1 Biturus 1:17 - Mewar Alqawarang

¹⁷ Ma nu̱ke tun wa ka qa Magham “Zhinki” sarchi nu̱ke tun a barari. Ku̱me nang tun shi khar ɓaanu ndu̱ sawa ma ɓar ye sarchi nu̱ke tun ka woɗaki khar runggi nu̱ke tun a shiran mbu̱ larji nang. Ku̱me Magham ɗya nu̱ kuma yang ka kuma tlu̱nar ɓu̱ aa nyi nduku waare shimndi ɗyin.

1 Biturus 1:17 ပူးပေါင်းရင်းမြစ်များ

Matta 16:27

Yi ɓu̱ Nduk a ɓar ndu̱ nu̱ ru̱ktiku ɓaran, mbu̱ zhaaji ɓu̱ Zhinkir ɓaran, kom ka ɓi aaki ku̱rku̱r ndu̱ pooni tlu̱nar nu̱ nduk shiki.

Matta 22:16

Ta ru̱k nu̱ mbu wor kwang ndu̱ nduki ɓu̱ Khiridus tu̱ ze nda ku za, “Maalu̱m, chem wa zu̱n za to nu̱ zhire, ta shoga kya zhire ɓu̱ ɓalar ɓu̱ Magham ɓara. Aaki wayen shoro, no da njif nggur ndu̱ zhaaji tu̱ duk njif nggur ɓa.

Matta 6:9

“Ku̱ barar ɓaanu kha wanang: ‘Zhinerem nu̱ke a mbu̱ viɗi ku̱ nduk sawa dlu̱moro,

Romeku 11:20

Ɗyen wanang shwat! Yang ku̱rta wor ɓar ve man qu̱farang ku̱me song maito ɓaanda, to yang maito ɓa ka saki to zu̱m guma ndu̱ khar ve man qu̱farang. Ku̱me nang shi na me nggu̱nggal ɓa, to ka tu̱k kya sawa.

2 Korintiyeku 1:2

Ku̱ mu̱nkir ndu̱ qaandi memu̱nar na viki she Magham Zhinerem ndu̱ Yesu Masiya kha gha su̱yen ndu̱ tunu.

2 Korintiyeku 5:6

Nang ke ɗyi nu̱ saki aakochi nyem ka tu̱k sawar aa nu̱m ɓa, chem wa zu̱n mbu̱ chem a mbu̱ man var nu̱ larji nang, chem ɓakh ndu̱ rafti ɓaarem nu̱ke a nje she Zhinkir gwaanji.

2 Korintiyeku 7:1

Nu̱ke wa shi alqawar ɗyiku nang yerem kap, nyeezaku, ku̱ shakh mi ɗyinerem ndu̱ ɗyiku nu̱ke ka saki tu̱ man vaarem ndu̱ memu̱na rem kha zopan. Bu ku̱ khar viti ɓaarem kha shakhshakh nyeedlan nu̱ sawar Magham.

2 Korintiyeku 7:11

Na ma ɗyi nu̱ su̱bu̱rti mbi nu̱ Magham njigki ku̱ gwaanu nang a ɓa ki si ye nu. Wa sa nu tun wut maa nu̱ke nun shi torop ɓa. Wa sa tun shi shokhnari, tun tu̱k sawar tu̱k. Wa sa tun sa memu̱na nu, nun ndola vaanu ɓa. Tun daasaran ma ku̱ wu nu aaki nu̱ shiki zop wa nu̱ shipaki. Ve ɓalar nang tun wa wut mbe anyi njiva nu̱ ɗyine nun shi zop ɓa.

Galatiyeku 2:6

Yang ɓu̱ nduki nu̱ daki wor za ɗya dlegumeku nang, nu̱ shaata aa nu̱m nu̱ ɗyine shogar nang shiki ɓa. (Ye nar ɓanga, aa nu̱zhinakon kikimndan kap da sha. Ku̱me Magham nu̱ka kuma nduk ndu̱ ɗyi nu̱ke nduk a naran dam ɓa).

Afiseku 1:17

Nga barar ma ku̱ Maghamndi ɓu̱ Zhinerem gwaanji Yesu Masiya, Zhinkir nu̱ zhaaji, ku̱ vu̱r Jiimbi ɓaran nu̱ka vu̱rki kaɗari ndu̱ wuti su̱ tunu ye nu, ma ku̱ gwa nu shaatar mbe zu̱ndi Magham.

Afiseku 3:14

Ku̱me nang nga kurum gha gume Zhinerem nu̱ mbu̱ viɗi,

Afiseku 6:9

Tun zhinkirku nu̱ rafa, shi ma ye maaviku ɓaanu ba wanang tu̱k. Tun njig vu̱r sawar ye wora. Zu̱n man gha nu̱ ɗyine tun ndu̱ wor kap Zhinkir gwaanji ɓaanu a nje mbu̱ viɗi, yang nu̱ka shim njif nggur tu̱ duk njif nggur ɓa.

Filipiyeku 2:12

Ku̱me nang, raptaku, nga khutonu ba wa nun ka tu̱kki ɓalar ɓang aakochi aa nga nje su̱yen ndu̱ tun ɓa, yang leendang shaata man si nu̱ke nga nje su̱yen ndu̱ tun tu̱k ɓa. Zu̱m ma guma tun ki tlu̱nar nu̱ gwar ɗanar ɓaanu ndu̱ sawari ndu̱ dlu̱rti vari.

Kolosiyeku 3:25

Yang nu̱ tlu̱nar zop, ka gwa ɗye ɓi ɓu̱ zop ɓaran, ku̱me Magham ka kuma aaki ku̱rku̱r.

Yibraniyeku 12:28

Yang nang ɗo, nu̱ke chem a ma viri nu̱ mbu̱ kwaaɗar nu̱ke ɓu̱ shi yakhta ɓa, ku̱ kuna mi, chem ghar ghai ye Magham wa nu̱ke a shimndan. Mbu̱ sawar ndu̱ vu̱rti gorkiri,

Yibraniyeku 4:1

Nu̱ke alqawar viri nu̱ mbu̱ maasi ɓaran a nje ma ɓar leendang, chem ku̱r vaarem maɗyi ɗo ma ku̱ njif nggur ku̱na gwa viri nu̱ mban ɓa.

1 Biturus 2:11

Raptaku nu̱ke nga ndolaran, nu̱ke tun a shikya khar runggu mbu̱ larji nang, maa kha nu fan ɓa, nga khutonu, shakh ma ɗyinonu ndu̱ ɗye shir malkandi nu̱ melakh ɓu̱ nduku, ɗye shir nang a wute ndu̱ jiimbonu.

1 Biturus 3:15

Yang mbu̱ memu̱nanu da ma Masiya tu̱ kha ma Zhinonu gwaanji. Kha ma daasaran aakochi ma tlogha nu ye nu̱ zhamndonu ɗyi nu̱ saki tun sa memu̱na nu ye mbu Masiya. Yang shi ma nang ndu̱ ɓu̱tokh memu̱na ndu̱ vu̱rti gorkiri.