Маттай 5:9 - Изге Язма

⁹ Татулык урнаштыручылар бәхетле, чөнки аларны Аллаһы балалары дип атарлар.

Маттай 5:9 ပူးပေါင်းရင်းမြစ်များ

I Елъязма 12:17

Аларны каршы алып, Давыт: – Әгәр минем янга изге ният белән, ярдәм итәр өчен килсәгез, мин сезнең белән туганлашырмын, әмма инде бер хаксызга мине дошманнарым кулына тапшырырга килгәнсез икән, ата-бабаларыбызның Алласы Үзе күреп сезгә хөкемен чыгарсын, – диде.

Зәбур 120:6

Көндезен – кояштан, төннәрен айдан зарар тидертмәс Ул сиңа.

Зәбур 34:12

яхшылыгыма каршы явызлык эшлиләр – җаным мескен бер ятим булып калды.

Маттай 5:45

Шулай эшләп, Күктәге Атагызның балалары булуыгызны күрсәтерсез, чөнки Аллаһы кояшны явызлар өчен дә, рәхимлеләр өчен дә чыгара һәм яңгырны тәкъваларга да, тәкъва булмаганнарга да яудыра.

Маттай 5:48

Шулай булгач, Күктәге Атагыз камил булган кебек, сез дә шулай камил булыгыз.

Лүк бәян иткән яхшы хәбәр 20:36

Алар инде үлә дә алмаячаклар, чөнки фәрештәләр сыман булырлар. Алар Аллаһы балаларыдыр, чөнки Аллаһы аларны үледән терелтте.

Лүк бәян иткән яхшы хәбәр 6:35

Ә сез, киресенчә, дошманнарыгызны яратыгыз, аларга яхшылык эшләгез, кире алырмын, дип өметләнмичә бурычка бирегез. Шулай эшләсәгез, сезгә әҗере зур булыр, һәм сез Аллаһы Тәгаләнең балалары булырсыз. Яхшылыкның кадерен белмәүчеләргә һәм явызларга да миһербанлы бит Ул.

Рәсүлләр 7:26

Икенче көнне ике исраилинең сугышканын күргән. Аларны татулаштырырга теләп: «Ирләр, сез – туганнар бит, нигә бер-берегезне рәнҗетәсез?» – дигән.

Римлыларга хат 12:18

Әгәр мөмкин булса, кулыгыздан килгәнчә, барлык кешеләр белән дә тату яшәгез.

Римлыларга хат 8:14

Аллаһы Рухы йөрткән кешеләрнең һәммәсе дә – Аллаһы балалары.

Римлыларга хат 8:16

Изге Рух Үзе, рухыбыз белән бергә, безнең Аллаһы балалары булуыбызны раслый.

Римлыларга хат 8:19

Аллаһы тарафыннан барлыкка китерелгәннәрнең һәммәсе Аллаһы Үз балаларын күрсәтәчәк көнне түземсезләнеп көтә.

I Көринтлеләргә хат 6:6

Имандаш белән имандаш дәгъвалаша, өстәвенә бу – имансызлар алдында эшләнелә!

II Көринтлеләргә хат 13:11

Ниһаять, имандашлар, шатланыгыз, камиллеккә омтылыгыз, бер-берегезне рухландырыгыз, бер фикердә булыгыз, тату яшәгез һәм мәхәббәт вә иминлек Алласы сезнең белән булыр.

II Көринтлеләргә хат 5:20

Шулай итеп, без – Мәсих вәкилләре, һәм Аллаһы Үзе безнең аша ничек үгетләсә, без шулай Мәсих исеменнән ялварабыз: Аллаһы белән татулашыгыз.

Гәләтиялеләргә хат 5:22

Изге Рух исә мәхәббәт, шатлык, иминлек, сабырлык, игелеклелек, изгелек, тугрылык, басынкылык, тотнаклылык тудыра. Мондыйларга каршы бернинди канун юк.

Эфеслеләргә хат 4:1

Шулай итеп мин, Хаким Гайсә хакына тоткын буларак, Аллаһыдан алган чакыруыгызга лаеклы итеп яшәвегезне үтенәм.

Филиппуйлыларга хат 4:2

Әүдия белән Сүнтүхиянең икесе дә Хакимнеке булганга күрә, бер үк фикердә булуларын үтенәм.

Көлессәйлеләргә хат 3:13

Бер-берегезгә сабырлык күрсәтегез һәм, үпкәгез булса, бер-берегезне кичерегез. Мәсих сезне кичергәндәй, сез дә бер-берегезне кичерегез.

Гыйбриләргә хат 12:14

Барлык кешеләр белән тынычлыкта яшәргә һәм изге булырга омтылыгыз, изге булып яшәмәгән кеше Раббыны күрмәячәк.