1 Biturus 1:13 - Mewar Alqawarang

¹³ Ku̱me nang tun daasa memu̱na nu ma tlu̱nari, tun ku̱s vaanu yeyen, tun sa memu̱na nun ve mu̱nkir nu̱ke a ma vu̱rtan ye nu ye fu̱ɗar nu̱ke Yesu Masiya ka ɗa gaɓki.

1 Biturus 1:13 ပူးပေါင်းရင်းမြစ်များ

Matta 20:4

Tu̱ ze wor za, ‘Ɗu̱ ma tu̱k tun a shi tlu̱nar ya mbu̱ dam ɓang ɓaa, ngga ɓiiro ro ndu̱ ɗyi nu̱ shipaki.’

Luka 12:35

“Kha ma gha daasaran ndu̱ pitile nar maari.

Luka 17:30

“Ka shi ba wanang fu̱ɗar gaɓti ɓu̱ Yi ɓu̱ Nduku.

Luka 17:8

Alapa ɓu̱ ze maavyang za, ‘Dooso ɗyi nu̱ke ngga zu̱mki to kosa mbu̱ va nu̱gha, to vu̱r ɗye zu̱mndi virkir ya dong to ɗa ɓa si tang zu̱m tang za, kom to zu̱m ɓa gana fan ɓa goma?’

Romeku 13:13

Bu ku̱ khar viti ɓaarem kha mbari wa nu̱ shipaki nduki nu̱ke a khar mbu̱ yarangi. Waare nggar zu̱mndi ku bam bam ndu̱ kuyari, ndu̱ zawar ku ndu̱ tlu̱nar ɗye zhaane ku nu̱ song kawa, ndu̱ dakhlari ndu̱ ɓar nu̱ shakhti ɗyin ndu̱ zhiri.

Romeku 8:19

Sarchi a nje a ɓari nu̱ke Magham ka ɓa wutki qusonggi ɓaran ye dalangi. Yang ɗyiku nu̱ du̱ngki kap a ku̱rsa sarchi nang wa nu̱m gom.

1 Korintiyeku 1:7

Ku̱me nang, nun laada gwa aa nyi barka sarchi nu̱ke tun zu̱ki yitonu tun a bu gaɓti ɓu̱ Zhinerem gwaanji Yesu Masiya ɓa.

1 Korintiyeku 13:13

Yang leendang ɗyiku kunungndi nang a nje shwat, wor ke: Maito, sar memu̱nari, ndu̱ ndola, yang chele ɗyi kunungndi nang, ndola dukki gwaari.

Afiseku 6:14

Ku̱me nang, ching ma gha ndu̱ du̱mbu̱r ɗo, tun gu̱n wudlonu nu̱ gha ndu̱ zhire, ku̱ dambi kha ma lukti vi nu̱ kanggar memu̱nanu.

Kolosiyeku 3:4

Masiya ke nyifi ɓaanu zhirekandi. Mbu̱ a ɓa tu̱k, tun ka ɓa kha gha su̱yen ndu̱ chin tun gwa me ɓaanu mbe zhaaji ɓaran.

2 Tasalonikeku 1:7

yang tun nu̱ke a vu̱r bonye ye nu kwang, ka maasonu, ndu̱ chem kap. Ɗyi nang ka shi ye fu̱ɗar nu̱ Zhinerem gwaanji Yesu ka ɗa ɓa ki mbu̱ viɗi su̱yen ndu̱ zhizhonggir ɓai du̱mbu̱rkandi, ndu̱ nu̱ ru̱ktiku ɓu̱ Magham rututundi ku.

2 Timoti 4:5

Yang to, ku̱s vaaro mbe aa nyi tunu, to gu̱n memu̱na ro mbe bonye, to shi tlu̱nar ɓu̱ nu̱ wopar Labar mbarkandi, to nyel tlu̱nar ɓaaro ye khar ɓa ma maavi ɓu̱ Magham.

2 Timoti 4:8

Leendang ɗye zhar nu̱ tlu̱nar dambi a nje daasaran ku̱me nga, chin Zhinerem gwaanji nu̱ke ɗya nu̱ kumar zhire ka ɓa vu̱rki ya ye Fu̱ɗar naandang. Yang ka ɓa vu̱rkya ya nga ɗyenda ɓa, ka ɓa vu̱r ye kap nduki nu̱ke a buran ku mbe ndola ma na nda gaɓti ɓaran.

Yibraniyeku 10:35

Ku̱me nang ku̱ njig nu khar ndu̱ shokhku̱rokh memu̱na ɓa, ku̱me ka ɗa ɓa ndu̱ ɗye ɓiiri gwaanji ye nu.

Yibraniyeku 3:6

Yang Masiya ɗya nu̱ zhire mbe khar ɓaran Yi ɓu̱ Magham ɗyine nduki ɓu̱ Magham. Chem ke nduki ɓaran mbu̱ chem wa zu̱m guma ndu̱ shokhku̱rokh memu̱na, chem a sa memu̱narem su̱yen ndu̱ wakhti ɗyine ɗyiku nu̱ke chem a bu ɓar ɓaanda.

Yibraniyeku 6:19

Chin sar memu̱nar ɓaarem nang saki chem ching gha shaanggu̱ɗang waare sawa. Yesu viki nu̱ mbu mbu maɗyi, tu̱ ɗu̱ qu̱rse kapar nu̱ke a mbu̱ rafti ɓu̱ Magham nu̱ke a viɗang me ɓaarem.

Yibraniyeku 9:28

wanang tu̱k wa vu̱r Masiya sar kaada ma ku̱ da solarku ɓu̱ nduki khang. Masiya ka ɗa ɓa nu̱ rapan, yang ka ɗa ɓakya ma da solarku ɓu̱ nduki ɓa, ka ɗa ɓakya ma ɗana nduki nu̱ke a kasha gaɓti ɓaran.

1 Biturus 1:10

Yang viɗ ɗyine gwar ɗanar nang, annabiku nu̱ shiki ɓalar ɓu̱ mu̱nkir nu̱ke ka ɗa ɓa ki ye nu, wa laɓ mban nu̱ gha mbari ndu̱ shaandi.

1 Biturus 3:15

Yang mbu̱ memu̱nanu da ma Masiya tu̱ kha ma Zhinonu gwaanji. Kha ma daasaran aakochi ma tlogha nu ye nu̱ zhamndonu ɗyi nu̱ saki tun sa memu̱na nu ye mbu Masiya. Yang shi ma nang ndu̱ ɓu̱tokh memu̱na ndu̱ vu̱rti gorkiri.

1 Biturus 4:7

Lauɗarsi aa nu̱m wa shi bing. Ku̱me nang shi ma nggu̱ti mbari, tun ku̱r vaanu. Ku̱me ku̱ ɗu̱ma nu tun shi barari.

1 Biturus 5:12

Nga bu̱la lagarkati koɗommandi nang ye nu ndu̱ shaatar ɓu̱ Sila, nu̱ke nga da nda ɗya khachinkir maitokandi yang nga na wa khu̱l ku̱ qa nga nda nu̱ shir zhire. Nga pa du̱mbu̱r ye nu, wut nga yenu nang ke mu̱nkir ɓu̱ Magham zhirekandi. Ku̱me nang ching man mbe mu̱nkir ɓu̱ Magham nang ndu̱ du̱mbu̱r.

1 Biturus 5:8

Ku̱s ma vaanu ye yen, tun kha daasaran. Wonji nu̱ zhangndi ɓaanu Sheɗan a paɗari, a quri wa mu̱zamndi, a laɓ njif nu̱ke chin ka njerki nu̱ gha ma njiiran.

1 Yokhana 3:3

Kap njif nu̱ saki memu̱naran nu̱ ɗyine Masiya wa ka shi khar shakhshakhndi wa nu̱ke chin shakhshakh.