Рут 2:13 - Изге Язма

¹³ – Игелегеңнән ташламасаң иде, әфәндем! – диде аның бу сүзләренә каршы Рут. – Мин колыңны тынычландырдың, хезмәтчеләрең дәрәҗәсенә дә лаек булмаган хатынны күңелгә хуш сүзләрең белән юаттың.

Рут 2:13 ပူးပေါင်းရင်းမြစ်များ

Яратылыш 32:6

Хәбәрчеләр, әйләнеп кайтып, Ягъкубка: – Кардәшең Эсау янында булдык. Ул сине каршыларга юлга чыкты, үзе белән дүрт йөз кешесе бар, – дип белдерделәр.

Яратылыш 33:10

– Юк, әгәр синең күңелеңә хуш килсәм, минем бүләгемне дә кабул ит, – диде Ягъкуб. – Синең йөзеңне күрү миңа Аллаһының йөзен күрү кебек булды – син бит миңа ягымлы мөнәсәбәтеңне күрсәттең.

Яратылыш 33:15

Эсау: – Алайса, мин янымдагы берничә кешене синең белән калдырам, – диде. – Нигә кирәк? – диде Ягъкуб. – Син миңа, кардәшем әфәнде, болай да ягымлы карашыңны күрсәттең.

Яратылыш 33:8

Эсау: – Миңа юлда очраган көтү-көтү малның хикмәте нәрсәдә? – дип сорады. – Син әфәндем миннән разый булсын өчен, бүләк ул, – дип җавап бирде Ягъкуб.

Яратылыш 34:3

Ягъкубның кызы Динә егетнең күңелен яулап, Шәкем аңа тәмам гашыйк булган иде. Шуңа күрә ул кызга ягымлы мөгамәлә күрсәтергә тырышты.

Яратылыш 43:14

Кадир Алла ул адәмнең күңелендә рәхим-шәфкать уятсын да, анда тоткарланган кардәшегезне дә, Беньяминне дә ул адәм сезнең белән бергә кире кайтарып җибәрсен иде. Инде миңа балаларымнан мәхрүм калырга язган икән, нишләмәк, язмышым шулдыр!

II Патшалар 16:4

Шунда патша Сибага: – Моңарчы Мепибошетныкы саналган бөтен мал-мөлкәт синеке булыр, – диде. Сиба, башын иеп: – Әфәндем патша киләчәктә дә һәрдаим миннән канәгать булса иде, – диде.

Гыйбрәтле сүзләр 15:33

Раббыдан курку һәм Аны хөрмәт итү зирәклекне арттырыр, ә күндәм-тыйнак булу дан-хөрмәткә юл ачар.

Һошея 2:16

Ул көнне, – дип белдерә Раббы, – син Миңа „ирем“ дип дәшәрсең, бүтән инде „багалым“ дип әйтмәссең.

Филиппуйлыларга хат 2:3

Үзегезгә файда эзләп яки масаеп һичнәрсә эшләмәгез, күндәм булыгыз һәм башкаларны үзегезгә караганда өстен күрегез.

Хөкемчеләр 19:3

Көннәрдән беркөнне леви ир үзе белән хезмәтчесен һәм пар ишәген алды да, кәнизәген өйгә кайтырга күндермәкче булып, аның янына китте. Кәнизәге аны атасының йортына алып керде;

Рут 2:12

– Кылган игелегең өчен, Раббы сиңа яхшылык белән җавап кайтарсын! Раббының, Исраил Алласының шәфкать канаты астына сыенырга дип килгәнең өчен, Раббы сине Үзе бүләкләсен!

Рут 2:14

Төш вакытында Богаз Рутка: – Бире кил, ризыктан авыз ит, икмәгеңне шәраб серкәсенә манып аша, – диде. Рут уракчылар янына килеп утырды, Богаз биргән кыздырган орлыкны ашый башлады; тамагы туйганнан соң да, әле аның ризыгы калды.

I Патшалар 1:18

– Синең күңелеңә мин колың хуш килсәм иде! – дип, Хөннә үз юлы белән китеп барды; шуннан тамагына да ашый башлады; аның йөзе инде әүвәлгечә кайгылы түгел иде.

I Патшалар 25:41

Абигәйль, урыныннан торып, җиргә кадәр башын иде һәм: – Мин – аның колыдыр, хезмәтчегә әйләнеп, әфәндем хезмәтчеләренең аякларын юарга әзермен, – диде.