Рәсүлләр 1:4 - Изге Язма

⁴ Көннәрнең берендә рәсүлләр белән ашап утырганда, Гайсә аларга шундый әмер бирде: – Иерусалимнән китмәгез, Ата вәгъдә иткән бүләкне көтегез. Мин сезгә ул турыда сөйләгән идем инде.

Рәсүлләр 1:4 ပူးပေါင်းရင်းမြစ်များ

Саннар 9:22

Чатыр өстендә болыт күпме торса, – ике көн, бер ай яки бер елмы, – исраилиләр дә шунда туктап тордылар һәм юлга чыкмадылар, ә инде болыт күтәрелүгә, алар юлга чыктылар.

Маттай 10:20

Әйткән сүзләрегез сезнеке булмас, сезнең аша Атагызның Рухы сөйләр.

Лүк бәян иткән яхшы хәбәр 11:13

Шулай итеп, сез, явыз кеше булып та, балаларыгызга яхшы нәрсәләр бирә беләсез икән, Күктәге Атаның исә Үзеннән сораганнарга Изге Рухны бирүе шөбһәсездер.

Лүк бәян иткән яхшы хәбәр 12:12

сезгә нәрсә әйтәсен Изге Рух шул сәгатьтә киңәш итәр.

Лүк бәян иткән яхшы хәбәр 24:49

Мин сезгә Атам вәгъдә иткәнне җибәрермен; сез исә, югарыдан кодрәт алганчы, шәһәрдә калыгыз.

Яхъя 14:16

Мин Атадан сорармын, һәм Ул сезгә бүтән Яклаучы-Юатучы бирәчәк, Ул сезнең белән мәңге булыр.

Яхъя 15:26

Мин Атадан сезгә Яклаучы-Юатучы җибәрәчәкмен. Ул – Атадан чыккан хакыйкать Рухы килгәч, Минем хакта шаһитлык бирәчәк.

Яхъя 20:22

Моны әйткәч, Ул сулышын аларга өреп: – Изге Рухны кабул итегез.

Яхъя 7:39

Ул моны Үзенә иман итүчеләр алачак Рух хакында әйтте. Әле Гайсә данланмаганга, аларга Изге Рух бирелмәгән иде.

Рәсүлләр 10:41

һәм Үз ихтыяры белән Гайсәне бөтен халыкка түгел, ә Үзе алдан сайланган шаһитларга күрсәтте. Әлеге шаһитлар – без, Ул үледән терелеп торганнан соң, Аның белән бергә ашаган һәм эчкән кешеләр.

Рәсүлләр 2:33

Шулай итеп, Аллаһы Аны Үзенең уң ягына күтәргәч, Ул, Атасыннан вәгъдә ителгән Изге Рухны кабул итеп, өстебезгә сез хәзер күреп һәм ишетеп торган бүләкне койды.