1 Biturus 1:22 - Mewar Alqawarang

²² Leendang nu̱ke tun wa kha shiɓtan nu̱ ku̱nshe mburi su̱qur zhire tun a ndola nyeezo nu ndu̱ memu̱na nu da, ndolama yen maɗyi mbu̱ memu̱nanu.

1 Biturus 1:22 ပူးပေါင်းရင်းမြစ်များ

Yokhana 15:17

Ɓalar nang zu̱ki ye nu chin ke ndola ma yen.”

Yokhana 15:3

Aa leendang tun shakhshakh ku̱me ɓalar nang zu̱ki ye nu.

Yokhana 17:17

Ku̱ kha wakaran ku Shakhshakh mbe zhire; ɓalar ɓa ke zhire.

Yokhana 17:19

Nga kha wakaran ku̱me wora, nga shim ku̱ gwa wakar zhirekandi ku.”

Tlu̱nar ɓu̱ Pudeku 15:9

Nu̱ shakh chele ɓaarem ndu̱ wor ɓa, ku̱me wa sa memu̱na wor tu̱ kha shakhshakh nu̱ ku̱nshe maitar Yesu nu̱ shiki ku.

Tlu̱nar ɓu̱ Pudeku 6:7

Tu̱ ɓalar ɓu̱ Magham shaata yir aa fu̱n. Tu̱ nu̱ mbu Yesu ku shaata shir khang maɗyi mbu̱ ghai Urshalima. Kuruku khang tu̱ maita labar mbarkandang.

Romeku 1:5

Barke ɓu̱ Yesu Masiya ndu̱ dlu̱man saki chem gwa mu̱nkir tu̱ qa rem ma khami ma pudeku ɓaran, ma ku̱ qa mi nduki nu̱ mbu̱ ghaiku kap ku̱ maita tu̱ mbu zu̱r ɓaranku.

Romeku 2:8

Yang nu̱ shimndi ɗyin ku, nu̱ke ka tlu̱nakya song zhire ndu̱ mu̱na, ka ɓi wor mbe su̱bu̱rti memu̱na ndu̱ shokhna.

Romeku 8:13

Mbu̱ke tun a shikya ɗye shir ɓu̱ nduku, tun ka mu̱ɗi. Mbu̱ yang tun wa tlagha me ɓu̱ nduk nu̱ka shiki solarang nu̱gha, nu̱ ku̱nshe zalale ɓu̱ Jiimba, tun kha ndu̱ nyifiri.

2 Korintiyeku 6:6

Mbe khar wakakandi, mbe dar mbu̱ tunu, mbe kanaɗyi ndu̱ mbarki, nu̱ ku̱nshe Jiimbi ɓu̱ Magham ndu̱ ndolar zhirekandi.

Galatiyeku 3:1

Tun nggu̱bu̱ng Galatiyeku, ki zu̱mki ɗyinonwa? Nga nang, nga wutki Yesu Masiya nu̱ katlki nda gha ɗyin qu̱far kaatli ye nu ye dalangi.

Galatiyeku 5:5

Yang ɓaarem, chem wa sa memu̱narem nu̱ ɗyine Magham ka sa chem gwa khar waare sola gume nda. Nang ke ɗyi nu̱ke chem a buran nu̱ ku̱nshe Jiimbi shakhshakhndi nu̱ke a tlu̱nar mbe maitar Masiya nyem shiki.

Galatiyeku 5:7

Tun a ɗar mbarkandi gumapaali. Yang ki zhaki nu̱ gume nu mbe mburi zhiryang na?

Afiseku 4:3

Shi ma ɗyi nu̱ke tun ka ɗu̱maki kap ma ku̱ ɗang nu khar da nu̱ Jiimba vu̱rki ye nu, nu̱ ku̱nshe qaandi memu̱nar nu̱ gu̱nki nu nu̱ ye maa da.

Filipiyeku 1:9

Nga barar ku̱ Magham sa tu̱ ndolar ɓaanu ndu̱ zu̱ndi Magham nun shiki ndu̱ dar mbu̱ aa nyi tun shaata tu̱ duk wanang.

1 Tasalonikeku 3:12

Bu ku̱ Zhinkir gwaanji sa tun shaata tun boosa mbe ndolar yen ndu̱ ndolar nduki kap, ba wa nyem ndolaki nu.

2 Tasalonikeku 1:3

Nyeezerem, wa ku̱s ku̱ kuna mi Magham ku̱me tunu aakochi. Wa kha torop ku̱ shi mi wanang, ku̱me maito ɓaanu a gwaari maɗyi, ndolar nu̱ke tun a shiran ye yen a shaatar tu̱k.

2 Tasalonikeku 2:13

Yang wa ku̱s ku̱ kuna mi Magham aakochi ku̱me tunu, nyeezaku nu̱ke Magham a ndolaran. Ku̱me vu̱ nggarsan Magham wa daato nu tun gwa ɗanar nu̱ ku̱nshe zalale ɓu̱ Jiimbi nu̱ shiɓki nun gha kom ndu̱ nu̱ ku̱nshe maitar zhire.

1 Timoti 1:3

Nga shim ku̱ kha na gha mbu̱ ghai Afisa, ba wa nang khuɗki ku̱ shi na sarchi nu̱ke nga Makidoniya, ma ku̱ wu na ɓeeni nduki nu̱ke a shogar wollo nang ku̱ njig ku.

1 Timoti 1:5

Nga ɓalar nang ma ku̱ kha nu ndu̱ ndolar na viki mbe memu̱nar shakhshakhndi, ndu̱ konyi mbarkandi, ndu̱ maito piikandi.

1 Timoti 4:12

Njig na tu̱ njif nggur ndu̱mndor ku̱me to woi ɓa, yang to kha ma ɗye shoga chele ɓu̱ nu̱ mbu Yesu ku, mbe ɓala, ndu̱ khar viti ɓaaro, ndu̱ wuti ndola, ndu̱ maito, ndu̱ khar viti shakhshakhndi.

1 Timoti 5:2

geema nusuku wa mankirku, wonkharku wa nyeezoro, ndu̱ shakhshakh memu̱na maɗyi.

2 Timoti 1:14

Khutlo shogar zhirekandi nu̱ vu̱rki du̱ngdan ye ro nu̱ ku̱nshe shaatar ɓu̱ Jiimbi shakhshakhndi nu̱ke kharan mbe rem.

Yibraniyeku 11:8

Maito saki tu̱ Yibram mbu zu̱r ɓu̱ Magham tu̱ ku̱s njiv ma yir ye maa nggur zum nu̱ shiki alqawaran yenda za ka ɓa zu̱m ɗye mbu̱ ge ni. Tu̱ yang ku̱s njivi aa nu̱ke nu̱ zu̱n ye maa nu̱ke chin a yir su̱ ɓa.

Yibraniyeku 13:1

Zu̱m ma guma ndu̱ wuti ndolar khachinkir ye yen.

Yibraniyeku 5:9

Ma nu̱ khaki nyeedlan, tu̱ kha ma dlu̱dlarsi ɗanar nu̱ke woɗa su̱ ɓa ye nduki nu̱ke a mbu su̱quran kap.

Yibraniyeku 6:10

Magham ɗya nu̱ song shir zhire ɓa. Ɓu̱ mona tlu̱narku nun shiki nu̱ ndolar nun wutki yenda sarchi nu̱ke tun a shaata nu̱ mbu Yesu ku ɓa, ba wa nu̱ke tun a ɗyin shiran ma ɓar meeni.

Yibraniyeku 9:14

yang tom ɓu̱ Masiya ɗa? Chin nu̱ke beeko ve nda ɓa, nu̱ vu̱rki ɗyinan ye Magham nu̱ ku̱nshe Jiimbi nu̱ke koɗokhsi ɓa. Ai, shiɓ memu̱narem nu̱gha chem njig konyiku ɓu̱ memu̱narem nu̱ke boota su̱ ɓa nu̱ka daki rem ye mu̱ti, ma ku̱ gharmi ghai ye Maghamndi nu̱ nyifiri.

Yaqub 1:21

Ku̱me nang, wos ma kap ɗye shir malkandi nu̱ solari ndu̱ pooni mu̱narku gha, tun dlu̱ ɓalar nu̱ kaɓki nu̱ mbu̱ memu̱na nu nu̱ka vu̱rki ɗanar ye nu ndu̱ ɓu̱tokh memu̱na.

Yaqub 4:8

Kha ma bing ndu̱ Magham, Magham ka shi bing ndu̱ tunu. Tun nu̱ solar ku, tun kwaɗa ɗye shir ɓaanu tun kha wakaran. Tun nu̱ke memu̱nanu rap rap yang, shiɓ ma memu̱na nun gha

1 Biturus 1:2

Tun ke nduki nu̱ Magham Zhinki datki nu wa nu̱ daasaki, tu̱ gaɓ ndu̱ tun konggol nu̱ ku̱nshe wakar nu̱ Jiimbi shakhshakhndi shiki ye nu. Ɗya shimndi ɓaran ku̱ mbu nu zu̱r ɓu̱ Yesu Masiya, tun gwa boote ni nu̱ Ku̱nshe baatli tom ɓaran. Bu ku̱ Magham boosa nu ndu̱ mu̱nkir ndu̱ qaandi memu̱nari.

1 Biturus 2:17

Vu̱r ma zhaaji ye aaki: Tun ndola nyeezonu nu̱ mbu Yesu, sawa ma Magham, tun vu̱r zhaaji ye kuji gwaanji.

1 Biturus 3:1

Tun nusuku ɓu̱rkandi vu̱r ma ɗyinonu ye zhimenu. Ku̱me mbu̱ khuzuku nggur chele ɓaanda nu̱ maita ɓalar ɓu̱ Magham ɓa, bai nu̱ ku̱nshe ɗye shir mbarkandiku ɓu̱ nusuki ɓaanda ka nggot ku, aa nduk a nje nu̱ shiki ɓala ye wor ɓa.

1 Biturus 3:20

Nang ke jiimbiku nu̱ mbu̱ zhaaru̱m nu̱ zhangki mbu zu̱r ɓu̱ Magham gha zhu ye sarchi ɓu̱ Nukhu. Aa nu̱ke Magham wa shi kaɗanyi ye sarchi nu̱ke Nukhu a khu̱ɓ du̱mbu̱lang. Ba nduki koɗom ɗanaki mbu̱ du̱mbu̱lang ye sarchi ni, nduki miyasi lawaki mbe ɗyimang.

1 Biturus 3:8

Ye lauɗar san, gonta ma ɗyinonu ye maa da tu̱ kwaari ɓaanu kha da. Tun a na zhiyaye ɓu̱ yen, tun a ndola yen wa khachinkirku, tun a shaata yen gwaari ɗyin su̱ ɓa.

1 Biturus 4:17

Jiwa sarchi kumar nduki a ɓa. Yang ka nggaasan ndu̱ nduki ɓu̱ Magham. Mbu̱ yang ka nggaasi kumarang ndu̱ chem, ɓu̱ nduki nu̱ zhangki tu̱k Labar mbarkandi na viki she Magham ɗa ka kha kikimndana?

1 Biturus 4:8

Guma ndu̱ aa nu̱m, ndola ma yen ndu̱ memu̱na nu da. Ku̱me ndola wa ka lu̱pa ɗyin zop khangndi.

2 Bitu̱rus 1:7

Nu̱ ɗyine sawar Magham tun shaata mbarkir ye yen. Ɗyine mbarkirang tun shaata ndola.

1 Yokhana 3:11

Nang ke ɓalar nun tu̱kki gumapaali: Wa shipa ku̱ ndola nu yen.

1 Yokhana 3:23

Nang ke ɗyi nu̱ Magham zu̱ki za shem chin ke ku̱ maita mi dlu̱m Yi ɓaran Yesu Masiya, chem ndola yen tu̱k wa nu̱ Masiya zu̱ki yerem.

1 Yokhana 4:12

Nduk a nje nu̱ naki Magham sar da ɓa, yang mbu̱ chem a ndola yen, Magham a nje kharan mbe rem ɗo, ndolar ɓaran nang wa kha nyeedlan mbe rem.

1 Yokhana 4:20

Yang mbu̱ njif nggur wa zu̱ za, “Nga ndola Magham,” yang a zhang mu̱dlen, njif nang a shikya wollo. Ku̱me kap njif nu̱ke nu̱ka ndola mu̱dlen nu̱ke a naran ɓa, ɓu̱ ɗu̱ma ndola Magham nu̱ke sar da nyin na nda ɓa nda ɓa.

1 Yokhana 4:7

Raptaku nu̱ke nga ndolaran, ndola mi yen ku̱me ndola ka vi she Magham. Kap njif nu̱ka wutki ndola ɗya yi ɓu̱ Magham, wa zu̱n Magham tu̱k.

Ɗyin mbu̱ tukari 2:4

Yang wonji damtar ɓang ndu̱ to, ta njig wuti ndolar ɓaa nu̱ gumapaalyang.