka 8:11

“Wonji mbakhti mbu̱ ku̱rti ɓalarang: Ye poonang ɗya ɓalar ɓu̱ Magham.

Yokhana 1:13

Nu̱ kha ma qusonggi ɓu̱ Magham ve njiv gwar qusonggi ɓu̱ nduk ɓa, yang nu̱ ku̱nshe gontar ɓu̱ nusu ndu̱ khusku ɓa, yang shimndi ɓu̱ nduk ɓa. Ɗya shir ɓu̱ Magham.

Yokhana 1:3

Shi aa nu̱m nu̱ ku̱nshe nda, tun a nje nu̱ du̱ngki mbu̱ ɗyiku nu̱ shiki kunang waare chin ɓa.

Yokhana 3:3

Tu̱ Yesu tlogha yenda za, “Zhire, zhire, nga zu̱ran yoro mbu̱ nu̱ gaɓ tu̱ kha nduk nu̱ si zu̱m ɓa ɓu̱ na kwaaɗar ɓu̱ Magham ɓa.”

Yokhana 3:5

Tu̱ Yesu tlogha yenda za, “Zhire zhire nga zu̱ran yoro, mbu̱ nu̱ kha nduk nu̱ ku̱nshe ɗyim ndu̱ Jiimba ɓa, ɓu̱ vi nu̱ mbu̱ kwaaɗar ɓu̱ Magham ɓa.

Yokhana 6:63

Jiimba ke nu̱ vu̱rti nyifi, zalale aa nu̱m kha manva ɓa. Ɓalarku nang zu̱ki ye nwang ɗya jiimba, ndu̱ nyifi.

Romeku 1:23

Tu̱ zhang ghar ghai ye Magham nu̱ zhaaji nu̱ke nu̱ka mu̱t ɓa, tu̱ ki ghar ghai ye mu̱lu̱mku nu̱ shiki mbu̱ shipar ɓu̱ nduku nu̱ka mu̱tki. Kom ndu̱ shipar ku ɓu̱ ɗyikhtiku, ndu̱ ɗye nggarku, ndu̱ pooni su̱tiku ndu̱ kashangku.

Yibraniyeku 4:12

Ɓalar ɓu̱ Magham nyifi si yang a tlu̱na shwat, me nang nyamnyam wa duk aa nyi kaskar nu̱ke men rap. Wa ka vi nu̱ mbe nduku, tu̱ mber chele ɓu̱ jiimbi nduku ndu̱ nyifiri ɓaran, tu̱ vi chele ɓu̱ mebarku ndu̱ ɓolgo. Wa ka kuma kwaari ɓu̱ nduku ndu̱ ɗyi nu̱ ku̱rki mbu̱ memu̱naran.

Yaqub 1:18

Magham shimki ku̱ kha rem ku̱nshe ɓalar ɓaran zhirekandi ma ku̱ duk mi ɗyiku nyin du̱ngki ndu̱ zhaaji.

1 Biturus 1:25

yang ɓalar ɓu̱ Magham a nje aakochi koɗokh si ɓa.” Ɓalar nang chin ke Labar mbarkandi nu̱ shiki waazu ni ye nu.

1 Biturus 1:3

Barke wa kha Magham, Zhin Zhinerem gwaanji Yesu Masiya! Chin tu̱kki zhiyaye ɓaarem maɗyi, tu̱ vu̱r mewar nyifi yerem ndu̱ sar memu̱nar nu̱ nyifiri nu̱ ku̱nshe jiiri ɓu̱ Yesu Masiya ɓar mbe mu̱ti.

1 Yokhana 3:9

Kap njif nu̱ke ɗya yi ɓu̱ Magham ɓu̱ zu̱m guma ndu̱ sola ɓa, ku̱me ye pooni ɓu̱ Magham a nje mbe nda. Ɓu̱ ɗu̱ma zu̱m guma ndu̱ sola ɓa ku̱me wa kha ma yi ɓu̱ Magham.

1 Yokhana 5:18

Chem wa zu̱n kap njif nu̱ke ɗya woi ɓu̱ Magham, nu̱ka zu̱m guma ndu̱ shir sola ɓa, ku̱me Yi ɓu̱ Magham a kangga nda, ma ku̱ Sheɗan su̱ɓa nda ɓa.