Зәбур 7:3 - Изге Язма

³ Юкса алар мине арысландай ботарлар, өзгәләп ташлар, һәм беркем мине коткармас.

Зәбур 7:3 ပူးပေါင်းရင်းမြစ်များ

Әюб 11:14

кулыңны пычраткан бозыклыкны ташлый алсаң һәм өеңдә гаделсезлеккә юл куймасаң –

Зәбур 59:3

И Аллаһы, Син бездән йөз чөердең, безне егып салдың. Син безгә ачулы идең, инде элекке хәлебезгә кайтар!

Ешуа 22:22

– И Аллалар Алласы Раббы! И Аллалар Алласы Раббы! Эшнең нәрсәдә икәнен Ул беләдер, инде исраилиләр дә белсен. Әгәр без, Раббыга каршы чыгып, Аңардан ваз кичкәнбез икән, бүген Ул безне аямасын!

I Патшалар 20:8

Син исә – минем белән дус булырга Раббы каршында вәгъдәләшкән кеше, шуңа күрә колыңа тугры калып мәрхәмәт күрсәт: нинди дә булса гаебем бар икән, нигә мине атаң каршына алып барып торырга, үзең генә үтер!

I Патшалар 22:13

– Ни өчен син, Ишай углы белән берләшеп, миңа каршы сүз беркеттең? Ни өчен син аңа икмәк һәм кылыч бирдең, аның хакында сорап, Аллаһыга мөрәҗәгать иттең? Хәзер әнә Давыт, миңа каршы баш күтәреп, миңа тозак корып йөри, – дип дәвам итте Шаул.

I Патшалар 24:11

Бүген син үз күзләрең белән күреп торасың лабаса: мәгарә эчендә чакта Раббы синең язмышыңны минем кулга тапшырган иде, янәшәмдәге кешеләр синең гомереңне өзәргә киңәш иткәннәр иде, ләкин мин сине кызгандым, аларга: «Әфәндемә кул күтәрәсем юк, чөнки ул – Раббы тарафыннан билгеләнгән патша», – дип җавапладым.

I Патшалар 24:9

Аңа ияреп, Давыт та мәгарәдән торып чыкты һәм Шаул артыннан: – Патша әфәндем! – дип кычкырды. Шаул әйләнеп карагач, Давыт, аңа башын иеп, йөзе белән җиргә орынды.