Маттай 8:15 - Изге Язма

¹⁵ Гайсә ул хатынның кулына кагылгач, кызышуы шунда ук бетте. Ул, торып, Гайсә хөрмәтенә табын әзерли башлады.

Маттай 8:15 ပူးပေါင်းရင်းမြစ်များ

IV Патшалар 13:21

Бервакыт шулай берничә исраили гүргә мәет иңдермәкче булып торганда, шул юлбасарларны күреп, мәетне Элишаның каберенә төшереп җибәрде; төшкән уңайга Элишаның сөякләренә орынган мәеткә җан керде, һәм ул аягына торып басты.

Ишагыйя 6:7

Шул күмерне авызыма тидереп, ул: – Менә, бу күмер синең иреннәреңә тиде, инде гаебең алынды, гөнаһларың кичерелде, – диде.

Маттай 14:36

Алар киеменең чабуына гына булса да кагылырга рөхсәт бирүен үтенделәр. Кагылган һәр кеше савыкты.

Маттай 20:34

Гайсә, аларны кызганып, күзләренә кагылды: алар шунда ук күрә башладылар һәм Аңа ияреп киттеләр.

Маттай 8:14

Гайсә Петернең өенә килде һәм кайнанасының кызышып, авырып ятуын күрде.

Маттай 8:16

Ә инде кич җиткәч, Гайсә янына җен кагылган күп кешеләрне алып килделәр. Ул Үзенең сүзе белән явыз рухларны куып чыгарды һәм бөтен авыруларны савыктырды.

Маттай 8:3

Гайсә, кулын сузып, аңа орынды һәм: – Әйе, телим. Тазарын! – диде. Шунда ук махаулы кеше тазарды.

Маттай 9:20

Шул вакыт унике ел дәвамында кан килүдән интеккән бер хатын, Гайсәнең артыннан килеп, өс киеменең чабуына орынды.

Маттай 9:29

Гайсә аларның күзләренә кагылды һәм: – Ышануыгызча булсын сезгә, – диде.

Марк 1:29

Гайсә, Ягъкуб һәм Яхъя, гыйбадәтханәдән чыгып, бөтенесе бергә Шимун белән Әндринең йортына юнәлделәр.

Марк 1:41

Гайсә аны кызганды һәм, кулын сузып, аңа орынды да: – Әйе, телим. Тазарын! – диде.

Лүк бәян иткән яхшы хәбәр 8:54

Гайсә кызның кулыннан тотты да, тавышын күтәрә төшеп: – Балам, тор, – диде.