1 Biturus 1:2 - Mewar Alqawarang

² Tun ke nduki nu̱ Magham Zhinki datki nu wa nu̱ daasaki, tu̱ gaɓ ndu̱ tun konggol nu̱ ku̱nshe wakar nu̱ Jiimbi shakhshakhndi shiki ye nu. Ɗya shimndi ɓaran ku̱ mbu nu zu̱r ɓu̱ Yesu Masiya, tun gwa boote ni nu̱ Ku̱nshe baatli tom ɓaran. Bu ku̱ Magham boosa nu ndu̱ mu̱nkir ndu̱ qaandi memu̱nari.

1 Biturus 1:2 ပူးပေါင်းရင်းမြစ်များ

Matta 24:22

Mbu̱ nu̱ kata qaandi virkirku nang nu̱gha ɓa, tu̱ga aa da nduka nje nu̱ke ka ɗanaki ɓa. Yang ku̱me nduki datkandikwang, ka kata qaandi virkirkwang nu̱gha.

Matta 24:24

Ku̱me Masiye kotameku ndu̱ annabi kotameku kaɗa vi ku, tu̱ shi shipar ɗyiku ndu̱ ɗye lazhamku, ma ku̱ lamba nda nduki, ndu̱ aa nduki datkandiku mbu̱ ka shi.

Matta 24:31

Kaɗa ru̱k nu̱ ru̱ktiku ɓaran tu̱ pi domndi nu̱ qur maɗyi, tu̱ taba nduki nu̱ datki ɗokhatla ndu̱ mugu, kona ndu̱ zan ndu̱ aa fu̱n mbu̱ larji.

Markus 13:20

Mbu̱ Magham kataki qaandi virkir bonyang nu̱ gha ɓa, tu̱ga nduka nje nu̱ke ka ɗanaki ɓa. Yang wa kata nu̱ gha ku̱me daatiku ɓaran.

Markus 13:22

Ku̱me Masiye nu̱ kotame ku ndu̱ annabi kotame ku ka ɗa viiku, kaa wut ɗye saidu ku, ndu̱ ɗye lazham ku, ma lamba nduki, mbu̱ ka ɗu̱ma ku tu̱ga ka lamba aa nduki datkandikwang.

Markus 13:27

Yang ka ru̱k nu̱ ru̱ktiku ɓaran ta kanggu̱la daatiku ɓaran nu̱ ye maa da. Ji ɗyin daatiku nu̱ke a ɗokhatla, ma yir mugu, kom ndu̱ nu̱ke a kona maa yir zan. Ji ɗyin tleebi larji nang ma yir tleebi larji nang ndang.

Luka 18:7

Yang alapa Magham ɓu̱ ɗa kobyo ɓu̱ daatiku ɓaran nu̱ kya ghoori yenda fu̱ɗar ndu̱ virkir ɓa? Ka zhang tu̱k wor gha mu?

Tlu̱nar ɓu̱ Pudeku 15:18

Nang ke zu̱r ɓu̱ Zhinkir gwaanji, chin nu̱ wutki ɗyiku nang zhu tang.

Tlu̱nar ɓu̱ Pudeku 2:23

Me ku̱ vu̱r khuski nang nu̱ mbu̱ kha nu ma ku̱ nu̱ solarku kaatli nda gha, Magham wa zu̱ni ku̱me chin daasaki.

Tlu̱nar ɓu̱ Pudeku 20:32

“Yang leendang, nga sa nun mbu̱ khar Magham. Bu ku̱ ɓalar mu̱nkir ɓaran khutlo nu, chin ka du̱nki nu, tu̱ vu̱r me shakhti ɗye mbu̱ ge ɓaanu ye nu su̱yen ndu̱ nduki nu̱ wakaki var wora.

Romeku 1:5

Barke ɓu̱ Yesu Masiya ndu̱ dlu̱man saki chem gwa mu̱nkir tu̱ qa rem ma khami ma pudeku ɓaran, ma ku̱ qa mi nduki nu̱ mbu̱ ghaiku kap ku̱ maita tu̱ mbu zu̱r ɓaranku.

Romeku 1:7

Nga bu̱laran ye nu kap ɓaanu nu̱ke tun a Roma, tun nu̱ke Magham a ndolaran, tu̱ qa nu ma ku̱ kha nu ma khalandi ɓaran. Ku̱ mu̱nkir ndu̱ qaandi memu̱nar she Magham Zhinerem ndu̱ Zhinerem gwaanji Yesu Masiya kha gha su̱yen ndu̱ tunu.

Romeku 11:2

Yang Magham nu̱ zhang nduki ɓaran nu̱ datki gumapaali ɓa. Tun wa zu̱n ɗyi nu̱ bu̱lar Ɓalar ɓu̱ Magham zu̱ki nu̱ ɗyine Iliya, Iliya wa gho ye Magham ɗyine Israila a zu̱ran za,

Romeku 11:28

Mbu̱ ye me ɓu̱ Labar Mbarkandang, Yakhudeku wa kha ma nu̱ kare ɓu̱ Magham ku̱me tunu. Yang mbu̱ ye me ɓu̱ daati, wa gwa ndolarku she Magham ku̱me zhikankirku ɓaanda.

Romeku 15:16

Ma ku̱ kha nga ma nu̱ tlu̱nar ɓu̱ Masiya Yesu ye nduki nu̱ke ɗya Yakhudeku ɓa, su̱yen nu̱ tlu̱nar kuru ɓu̱ Magham nu̱ wopar Labar Mbarkandi ɓu̱ Magham. Ma ku̱ nduki nu̱ke ɗya Yakhudeku ɓa kha ma sadke dlu̱kandi she Magham, nduki nu̱ wakaki wor gha nu̱ ku̱nshe Jiimbi shakhshakhndi.

Romeku 16:19

Aaki wa tu̱k ɓalar dlu̱r Labar mbarkandi nun shiki tun a mburan, nang wa sa tang kasha nu. Yang nga shim ku̱ kha nu ndu̱ kaɗari mbe ɗyi mbarkandi, tun kha waare zop mbe aa nyi ɗyi nu̱ke malkandi.

Romeku 16:26

yang leendang a ɗal ye dalangi nu̱ ku̱nshe bu̱larku ɓu̱ annabiku. Nu̱ ku̱nshe zu̱r ɓu̱ Magham nu̱ke lauɗarsi ve nda ɓa, yang wa wut ɗyen tu̱k ye nduki kap, ma ku̱ maita ku ku̱ mbu.

Romeku 8:13

Mbu̱ke tun a shikya ɗye shir ɓu̱ nduku, tun ka mu̱ɗi. Mbu̱ yang tun wa tlagha me ɓu̱ nduk nu̱ka shiki solarang nu̱gha, nu̱ ku̱nshe zalale ɓu̱ Jiimba, tun kha ndu̱ nyifiri.

Romeku 8:33

Ki ka daki zhaano ɓu̱ nduki nu̱ Magham datkyang na? Ai, Magham nu̱ ɗyinan gaɓki ndu̱ wor tu̱ kha waare sola gume nda.

1 Korintiyeku 1:30

Magham saki ku̱ khanu nu̱ mbe Masiya Yesu, chin saki tu̱ Masiya kha chin ke kaɗari ɓaarem. Chem gwa dlu̱r she Magham, chem kha ma nduki ɓaran wakakandi chem lawa me khar maavi ɓu̱ sola nu̱ ku̱nshe nda.

1 Korintiyeku 6:11

Ɓeeni nduki chele ɓaanu wa shi ɗyiku nang zhu, yang leendang wa waka nun konggol. Wa sa nun mbu̱ khar Magham. Tun wa kha ma nduki nu̱ke zopan ɓa she Magham mbu̱ dlu̱m Zhinerem gwaanji Yesu Masiya, ndu̱ Jiimbi shakhshakhndi ɓaarem.

2 Korintiyeku 10:5

Chem wa ka ra aa nyi keele, chem gu̱ɗa aa nyi ɓalar nu̱ ka nggu̱tlki zu̱ndi Magham nu̱gha si, chem sa nduki tu̱ shi kwaari mbu̱ ghaari ghai ndu̱ mbu zu̱r ɓu̱ Masiya nu̱ke a shiran ku.

2 Korintiyeku 13:14

Bu ku̱ mu̱nkir ɓu̱ Zhinerem gwaanji Yesu Masiya, ndu̱ ndolar ɓu̱ Magham, ndu̱ khar mu̱nkandi ɓu̱ Jiimbi shakhshakhndi, kha gha su̱yen ndu̱ tun kap.

Kolosiyeku 3:12

Tun ke nduki ɓu̱ Magham a ndolanu tu̱ daato nu ma ku̱ kha nu ma ɓaran. Ku̱me nang tun ki na zhiyaye ɓu̱ yen, tun a mbarkir ye yen, ndu̱ katar ɗyin ndu̱ ɓu̱tokh memu̱nar ndu̱ gu̱ndi memu̱na.

2 Tasalonikeku 2:13

Yang wa ku̱s ku̱ kuna mi Magham aakochi ku̱me tunu, nyeezaku nu̱ke Magham a ndolaran. Ku̱me vu̱ nggarsan Magham wa daato nu tun gwa ɗanar nu̱ ku̱nshe zalale ɓu̱ Jiimbi nu̱ shiɓki nun gha kom ndu̱ nu̱ ku̱nshe maitar zhire.

2 Timoti 2:10

Yang nga gu̱n memu̱nara ndu̱ aa nu̱m ku̱me nduki datkandi, ku̱ gwa ɗanar ku nu̱ ku̱nshe Masiya Yesu, tu̱ gwa viri nu̱ mbu̱ zhaaji nu̱ke nu̱ka shi woɗa ɓa.

Titus 1:1

Lagarkati nang a vi she Bulus maavi ɓu̱ Magham ndu̱ pude ɓu̱ Yesu Masiya. Daati nga tu̱ ru̱kti nga ma ku̱ pa nga du̱mbu̱r ye maito ɓu̱ nduki nu̱ Magham datki ma shaata nga wor tu̱ zu̱n zhire nu̱ khaki torop ndu̱ nu̱ mbu Magham ku.

Yibraniyeku 10:22

Ku̱me nang a song mi nu̱ bing ndu̱ Magham ndu̱ memu̱nar zhirekandi, ndu̱ maito nu̱ke memu̱na rem rap rap ɓa. A song mi ndu̱ memu̱nar nu̱ shiɓki nu̱ gha mbe sola tu̱ kha shakhshakh, kom ndu̱ man var nu̱ shiɓki nu̱ gha ndu̱ ɗyim shakhshakhndi nggarnggar.

Yibraniyeku 11:28

Maito saki tu̱ Musa shi Tabar peetar ɗyinang, tu̱ batl tom ma ku̱ nu̱ tlaghar gomirkwang su̱ɓa qusa Israila ɓa.

Yibraniyeku 12:24

Tun a ɓakya she Yesu nu̱ daasaki mewar alqawar chele ɓu̱ Magham ndu̱ nduki ɓaran, kom tu̱ batl tom nu̱ka shiki ɓalar mbarkandi tu̱ duk tom ɓu̱ Khabila.

Yibraniyeku 5:9

Ma nu̱ khaki nyeedlan, tu̱ kha ma dlu̱dlarsi ɗanar nu̱ke woɗa su̱ ɓa ye nduki nu̱ke a mbu su̱quran kap.

1 Biturus 1:14

Ye leendang nu̱ke tun wa kha ma qusonggi mbarkandi, ku̱ njig nu ɗyi nun ka kashaki shiran ɗau fara tu̱ da khangkal ɓaanu ɓar ɓa. Sarchi nun ka shiki ɗyiku nang ɗau fara ai tun a shiranang ku̱me song zu̱ni.

1 Biturus 1:19

Dli ɗyinonu ndu̱ tom ɓu̱ Masiya nu̱ke zhaaji a si, wa kha wa ye gamndi nu̱ sadke, nu̱ke me chiɓi nje ve nda ɓa yang beeko ɓa.

1 Biturus 1:20

Magham datkya chin me ku̱ du̱ng larji, yang wuti nda ye dalangi ye lauɗar su̱ qaandi virkirku nang ku̱me tunu.

1 Biturus 1:22

Leendang nu̱ke tun wa kha shiɓtan nu̱ ku̱nshe mburi su̱qur zhire tun a ndola nyeezo nu ndu̱ memu̱na nu da, ndolama yen maɗyi mbu̱ memu̱nanu.

1 Biturus 2:9

Yang ɓaanu, tun nduki nu̱ Magham datki ndu̱ varan tun tabar ɓu̱ kuruku ɓu̱ Kuji gwaanji. Tun dlar ghai shakhshakhndi tun nduki ɓu̱ Magham ma ku̱ wopa nu khamndiku ɓaran chin nu̱ qaki nu ɓar mbu̱ zhumi ma yir mbu̱ yarang ɓaran nu̱ke ɗya ɗye lazham.

2 Bitu̱rus 1:2

Bu ku̱ Magham shaata mu̱nkir ndu̱ qaandi memu̱nar maɗyikandi ye nu mbe zu̱ndi Magham ndu̱ Yesu Zhinerem gwaanji.

2 Yokhana 1:1

Lagarkati nang a vi she ku̱maandang ma yir she nokhzi nu̱ Magham datki ndu̱ qusonggi ɓaran, nu̱ke nga ndolaran mbe zhire. Yang nga kya ndola wor ɗyenda ɓa, kap nduki nu̱ zu̱nki zhire ɓu̱ Magham a ndola wora.

2 Yokhana 1:13

Qusonggi ɓu̱ khachinkir ɓa nusukandi nu̱ Magham datki a qaandi ye nu ku.

Yakhuda 1:2

Bu ku̱ nar zhiyaye, ndu̱ qaandi memu̱na, ndu̱ ndola ku̱ boosa nu.