Маттай 7:17 - Изге Язма

¹⁷ Менә шулай, яхшы агач – яхшы җимеш, ә начар агач начар җимеш бирә.

Маттай 7:17 ပူးပေါင်းရင်းမြစ်များ

Зәбур 1:3

Агымсу ярында үскән агач кебек ул: җимешен үз вакытында бирер, яфраклары шиңмәс-корымас; һәр эшендә уңышка ирешер ул.

Иремия 11:19

Ә мин чалырга алып барган юаш бәрән сыман булганмын, дошманнарым миңа каршы фетнә оештырганны белмәдем. «Әйдәгез, агачны җимешләре белән бергә юк итик, аны исәннәрдән аерып кисик, исеме дә телгә алынмасын», – дигән алар.

Иремия 17:8

Су буенда үскән, тамырларын елгага таба җәйгән агач кебек булыр ул: эссе көннәр аны куркытмас, яфраклары һәрчак яшел калыр; ел коры килгәндә дә борчылмас ул, җимеш бирүдән дә туктамас.

Маттай 7:18

Яхшы агач – начар җимеш, начар агач та яхшы җимеш бирә алмый.

Эфеслеләргә хат 5:9

Яктылыкның җимеше – һәртөрле игелеклелек, тәкъвалык һәм хакыйкать.

Филиппуйлыларга хат 1:11

Гайсә Мәсих аша тәкъвалык җимешләрен мул итеп китерүегезне теләп дога кылам. Шул очракта Аллаһыга дан һәм мактау булыр.

Көлессәйлеләргә хат 1:10

Һәр игелекле эшегез җимеш китереп, Аллаһыны танып белүегез артканнан-арта барып, Хаким Гайсәгә лаеклы булып яшәрсез һәм һәрнәрсәдә Аңа яраклы булырсыз, дип дога кылабыз.

Яһүдәдән хат 1:12

Мәхәббәт мәҗлесләрегездә алар – пычрак таплар: вөҗдансызланып сыйланалар. Алар – үзләре хакында гына кайгыртучы көтүчеләр, җил куып йөрткән яңгырсыз болытлар, бөтенләй үлгән, тамыры белән кубарылган, көзен җимеш бирми торган агачлар.