Рут 2:20 - Изге Язма

²⁰ Шунда Нагомия үзенең килененә: – Раббы аны фатихаласын! Ул тере бәндәләргә дә, үлеләргә дә мәрхәмәтле! Богаз – безнең якын кардәшебез, безгә туган тиешле кеше, – диде.

Рут 2:20 ပူးပေါင်းရင်းမြစ်များ

II Патшалар 2:5

Шуннан Давыт, Гилыгад Явешендә яшәүче халыкка җиткерер өчен үзенең илчеләрен озатып, шундый хәбәр юллады: «Әфәндегез Шаулга кылган мәрхәмәтегез һәм аны гүргә иңдерүегез өчен, Раббы алдында фатиха иясе сез.

II Патшалар 9:1

Беркөн Давыт: – Шаул гаиләсеннән кем дә булса исәнме әле? Мин аңа Йонатан хакына игелек кылыр идем, – диде.

Әюб 19:25

Мин беләм: мине коткаручы Зат тередер, соңгы көндә җир йөзенә килер Ул.

Гыйбрәтле сүзләр 17:17

Чын дусның дуслыгы беркайчан сүрелмәс; туган туганга ярдәм итәр өчен дөньяга килер.

Левиләр 25:25

Әгәр берәр туганың, бөлгенлеккә төшеп, үзенең биләмәсен сата икән, аның иң якын кардәше, түләп, биләмәне кире кайтарып алсын.

Филиппуйлыларга хат 4:10

Шундый озак вакыт узганнан соң, минем хакта яңадан кайгырта башлавыгыз белән Хаким мине бик нык сөендерде. Әлбәттә, сез һәрвакыт минем турыда кайгырттыгыз, әмма моны күрсәтергә мөмкинлегегез генә булмады.

Рут 2:21

Мәаби Рут аңа әйтте: – Ул хәтта миңа: «Урак өсте беткәнче, минем хезмәтчеләрем янында бул», – диде.

Рут 3:12

Сүзең хактыр: мин сиңа туган тиешлемен, әмма синең миннән дә якынрак тагын бер туганың бар.

Рут 4:14

Килене бала тудырганнан соң, барча хатын-кыз Нагомиягә: – Шөкер, Раббы сине оныксыз калдырмады! Исраил җирендә бу баланың исеме данга күмелсен!

Рут 4:4

Сиңа шушы хәбәрне җиткерергә булдым. Биредә утыручылар һәм өлкәннәр алдында сиңа әйтәсе сүзем шул: басуны сатып алырга ризасыңмы? Әгәр риза икәнсең – ал, инде теләмисең икән – җавабыңны әйт. Миңа моны белеп тору кирәк, чөнки синнән башка басуны үзенә алырдай кеше юк; инде син баш тартсаң, миңа уйларга кала. Богазның кардәше сатып алырга булды.

Рут 4:6

Богазның туганы исә бу сүзләргә каршы болай дип җавап кайтарды: – Әлеге басу өчен йолым түләп, үз мөлкәтемә зыян китерер хәлем юк; шулай булгач, басуны син үзеңә ал.