Саннар 22:12 - Изге Язма

¹² Аллаһы Билгамга әйтте: – Алар белән барма һәм бу халыкка ләгънәт укыма, чөнки ул фатихаланган халык.

Саннар 22:12 ပူးပေါင်းရင်းမြစ်များ

Яратылыш 12:2

Синнән Мин бөек халык тудырачакмын, сине мөбарәк кылачакмын, исемеңне шөһрәтле итәчәкмен; син фатиха-бәрәкәт иясе булачаксың.

II Елъязма 31:10

Садыйк нәселеннән булган баш рухани Азария, аңа җавап итеп: – Раббы йортына бүләкләр китерә башлаганнан бирле, без туйганчы ризыкланабыз, күбесе әле артып та кала. Раббы Үз халкын мөбарәк кылды, шуңа күрә артып калганы да әнә күпме, – диде.

Зәбур 144:15

Бар терек җан өмет белән Сиңа күз төбәгән: Син аларны үз вакытында тукландырасың.

Зәбур 146:5

Бөектер Хуҗа-Хакимебез вә бик кодрәтледер, гакылының чиге юктыр!

Ишагыйя 61:9

Аларның токымы – халыклар арасында, нәселе кавемнәр арасында мәшһүр булыр. Аларны күргән һәркем: «Бу – Раббы фатихасын алган халык», – дияр.

Михә 6:5

Әй халкым, Мәаб патшасы Бәлакның ни кылырга ниятләгәнен һәм Бигур углы Билгамның аңа нәрсә дип җавап биргәнен исеңә төшер. Шиттимнән Гилгәлгә ясаган сәяхәтеңне хәтереңә ал һәм Раббының сиңа күпме яхшылыклар кылганын күрерсең».

Саннар 22:11

«Менә, Мисырдан бер халык чыкты да җир йөзен каплап алды. Хәзер кил дә минем өчен бу халыкка ләгънәт укы. Бәлкем, мин аңа каршы сугыша һәм аны куып чыгара алырмын».

Саннар 22:13

Билгам, иртән торгач, аларга: – Барыгыз, үз җирегезгә кайтыгыз, чөнки Раббы миңа сезнең белән барырга рөхсәт итми, – диде.

Саннар 22:6

Син, килеп, минем өчен бу халыкка ләгънәт укы, чөнки ул миннән көчлерәк. Син ләгънәтләсәң, бәлкем, мин аны җиңә һәм бу җирдән куып чыгара алырмын. Миңа мәгълүмдер: син фатихалаган кеше – мөбарәк, син ләгънәтләгән кеше исә каргалган була», – дип әйтергә кушты.

Саннар 23:23

Ягъкуб токымына каршы нинди сихерчелек тә файдасыз, Исраил халкына каршы күрәзәлек итү дә файдасыз. Ягъкуб, ягъни Исраил хакында кешеләр хәзер: „Аллаһы әнә нәрсә эшләде!“ – дип әйтер.

Саннар 23:3

Билгам аннары Бәлакка: – Син үзеңнең яндырылган корбанлыгың янында тор, ә мин китим – бәлки, Раббы мине каршыларга чыгар. Ул нәрсә әйтсә, шуны сиңа белдерермен, – диде. Шуннан ул шәрә бер калкулык түбәсенә менде.

Саннар 23:8

Аллаһы Үзе ләгънәт итмәгәнне, мин ничек ләгънәт итим?! Аңа Раббы бәддога кылмаганны, мин ничек бәддога кылыйм?!

Саннар 24:9

Ата арыслан кебек, ана арыслан кебек, җиргә ята алар – арысланны торгызырга кем җөрьәт итсен?! Сезгә фатихасын бирүче – фатихалы булсын, сезгә ләгънәт яудыручы – ләгънәтләнсен!“»

Маттай 27:19

Ул хөкем итү урынында утырган чакта, хатыны аңа: «Бу тәкъва Кешегә каршы бернәрсә дә эшләмә! Бүген төшемдә Аның аркасында бик нык газапландым», – дип хәбәр иттерде.

Римлыларга хат 11:29

Чөнки Аллаһының бүләкләре һәм чакыруы кайтарып алынмас.

Эфеслеләргә хат 1:3

Хакимебез Гайсә Мәсихнең Алласы һәм Атасы данлансын. Ул безне Мәсих аркылы күктәге бөтен рухи байлыклар белән фатихалады.

Канун 2:7

Раббы Аллагыз һәр эшегезгә фатихасын бирде, иксез-чиксез чүлдән барганда, сезне кайгыртты. Раббы Аллагыз шушы кырык ел буе яныгызда булды, һәм сез һичнинди мохтаҗлык күрмәдегез.

Канун 23:5

Әмма Раббы Аллагыз Билгам сүзләренә колак салырга теләмәде һәм аның каргышын фатихага әверелдерде, чөнки Раббы Аллагыз сезне ярата.

Канун 28:6

Чыгып киткәндә дә, кайтып кергәндә дә фатихалы булырсыз.

Канун 33:29

Бәхетле син, Исраил! Сиңа – Раббы коткарган халыкка тиңнәр юктыр. Раббы – синең яклаучы калканың, җиңү китерүче кылычың! Дошманнарың, килеп, синнән шәфкать сорыйлар, син аларны таптап узасың».

Канун 7:14

Башка халыклардан аермалы буларак, сез иң фатихалысы булырсыз: ир-хатыннарыгыз – баласыз, терлегегез кысыр булмас.