1 Biturus 1:19 - Mewar Alqawarang

¹⁹ Dli ɗyinonu ndu̱ tom ɓu̱ Masiya nu̱ke zhaaji a si, wa kha wa ye gamndi nu̱ sadke, nu̱ke me chiɓi nje ve nda ɓa yang beeko ɓa.

1 Biturus 1:19 ပူးပေါင်းရင်းမြစ်များ

Matta 20:28

Wanang ni, Yi ɓu̱ Nduk na ɓa ku̱ nduki shi tlu̱nar maava yenda ɓa, a ɓa kya ma tlu̱na, kom ku̱ vu̱r nyifi ɓaran ma ɗanar nduki khang.”

Matta 26:28

Ku̱me nang ɗya tom ɓanga, nu̱ nyedli alqawar nu̱ke a ma mbu̱ti ku̱me nduki khang ma ndu̱m sola.

Yokhana 1:29

Vi dumaaran, tu̱ Yokhana na Yesu a ɓar she nda. Tu̱ Yokhana zu̱ za, “Nggu̱t ma! Wonji Ye gamndi ɓu̱ Magham nu̱ kya da solar ɓu̱ larji ɓara.

Yokhana 1:36

Tu̱ na Yesu a peetari, tu̱ zu̱ za, “Nggu̱t ma, won da Ye gamndi ɓu̱ Magham!”

Tlu̱nar ɓu̱ Pudeku 20:28

Tun ɗang vaanu, ndu̱ shapir Jiimbi shakhshakhndi saki nu̱ mbu̱ bu̱nonu ma nggu̱t nu, tun zu̱m guma ndu̱ khutlo tabar ɓu̱ nu̱ mbu Yesu ku nu̱ Magham masaki ndu̱ tom ɓu̱ Yi ɓaran.

Romeku 3:25

Magham wa vu̱r Yesu tu̱ kha ma sadke nu̱ daki shipiti solar ɓaarem ɓara nu̱ ku̱nshe maitar tom ɓaran nu̱ mbu̱ɗki. Magham shi wanang ma wut ɗyi toropndi nyin shiki ku̱me wa gu̱n memu̱naran, tu̱ njig solarku nu̱ nduki shiki zhu nu̱ kuma wor ɓa.

Afiseku 1:7

Mbe nda chem wa gwa dli ɗyin nu̱ ku̱nshe tom ɓaran, nang ke yaapar solar ɓaarem nu̱ shiki yerem. Yang shi nang yerem ku̱me khang mu̱nkir ɓaran

Kolosiyeku 1:14

chem gwa dli ɗyin nu̱ ku̱nshe nda, nang ke, ndu̱mndi solarku ɓaarem.

1 Biturus 1:2

Tun ke nduki nu̱ Magham Zhinki datki nu wa nu̱ daasaki, tu̱ gaɓ ndu̱ tun konggol nu̱ ku̱nshe wakar nu̱ Jiimbi shakhshakhndi shiki ye nu. Ɗya shimndi ɓaran ku̱ mbu nu zu̱r ɓu̱ Yesu Masiya, tun gwa boote ni nu̱ Ku̱nshe baatli tom ɓaran. Bu ku̱ Magham boosa nu ndu̱ mu̱nkir ndu̱ qaandi memu̱nari.

1 Biturus 3:18

Jiwa Masiya mu̱t ku̱me solar ku sar kaada ye kharki, nu̱ dambi ku̱me nu̱ song dambi, ma ku̱ ɗu̱ ndu̱ tun she Magham. Wa tlagha nda nu̱ gha mbu̱ man va, yang wa vu̱r nyifi yenda mbu̱ jiimba,

1 Yokhana 1:7

Yang mbu chem a yir ɓaarem mbu̱ yarang ba wa nu̱ke Magham a mbu̱ yarang, chem a khar ndu̱ yen ɗo. Tom ɓu̱ Yesu Yi ɓaran a shibterem nu̱gha mbe aa nyi sola.

1 Yokhana 2:2

Chin ke sadke yaapar solar ɓaarem yerem, yang ɓaarem ɗyenda ɓa, ndu̱ solarku ɓu̱ larji gumada.

Ɗyin mbu̱ tukari 1:5

ndu̱ she Yesu Masiya, chin nu̱ke ɗya nu̱ saidu zhire. Chin nu̱ke ɗya Ye gomir nu̱ gumapaali nu̱ jiiki ɓar mbe mu̱ti, a kwaaɗar ɗyine kujiku nu̱ larji tu̱k. Chin nu̱ ndolaki rem, tu̱ lawa rem mbe solarku ɓaarem nu̱ ku̱nshe mbu̱ti tom ɓaran.

Ɗyin mbu̱ tukari 14:1

Tang nggu̱ɗi gumera, tang na Ye gamndang chingndan ɗyine dleng Sikhiyona ndu̱ nduki du̱pu won ndu̱ ɗyin vat qu̱m vat (144,000), wor ke nduki nu̱ bu̱laki dlu̱m Ye gamndang ndu̱ ɓu̱ Zhin nu̱ me guma wora.

Ɗyin mbu̱ tukari 14:5

Sar da nu̱ nduk tu̱k wollo mbu̱ me wor ɓa, ku̱me ɗya nu̱ song zop ku.

Ɗyin mbu̱ tukari 5:6

Tang na Ye Gamndi ba wa quran dlaran, chingndan tala ɗyine zhakhɗyang, kararan ndu̱ nu̱ nyifi ku vatndi nang nu̱ ndukkudaandikwang. Domndi ɓaranang mut ndu̱ yitiku mut, nu̱ke ɗya jiimbiku mutndi ɓu̱ Magham nu̱ ru̱kki wor nu̱ mbu̱ larji kap.

Ɗyin mbu̱ tukari 5:9

Tu̱ qa mewar taazi ku, a zu̱ran ku za, “Ta khu̱l ma ku̱ dlu̱ na lagarkati ɗyikhlakandang to qu̱n yitu̱m ɓaran kwang nu̱gha. Jiwa wa tlagha nu̱gha zhu, yang nu̱ ku̱nshe tom ɓaaro ta dli ɗyin nduki ye Magham mbe aa nyi me sham, ndu̱ me ghin, ndu̱ me ghai, ndu̱ aa nyi nduki.

Ɗyin mbu̱ tukari 7:14

Tang tlogha nga za, “Ta zu̱ni, ku̱man.” Tu̱ yang zu̱ ya za, “Ndukiku nang wora viki mbe bonye maɗyikandi. Wa shiɓ luktiku ɓaanda nu̱ gha ndu̱ tom ɓu̱ Ye gamndang, tu̱ kha ɓong ku.